પટનામાં PM મોદીનો મેગા રોડ શો, રસ્તાઓ પર ઉમટી પડી ભારે ભીડ, જુઓ વીડિયો

વડાપ્રધાન નરેન્દ્ર મોદી બિહારની રાજધાની પટનામાં રોડ શો કરી રહ્યા છે. પીએમ મોદીનો આ રોડ શો શરૂઆતમાં 2 કિલોમીટર લાંબો થવાનો હતો, પરંતુ ભારે ભીડને જોતા તેને એક કિલોમીટર વધુ લંબાવવામાં આવ્યો છે. રોડ શોમાં પીએમ મોદીની સાથે બિહારના મુખ્યમંત્રી નીતિશ કુમાર પણ તેમની સાથે જોવા મળી રહ્યા છે. આ પહેલીવાર છે કે પટનામાં દેશના કોઈ વડાપ્રધાનનો રોડ શો યોજાઈ રહ્યો છે.

આ રહેશે ટાઈમટેબલ

વડાપ્રધાનનો આ રોડ શો ભટ્ટાચાર્ય મોડથી શરૂ થયો છે અને ઉમા સિનેમા, કદમકુઆં, સાહિત્ય સંમેલન, ઠાકુરબારી રોડ થઈને ઉદ્યોગ ભવન પહોંચશે. જણાવવામાં આવી રહ્યું છે કે આ રોડ શો લગભગ 2 કલાક ચાલશે. રોડ શો પૂરો થયા બાદ વડાપ્રધાન નરેન્દ્ર મોદી રાજભવનમાં જ રાત માટે આરામ કરશે. બીજા દિવસે એટલે કે 13મી મેના રોજ પીએમ મોદી પટના સિટી ગુરુદ્વારાની પણ મુલાકાત લેશે. ગુરુદ્વારાથી પીએમ મોદી સીધા એરપોર્ટ પહોંચશે અને હાજીપુર જવા રવાના થશે. હાજીપુરમાં ચૂંટણી રેલીને સંબોધિત કર્યા બાદ પીએમ મોદી વૈશાલી અને સારણમાં જનસભા પણ કરશે.

PM Narendra Modi Patna Road Show :

• રોડ શોમાં પીએમની એક ઝલક મેળવવા માટે રોડની બંને બાજુ ઉભેલી ભીડ ફૂલોની વર્ષા કરી રહ્યા હતા. રોડ શોમાં મહિલાઓનું એક જૂથ પીએમ મોદીની કારની આગળ ચાલી રહ્યું હતું.
• પીએમ મોદીની સાથે બિહારના મુખ્યમંત્રી નીતિશ કુમાર અને પટના સાહિબ લોકસભા સીટના ભાજપના ઉમેદવાર રવિશંકર પ્રસાદ પણ ખુલ્લી જીપમાં હાજર છે.
• પટનામાં પીએમ મોદીનો રોડ શો શરૂ થઈ ગયો છે. પીએમ મોદી ખુલ્લી જીપમાં સવાર થઈને પટનાની સડકો પર ઉભેલા લોકોનું અભિવાદન કરી રહ્યા છે.
• પીએમ મોદીના રોડ શો માટે ઉમટેલી ભારે ભીડને ધ્યાનમાં રાખીને રોડ શો વધુ એક કિલોમીટર લંબાવવામાં આવ્યો છે.
• પીએમ નરેન્દ્ર મોદી પટના એરપોર્ટ પર પહોંચી ગયા છે. એરપોર્ટથી પીએમ મોદી રાજભવન જશે અને થોડો સમય રોડ શોમાં ભાગ લેશે. રસ્તાની તૈયારીઓ પૂર્ણ કરી દેવામાં આવી છે.
• પીએમ મોદીના રોડ શો માટે ભાજપ દ્વારા જોરદાર તૈયારીઓ કરવામાં આવી છે. રસ્તાની બંને બાજુ વિવિધ સાંસ્કૃતિક કાર્યક્રમોનું પણ આયોજન કરવામાં આવશે.
• પીએમ મોદી થોડા સમયમાં પટના પહોંચવાના છે. પીએમ મોદી પટનામાં લગભગ 2 કિલોમીટર લાંબો રોડ શો કરશે. આ રોડ શોમાં પીએમ સાથે મુખ્યમંત્રી નીતિશ કુમાર પણ જોવા મળશે.