Karnataka Elections: જીતની નજીક આવતા જ કોંગ્રેસ એલર્ટ પર, મતગણતરી કેન્દ્રમાંથી જ ધારાસભ્યને એરલિફ્ટ કરવાની યોજના
કર્ણાટક વિધાનસભાના વલણોમાં કોંગ્રેસ પૂર્ણ બહુમતી તરફ આગળ વધી રહી છે. પરંતુ તેને ડર છે કે કદાચ Operation Lotus સક્રિય થઈ જશે. પાર્ટી હાઈકમાન્ડે આ માટે તૈયારીઓ કરી લીધી છે. વિજેતા ધારાસભ્યોને મતગણતરી વિસ્તારમાંથી જ એરલિફ્ટ કરવામાં આવશે.
એક બહુ પ્રચલિત કહેવત છે કે દૂધના દાજેલા છાશ પણ ફૂંકીને પીવે. કોંગ્રેસની હાલની સ્થિતિ બરાબર એવી જ છે. કર્ણાટકનો ટ્રેન્ડ સામે આવ્યો છે. આ સાથે જ પાર્ટીમાં બેઠકોનો દોર શરૂ થઈ ગયો છે. કોઈ અનિચ્છનીય બનાવ ન બને તે માટે કોંગ્રેસે અત્યારથી જ તૈયારીઓ શરૂ કરી દીધી છે. ટ્રેન્ડમાં એવું જોવા મળે છે કે કોંગ્રેસને પૂર્ણ બહુમતી મળી રહી છે, પરંતુ હવે આ ટ્રેન્ડ છે. કોંગ્રેસ કોઈપણ સંજોગોમાં Operation Lotusને સફળ થવા દેવા માંગતી નથી. દેશના અનેક રાજ્ય ઉદાહરણ છે જ્યાં કોંગ્રેસ સત્તાની નજીક હોવા છતાં સફળ થઈ શકી નથી.
જીતની શક્યતા દેખાતા જ હાઈકમાન્ડ સંપૂર્ણ રીતે સક્રિય થઈ ગયું છે. કોંગ્રેસે ધારાસભ્યોને આજે જ બેંગલુરુ પહોંચવાનું કહ્યું છે. ધારાસભ્યોને એક કરવા માટે અલગ-અલગ જગ્યાએથી કોંગ્રેસના ધારાસભ્યોને લઈ જવા માટે હેલિકોપ્ટર અને ફ્લાઈટની વ્યવસ્થા કરવામાં આવી છે.
મતગણતરી કેન્દ્રમાંથી જ ધારાસભ્યોને સીધા મુખ્યાલય લઈ જવાના આદેશ જાહેર કરવામાં આવ્યા છે. જેથી ભાજપ તેમનો સંપર્ક કરી શકે નહીં. મતગણતરી ચાલી રહી છે ત્યાં કોંગ્રેસના વરિષ્ઠ નેતાઓ તૈનાત છે. કોઈ પણ સંજોગોમાં એક પણ ધારાસભ્ય તૂટે નહીં તે માટે કોંગ્રેસનો આખો પ્લાન પહેલેથી જ તૈયાર છે.
છેલ્લા કેટલાક વર્ષોમાં ગોવા હોય કે ઉત્તરાખંડ Operation Lotusનો માર કોંગ્રેસ ભોગવી રહી છે. આ વખતે કોંગ્રેસે પહેલાથી જ તેની વ્યવસ્થા કરી લીધી હતી. પાર્ટી અધ્યક્ષ મલ્લિકાર્જુન ખડગેએ આખો કિલ્લો તૈયાર કર્યો હતો. ખડગેનું ગૃહ રાજ્ય કર્ણાટક છે. એટલા માટે પાર્ટીએ ઘેરાબંધીની સમગ્ર જવાબદારી ખડગેને સોંપી હતી. આ માટે દિગ્ગજ નેતાઓની ફોજ તૈનાત કરવામાં આવી હતી. પ્રદેશ કોંગ્રેસ પ્રમુખ ડીકે શિવકુમાર, બીકે હરિપ્રસાદ જેવા નેતાઓ ઓપરેશન હસ્ત માટે સંપૂર્ણ રીતે તૈયાર છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
દેશના તમામ સમાચાર વાંચવા માટે જોડાયેલા રહો…
