Himachal Pradesh Assembly election 2022: ચૂંટણી વર્ષમાં મોટી રાહત, હિમાચલ સરકાર ત્રણ લાખ મહિલાઓના વીમા પ્રીમિયમ ચૂકવશે

Himachal Pradesh Assembly election 2022: ચૂંટણી વર્ષમાં મોટી રાહત, હિમાચલ સરકાર ત્રણ લાખ મહિલાઓના વીમા પ્રીમિયમ ચૂકવશે
Symbolic Image (PC: Social Media)

મુખ્ય સચિવ રામ સુભાગ સિંહે શિમલાના સ્ટેટ ગેસ્ટ હાઉસ પીટરહોફ ખાતે યોજાયેલી રાજ્ય સ્તરીય બેંકર્સ સમિતિની બેઠકમાં આ માહિતી આપી હતી. તેમણે કહ્યું કે તમામ સ્વ-સહાય જૂથો હવે ચાર ટકાના વ્યાજે મહત્તમ રૂ. 20 લાખની લોન લઈ શકશે.

TV9 GUJARATI

| Edited By: Pankaj Tamboliya

Mar 29, 2022 | 9:56 AM

ચૂંટણી વર્ષમાં હિમાચલ પ્રદેશ (Himachal Pradesh Assembly election 2022)સરકારે મહિલાઓને મોટી રાહત આપી છે. હિમાચલ પ્રદેશમાં સ્વ-સહાય જૂથોની લગભગ ત્રણ લાખ મહિલાઓના સામાજિક સુરક્ષા વીમા માટે હવે સરકાર પ્રીમિયમ ચૂકવશે. પ્રધાનમંત્રી સુરક્ષા વીમા યોજના હેઠળ સરકાર પ્રતિ વીમો 12 રૂપિયા આપશે જ્યારે પ્રધાનમંત્રી જીવન જ્યોતિ વીમા યોજના હેઠળ સરકાર 330 રૂપિયા આપશે. પ્રીમિયમની રકમ 31 મે પહેલા પાત્ર મહિલાઓના બેંક ખાતામાં જમા કરવામાં આવશે. મહિલાઓ પ્રીમિયમના પૈસા પોતાના ખિસ્સામાંથી ભરતી હતી. મુખ્ય સચિવ રામ સુભાગ સિંહે શિમલાના સ્ટેટ ગેસ્ટ હાઉસ પીટરહોફ ખાતે યોજાયેલી રાજ્ય સ્તરીય બેંકર્સ સમિતિની બેઠકમાં આ માહિતી આપી હતી.

તેમણે કહ્યું કે તમામ સ્વ-સહાય જૂથો હવે ચાર ટકાના વ્યાજે મહત્તમ રૂ. 20 લાખની લોન લઈ શકશે. અગાઉ આ સુવિધા માત્ર શિમલા, કાંગડા, ઉના અને મંડી જિલ્લામાં જ ઉપલબ્ધ હતી. હવે આ સુવિધા સોલન, સિરમૌર, બિલાસપુર, કુલ્લુ, કિન્નૌર, લાહૌલ સ્પીતિ, ચંબા અને હમીરપુર જિલ્લામાં પણ આપવામાં આવશે. આ આઠ જિલ્લાના સ્વ-સહાય જૂથોને સાત ટકાના વ્યાજે લોન આપવામાં આવી હતી. રાજ્ય સરકારે હવે તેમને ચાર ટકાના વ્યાજે લોન આપવાનો નિર્ણય કર્યો છે. આ જોગવાઈ હેઠળ રાજ્ય સરકાર ત્રણ ટકા વ્યાજ ચૂકવશે.

હિમાચલમાં 35,000 સ્વયં સહાયતા જુથ છે સક્રિય

હિમાચલ પ્રદેશમાં 35,000 સ્વ-સહાય જૂથો સક્રિય છે. કેન્દ્ર સરકારે શિમલા, કાંગડા, ઉના અને મંડી જિલ્લામાં ઓછામાં ઓછા પાંચ લોકોના જૂથની રચનાને મંજૂરી આપી છે. બાકીના આઠ જિલ્લાઓમાં, ઓછામાં ઓછા દસ લોકોના જૂથની રચનાની મંજૂરી છે. સમાન આવક જૂથના લોકો સ્વ-રોજગારની તકો વધારવા માટે જૂથો બનાવી શકે છે. સ્વ-સહાય જૂથો ફૂડ પ્રોસેસિંગ, કૃષિ અને વણાટ વગેરે જેવી પ્રવૃત્તિઓ કરે છે.

આ પણ વાંચો: Gujarat Assembly election 2022 : ગુજરાત ચૂંટણીમાં આમ આદમી પાર્ટીની થશે એન્ટ્રી, પાટીદાર અને મુસ્લિમ વોટબેંક કબજે કરવાનો કેજરીવાલનો પ્લાન

આ પણ વાંચો: Russia Ukraine War: યુદ્ધ વચ્ચે યુક્રેનના ચેર્નોબિલ ન્યુક્લિયર પ્લાન્ટમાં લાગી ભીષણ આગ, રશિયન સેના જાણી જોઈને ઓલવી રહી નથી


Follow us on

Related Stories

Most Read Stories

Click on your DTH Provider to Add TV9 Gujarati