Gujarat Election Result 2022 : સૌરાષ્ટ્ર-કચ્છની 54 બેઠકોમાંથી 42 બેઠક પર ભાજપ આગળ

ગુજરાતમાં તમામ બેઠકો ઉપર મત ગણતરીનો પ્રારંભ કરવામાં આવ્યો છે ત્યારે શરૂઆતમાં કુલ 147 કરતા વધારે બેઠકો પર ભાજપની લીડ જોવા મળી રહી છે અને કોંગ્રેસની 22 બેઠક ઉપર લીડ જોવા મળી રહી છે જ્યારે આપ 8 બેઠક ઉપર આગળ જોવા મળી રહી છે. આ આંકડા સવારે 10 વાગીને 05 મિનિટના છે કે જ્યારે આ લખાઈ રહ્યું છે. સૌરાષ્ટ્ર-કચ્છની 54 બેઠક પર નજર કરીએ તો 61.55 ટકા જેટલું મતદાન થયું છે. ત્યારે હાલ શરૂઆતના વલણો મુજબ 54 માંથી 42 બેઠકો પર ભાજપ આગળ ચાલી રહી છે.

દ્વારકા, પોરબંદર અને રાજકોટ

દ્વારકામાં પબુભા માણેક આગળ ચાલી રહ્યા છે. રાજકોટમાં ઈન્દ્રનીલ રાજ્યગુરૂ, ભાવનગરમાં જીતુ વાઘાણી, પોરબંદરમાં અર્જુન મોઢવાડિયા, રાજકોટમાં દર્શિતા શાહ, ગીતાબા, રીબાવા અને ભાવનગરમાં પુરુષોત્તમ આગળ ચાલી રહ્યા છે. જ્યારે જસદણમાં કુંવરજી બાવળિયા અને કુતિયાણા બેઠક પર અપક્ષ ઉમેદવાર કાંધલ જાડેજા પાછળ ચાલી રહ્યા છે. અલ્પેશ કથીરીયા પ્રથમ રાઉન્ડના વલણમાં પાછળ ચાલી રહ્યા છે.

જામનગર ગ્રામ્ય અને મોરબી

જામનગર ગ્રામ્ય બેઠકના ચૂંટણી પરિણામોના રુઝાનમાં ભાજપના ઉમેદવાર રાઘવજી પટેલ જીત તરફ આગળ વધી રહ્યા છે.વાઘોડિયામાં મધુ શ્રીવાસ્તવ પાછળ ચાલી રહ્યા છે. મોરબી બેઠક પર ભાજપના ઉમેદવાર કાંતિ અમૃતિયા આગળ ચાલી રહ્યા છે.

ખંભાળિયા

મત ગણતરીમાં ખંભાળિયા બેઠક પર આપના ઈસુદાન ગઢવી આગળ ચાલી રહ્યા હતા. બાદમાં પાછળ થઈ ગયા હતા. પરંતુ હાલ ફરી આગળ ચાલી રહ્યા છે. દ્વારકામાં પબુભા માણેક આગળ ચાલી રહ્યા છે. રાજકોટમાં ઈન્દ્રનીલ રાજ્યગુરૂ, પોરબંદરમાં અર્જુ મોઢવાડિયા, રાજકોટમાં દર્શિતા શાહ, ગીતાબા, જસદણમાં કુંવરજી બાવળિયા અને કુતિયાણા બેઠક પર અપક્ષ ઉમેદવાર કાંધલ જાડેજા આગળ ચાલી રહ્યા છે.

સાવરકુંડલા, તાલાલા

અંજારમાં ભાજપના ત્રિકમ છાંગા આગળ, ગાંધીધામમાં ભાજપના માલતી મહેશ્વરી આગળ, માંગરોળમાં ભાજપના ભગવાનજી આગળ, પોરબંદરમાં ભાજપના બાબુ બોખરિયા આગળ, ગ્રામ્ય બેઠક પર ભાજપના ભાનુબેન બાબરીયા આગળ, અમરેલી બેઠક પર ભાજપના કૌશિક વેકરિયા આગળ, સાવરકુંડલામાં કોંગ્રેસના પ્રતાપ દૂધાત આગળ, તાલાલામાં ભાજપના ભગવાન બારડ આગળ, લીંબડીમાં ભાજપના કિરિટસિંહ રાણા આગળ,

મહુવામાં કનુ કળસરિયા આગળ, ચોટીલામાં આપના રાજુ કરપડા આગળ, રાજકોટ દક્ષિણ પર ભાજપના રમેશ ટીલાળાં આગળ, માણાવદરમાં જવાહર ચાવડા આગળ, ધોરાજી બેઠક પર ભાજપના મહેન્દ્ર પાડલીયા આગળ, મોરબી, વાંકાનેર,ટંકારામાં ભાજપ આગળ, ગારિયાધારમાં ભાજપ આગળ, અમરેલીમાં ભાજપ આગળ, ​​​​​​​રાજુલામાં ભાજપ આગળ, ​​​​​​​સાવરકુંડલા કોંગ્રેસમાં આગળ, રાજકોટ પૂર્વ બેઠક પર ભાજપના ઉદય કાનગડ આગળ,

કચ્છમાં અબડાસા, માંડવી

કચ્છમાં અબડાસા, માંડવી, અંજાર અને રાપરમાં ભાજપ આગળ, ભુજ અને ગાંધીધામ બેઠક પર કોંગ્રેસના ઉમેદવાર આગળ, રાજકોટ જિલ્લાની જેતપુર બેઠક પર ભાજપના જયેશ રાદડિયા આગળ, વઢવાણમાં ભાજપના જગદીશ મકવાણા આગળ, ​​​​​​​દસાડામાં ભાજપના પી.કે.પરમાર આગળ, જામનગર દક્ષિણ બેઠક પર ભાજપના ઉમેદવાર આગળ, જૂનાગઢમાં ભાજપના સંજય કોટડીયા આગળ ચાલી રહ્યા છે.