Gujarat Election 2022: ભાવનગરના શામપરામાં સ્કૂલનું નામ બદલવાની માંગણી સહિતની વિવિધ માંગણીઓ સાથે મતદાન બહિષ્કારની ચીમકી!
પોલીસ અને આર્મીમાં આગળ વધવા માટે તૈયારી કરવા માટે યુવાનો માટે પ્રકટિસનું મેદાન ફાળવવામાં આવે તેવી પણ માંગણી સ્થાનિકો દ્વારા કરવામાં આવી રહી છે. સ્થાનિકોએ જણાવ્યા પ્રમાણે યુવાનોને પોલીસમાં કે આર્મીમાં કારકિર્દી બનાવવી હોય તો તૈયારી માટે સારું ગ્રાઉન્ડ હોવું જરૂરી છે ગ્રામજનોએ જણાવ્યું હતું કે આવા ગામના વિવિધ પ્રશ્નોનું નિરાકરણ આવે તેવી અમારી માંગણી છે
ચૂંટણીમાં મતદાતા રાજા ગણાય છે અને નેતાઓ પણ મતાદોરને રિઝવવા તમામ ગતકડાં કરવા તૈયાર થતા હોય છે ત્યારે મતદારો પણ પોતાની કોઈ પણ પ્રકારની માંગણી રજૂ કરતા અચકાતા નથી. ભાવનગરમાં આવી જ એક ઘટના સામે આવી છે . ભાવનગરમાં નજીક આવેલા શામપરા ગામના લોકોએ ચૂંટણીનો બહિષ્કાર કર્યો છે ગામના વિવિધ પ્રશ્નોનું નિરાકરણ ન આવતાં તેમણે મતદાન ન કરવાનો નિર્ણય લીધો છે. સાથે જ ગામમાં નેતાઓના પ્રચાર પર પ્રતિબંધ ફરમાવી દીધો છે સ્થાનિક ગ્રામિણોએ જણાવ્યું હતું કે અમારી ઘણી પ્રાથમિક માંગણીઓ છે જે સંતોષાઈ નથી. તો બીજી સૌથી અગત્યની બાબત એ છે કે અમારી ગામની જમીન પર સરકારે શૈક્ષણિક સંસ્થાઓ અને શાળાઓ ઉભી કરી આપી છે. પરંતુ આ શાળાઓના નામ અન્ય ગામના લખવામાં આવ્યા છે. ગામની મોડેલ સ્કૂલનું નામ સુધારીને ‘મોડેલ સ્કૂલ શામપરા’ કરવામાં આવે તેવી ગ્રામજનોની માંગ છે.
આ સિવાય પોલીસ અને આર્મીમાં આગળ વધવા માટે તૈયારી કરવા માટે યુવાનો માટે પ્રકટિસનું મેદાન ફાળવવામાં આવે તેવી પણ માંગણી સ્થાનિકો દ્વારા કરવામાં આવી રહી છે. સ્થાનિકોએ જણાવ્યા પ્રમાણે યુવાનોને પોલીસમાં કે આર્મીમાં કારકિર્દી બનાવવી હોય તો તૈયારી માટે સારું ગ્રાઉન્ડ હોવું જરૂરી છે ગ્રામજનોએ જણાવ્યું હતું કે આવા ગામના વિવિધ પ્રશ્નોનું નિરાકરણ આવે તેવી અમારી માંગણી છે અને આ પ્રકારની પડતર માંગણીઓ નહીં સંતોષાય તો ગ્રામજનો મતદાન નહીં કરે.
થોડા દિવસ અગાઉ ડેડીયાપાડા વિધાનસભાની બેઠક માટે ડેડીયાપાડા તાલુકાના સમોટ ગામના ગ્રામજનોએ પોતાના ગામનો પ્રશ્ન નહીં ઉકેલાતા ચૂંટણીનો બહિષ્કાર જાહેર કર્યો હતો. સામોટ ગામના તમામ આગેવાનોએ મતદાન નહીં કરવાનો નિર્ણય લીધો છે. માત્ર વિધાનસભા જ નહીં પણ આવનારી તમામ ચૂંટણીનો બહિષ્કાર કરવાનો પણ નિર્ણય લીધેલા છે. જે અનુંસંધાને ચૂંટણી બહિષ્કારના પોસ્ટરો, બેનરો, ઢોલ નગારા વગાડી ગામમાં વિશાળ વિરોધ રેલી નીકળી હતી. ઢોલ વગાડી ઉમેદવારોને ઢંઢોળવાનો પ્રયાસ કર્યો હતો.આપતાં ઉમેદવારોમાં ફફડાટ ફેલાઈ ગયો હતો. એક વાર નેતા જીતી જાય પછી મત વિસ્તારમાંથી ગાયબ થઈ જાય છે અને પોતાના ગામ કે વિસ્તારમાંના પ્રશ્નો 5 વર્ષ સુધી કોઈ ઉકેલતું નથી. જયારે ચૂંટણી આવે છે, ત્યારે ઠાલાં વચનો આપીને ફરી જતા ઉમેદવારો મત લેવા આવે ત્યારે હવે મતદારો પણ ઉમેદવારોને રોકડી ના પરખાવી રહ્યા છે.
ગુજરાત ચૂંટણી 2022: ગુજરાતમાં બે તબક્કામાં થશે મતદાન
ગુજરાતમાં બે તબક્કામાં મતદાન થવાનું છે તે પૈકી પ્રથમ તબક્કાનું મતાદન 1 ડિસેમ્બરના રોજ સંપન્ન થશે. ગુજરાતમાં આગામી ચૂંટણી બે તબક્કામાં યોજાશે. જેમાં પ્રથમ તબક્કાનું મતદાન 1 ડિસેમ્બરના રોજ તથા બીજા તબક્કાનું મતદાન 5 ડિસેમ્બરના રોજ યોજાશે. તેમજ મતગણતરી 8 ડિસેમ્બરના રોજ હાથ ધરવામાં આવશે.
ગુજરાત વિધાનસભા ચૂંટણી બે તબક્કામાં યોજાશે. પહેલા તબક્કામાં 89 બેઠક પર મતદાન પ્રક્રિયા હાથ ધરવામાં આવશે, જેમાં કચ્છ,સૌરાષ્ટ્રના મોરબી, પોરબંદર, રાજકોટ, જુનાગઢ, અમરેલી, ભાવનગર, ભરૂચ અને દેવભૂમિ દ્વારકા સહિત દક્ષિણ ગુજરાતના કેટલાક જિલ્લાઓનો સમાવેશ થાય છે. જ્યારે બીજા તબક્કામાં 93 બેઠકો પર મતદાન કરવામાં આવશે. જેમાં ઉત્તર ગુજરાત અને મધ્ય ગુજરાતના જિલ્લાઓનો સમાવેશ થાય છે.