Gujarat Election 2022: ચૂંટણી પૂર્વે રવિન્દ્ર જાડેજાએ બાળ ઠાકરેનો જૂનો વીડિયો કેમ કર્યો શેર ? જાણો વિગત

ગુજરાત એસેમ્બલી ઇલેક્શન  2022:   રવિન્દ્ર જાડેજાના પત્ની રીવા બાએ ચૂંટણી જંગમાં ઝંપલાવ્યું છે, ત્યારે  રવિન્દ્ર જાડેજાએ ગત રોજ તેમના  ટ્વિટર હેન્ડલ  ઉપર એક ખાસ વીડિયો પોસ્ટ કર્યો હતો. તેમના ટ્વિટર હેન્ડલ પર પોસ્ટ થયેલો વીડિયો એક વીડિયો જૂના કાર્યક્રમનો છે. જેમાં બાળાસાહેબ ઠાકરે કહી રહ્યા છે કે  ‘મારી પાસે કહેવાનું ફકત એટલું જ છે કે નરેન્દ્ર મોદી જશે તો ગુજરાત જશે. ‘ ભારતીય ક્રિકેટ ટીમના ઓલરાઉન્ડર રવિન્દ્ર જાડેજા ગુજરાત ચૂંટણીમાં પત્ની રીવા બાના ચૂંટણીમાં વ્યસ્ત હતા,  તે દરમિયાન તેમણે શિવસેનાના સ્થાપક બાળા સાહબે ઠાકરેનો એક વીડિયો શેર કર્યો હતો.  આ પોસ્ટની સાથે જ ગુજરાતીઓને ખાસ સલાહ પણ આપી હતી.

ગુજરાત ઈલેક્શન 2022 :  શું છે આ વીડિયોમાં

રવિન્દ્ર જાડેજાના ટ્વિટર હેન્ડલ પરથી પોસ્ટ કરવામાં આવેલો વીડિયો જૂના કાર્યક્રમનો છે જેમાં બાળા સાહેબ કહી રહ્યા છે કે મારી પાસે કહેવા માટે ફકત એટલું છે કે જો નરેન્દ્ર મોદી જશે તો ગુજરાત જશે. સાથે જ જાડેજાએ આ પોસ્ટમાં લખ્યું છે કે હવે સમય આવી ગયો છે ગુજરાતીઓ સમજી જાવ. દરમિયાન  રીવા બાએ રાજકોટમાં આજે મતદાન કર્યું હતું. નોંધનીય છે કે રવિન્દ્ર જાડેજાના બહેન નયનાબા કોંગ્રેસના ઉમેદવાર છે અને રવિન્દ્ર જાડેજાના પિતા કોંગ્રેસનો પ્રચાર કરી રહ્યા છે.

 ગુજરાત ચૂંટણી 2022: આજે ગુજરાતમાં  પ્રથમ તબક્કાનું મતદાન

આજે ગુજરાતમાં 19 જિલ્લાની 89 બેઠકો પર મતદાનની શરૂઆત થઈ છે.  1 ડિસેમ્બરને ગુરૂવારે  સાંજે 5 વાગ્યા સુધી મતદાન યોજાશે.  ચૂંટણીના પ્રથમ તબક્કામાં કુલ 788 ઉમેદવારોનું ભાવી નક્કી થશે. પ્રથમ તબક્કામાં 39 રાજકીય પક્ષો વચ્ચે જંગ છે . જેના માટે 2 કરોડ 39 લાખથી વધુ મતદારો મતદાન કરશે. જ્યારે   6 લાખ મતદારો પ્રથમ વાર મતાધિકારનો ઉપયોગ કરશે  પ્રથમ તબક્કા માટે 25 હજાર 430 મતદાન મથકો રહેશે અને કુલ 34,324 EVM અને 38,749 VVPAT મશીનોમાં મતદાન થશે ચૂંટણી પંચની દેખરેખમાં તમામ બેઠકો પર શાંતિપૂર્ણ માહોલમાં  પૂર્ણ થાય તે માટેની તમામ વ્યવસ્થા  કરવામાં આવી છે.  મતદાન માટે કુલ 1 લાખ 6 હજાર 963 કર્મીઓ તૈનાત રહેશે  મતદાન બુથ પર વેબ કાસ્ટીંગ માટે વિશેષ સ્ટાફ પણ તૈનાત રહેશે.