Gujarat Election 2022: જાણો ભાજપે કયા નવા ચહેરાને આપ્યું સ્થાન, કયાં જૂના જોગીએ ઉપર રાખ્યો દારોમદાર!

ભાજપ (BJP) મોવડી મંડળ દ્વાર મધરાતે જ ફોન કરીને ઉમેદવારોને જાણ કરવામાં આવી હતી. જેના પગલે ક્યાંક ખુશી તો ક્યાંક નિરાશા સર્જાઈ હતી. આ યાદીમાં મોટા ભાગે જૂના જોગીઓને જ પોતાના મત વિસ્તારમાં ફરીથી ચૂંટણી જીતવાનું લક્ષ્ય આપવામાં આવ્યું છે તો અમરેલી, સુરત મોરબી સહિતની કેટલીક બેઠક પર નવા ચહેરાને સ્થાન આપવામાં આવ્યું છે.

Gujarat Election

Sachin Kolte | Edited By: Manasi Upadhyay | Updated on: Nov 10, 2022 | 10:30 AM

ભાજપ દ્વારા સત્તાવાર યાદી જાહેર કરવામાં આવે તે પહેલા મધરાત્રે જ કેટલાક જૂના અને નવા ઉમેદવારોને ફોન કરીને ટિકીટ અંગે જાણ કરી દેવામાં આવી હતી. ત્યારે આ વખતે કેટલાક નવા ચહેરાને સ્થાન આપવામાં આવ્યું છે અને કેટલીક બેઠકો પર જૂના જોગીઓને રીપીટ કરવામાં આવ્યા છે. ગુજરાતમાં પ્રથમ તબક્કાની ચૂંટણી 1 ડિસેમ્બરના રોજ યોજાવાની છે ત્યારે ભાજપ મોવડી મંડળ દ્વાર મધરાતે જ ફોન કરીને ઉમેદવારોને જાણ કરવામાં આવી હતી. જેના પગલે ક્યાંક ખુશી તો ક્યાંક નિરાશા સર્જાઈ હતી. આ યાદીમાં મોટા ભાગે જૂના જોગીઓને જ પોતાના મત વિસ્તારમાં ફરીથી ચૂંટણી જીતવાનું લક્ષ્ય આપવામાં આવ્યું છે તો અમરેલી, સુરત મોરબી સહિતની કેટલીક બેઠક પર નવા ચહેરાને સ્થાન આપવામાં આવ્યું છે.