Gujarat Election 2022 : અફવા પર રોક ! ધારાસભ્યોને ટિકિટ ફાળવણીની ખબરો સામે આવતા કોંગ્રેસ પ્રદેશ પ્રમુખે કરી સ્પષ્ટતા

ગુજરાત વિધાનસભા ચૂંટણી (Gujarat Assembly election) નજીક આવી રહી છે, ત્યારે કોંગ્રસે (Congress) ઉમેદવારોની પસંદગીની પ્રક્રિયા શરૂ કરી દીધી છે. આ દરમિયાન ધારાસભ્યોને ટિકિટ ફાળવણીની ખબરો સામે આવતા પ્રદેશ કોંગ્રેસ પ્રમુખ જગદીશ ઠાકોરે (Jagdish thakor)  સ્પષ્ટતા કરી છે. તેમણે કહ્યું, ઉમેદવારોના નામ (Candidate)  જાહેર કરવા અંગે કોઈ ઓફિશિયલ ચર્ચા નથી થઈ. જે નામો સામે આવી રહ્યા છે એમાં કોઈ તથ્ય નહીં. સ્ક્રીનીંગ કમિટીની બેઠક મળ્યા બાદ નામો નક્કી થશે.

કોંગ્રેસે ઉમેદવાર પસંદગીની પ્રકિયા કરી તેજ

ગુજરાત વિધાનસભા ચૂંટણીને હવે ગણતરીના મહિનાઓ બાકી છે,ત્યારે કોંગ્રેસ પાર્ટીએ (Congress Party) પણ ઉમેદવારોની પસંદગી પ્રક્રિયા તેજ કરી છે.જે માટે પ્રદેશ ઇલેક્શન સમિતિના સભ્યોને જિલ્લા અને શહેરના દાવેદારોની જવાબદારી આપી છે.21 થી 23 સપ્ટેમ્બર સુધી તેઓ દાવેદારોનો અભિપ્રાય લેશે.આ સાથે જિલ્લા તાલુકા શહેર કોંગ્રેસ મુખ્ય આગેવાનોના પણ અભિપ્રાય લેવામાં આવશે.તો વિધાનસભાના (Gujarat Assembly) જ્ઞાતી સમિકરણ અને દાવેદારોની સ્થિતિ ક્યા પ્રકારની રહેશે તે અંગે પણ તાગ મેળવવામાં આવશે.બાદમાં તમામ જિલ્લા તાલુકા અને વિધાનસભાની સેન્સનો અહેવાલ પ્રદેશ ઇલેક્શન સમિતિમાં રજુ કરવામાં આવશે.

સ્ક્રીનીગ સમિતિમાં ઉમેદવારના નામ પર મહોર

પ્રદેશ ઇલેક્શન સમિતિમાં રજૂ કરાયેલા અહેવાલાના આધારે સ્ક્રીનીગ સમિતિમાં ઉમેદવારની પસંદગી પર મહેર લાગશે.મહત્વનું છે કે ઓક્ટોબરની શરૂઆતમાં કોંગ્રેસની સ્ક્રીનિંગ કમિટીની (Screening Committee)  બેઠક મળશે.જેમાં પ્રથમ યાદીને આખરી ઓપ આપવામાં આવશે.