Gujarat Election 2022 : ફરી આ કોંગ્રેસ નેતાનો છલકાયો ભાજપ પ્રેમ, ચૂંટણી પહેલા કોંગ્રેસને વધુ એક ફટકો ?
એક તરફ વિધાનસભા ચૂંટણી (Gujarat Election) નજીક આવી રહી છે, તેમ-તેમ કોંગ્રેસના નેતાઓ પણ ભાજપની નજીક આવી રહ્યા હોય તેવા દ્રશ્યો સામે આવી રહ્યા છે.
એક તરફ ગુજરાત વિધાનસભા ચૂંટણીને (Gujarat Assembly election)લઈને રાજકીય પક્ષોએ પોતાની તૈયારીઓ શરૂ કરી દીધી છે. તો બીજી તરફ કોંગ્રેસમાં ભંગાણનો સિલસિલો યથાવત છે.આ બધાની વચ્ચે વધુ એક કોંગ્રેસ નેતાનો ભાજપ પ્રેમ છલકાયો છે.ભાવનગરમાં CM ભૂપેન્દ્ર પટેલના (CM Bhupendra patel) સન્માન કાર્યક્રમમાં અમરીશ ડેર (MLA Ambarish Der)હાજર રહ્યા.ચૂંટણી પહેલા કોંગ્રેસના ધારાસભ્યની ભાજપ કાર્યક્રમમાં હાજરીથી રાજકીય માહોલ ગરમાયો છે.સાથે જ રાજુલાના ધારાસભ્ય અમરીશ ડેર ભાજપમાં (BJP) જોડાશે તેવી એટકળોએ હાલ વેગ પકડ્યો છે.
અમરીશ ડેરનો ભાજપ પ્રેમ કોંગ્રેસ માટે નુકશાનકારક
આ પહેલીવાર નથી કે જ્યારે અમરીશ ડેરનો ભાજપ પ્રેમ ઉડીને આંખે વળગ્યો હોય.આ પહેલા ગુજરાત ભાજપના પ્રમુખ સી.આર. પાટીલે( CR Paatil)એક જાહેર કાર્યક્રમમાં કોંગ્રેસના ધારાસભ્ય અમરીશ ડેરને (Ambarish Der) લઈને કરેલા નિવેદનને લઈને રાજકારણ ગરમાયું હતુ.સી. આર. પાટીલે અમરેલીના બાબરીયાધારના સમુહ લગ્નમાં કહ્યું હતું કે, મારા પક્ષના ઘણાં લોકો અમરીશ ડેરના મિત્રો છે. અમે અમરિશ ડેર માટે હજુ ખાસ જગ્યા રાખી છે. સાથે જ પાટીલે હસતા હસતા કહ્યું હતું કે, ડેરને તો મારે એક દિવસ ખખડાવવા પડશે, ખખડાવવાનો મારો અધિકાર છે.
જેમાં સી.આર.પાટીલના નિવેદન બાદ અમરીશ ડેરે કહ્યું હતું કે, ચૂંટણીમાં તમામ પક્ષો જીતી શકે તેવા ઉમેદવારને પોતાના પક્ષમાં લાવવાનો પ્રયાસ કરતા હોય છે. તેમણે જે કહ્યું હશે તે જવાબદારી પૂર્વક કહ્યું હશે. આ ઉપરાંત મુકેશ પટેલ સાથેની મુલાકાત મુદ્દે પણ તેમણે સ્પષ્ટતા કરી હતી કે, મુકેશ પટેલ મારા મિત્ર છે એટલે મુલાકાત થઈ હતી.
