Tv9 Exclusive : ઉત્તર ગુજરાતમાં કોંગ્રેસનો પંજો લહેરાવવા દાવેદારો તૈયાર, વાંચો આ રહી 32 બેઠકના સંભવિત ઉમેદવારની યાદી
ગત વિધાનસભા ચૂંટણીમાં ઉત્તર ગુજરાતમાં કોંગ્રેસનો દબદબો રહ્યો હતો. જો કે આ વખતે રાજકીય સમીકરણો બદલાતા સ્થિતિ કંઈક જુદી જ જોવા મળી રહી છે.
Gujarat Congress
Follow us on
ગુજરાત વિધાનસભા ચૂંટણીના પડઘમ વાગી ચૂક્યા છે, ત્યારે દરેક રાજકીય પાર્ટીઓએ ઉમેદવારોને ઉતારવા જહેમત આદરી છે. આગામી ચાર-પાંચ દિવસમાં કોંગ્રેસ પણ ઉમેદવારોની યાદી જાહેર કરી શકે છે. આ બધાની વચ્ચે Tv9 ગુજરાતી પાસે કોંગ્રેસની ઉત્તર ગુજરાતના સંભવિત ઉમેદવારોની યાદી આવી છે.
12 જેટલા ધારાસભ્યો રિપીટ થવાની શકયતા
જો 2017વિધાનસભા ચૂંટણીના ઉત્તર ગુજરાતના પરિણામ વાત કરીએ તો કુલ 32 વિધાનસભા બેઠકમાંથી 14 બેઠક પર ભાજપનો ભગવો લહેરાયો, તો કોંગ્રેસને 17 બેઠક પર જીત મેળવી હતી. જ્યારે વડગામની બેઠક પરથી અપક્ષ ઉમેદવાર જીત્યા હતા. તો બાય ઈલેક્શનમાં પણ કોંગ્રેસે દબદબો જાળવી રાખતા 3 બેઠકો જીતવામાં સફળ રહી હતી. જો કે આ વખતે રાજકીય સમીકરણો બદલાયા છે. છેલ્લા 5 વર્ષમાં અહીંથી 4 ધારાસભ્યોએ કોંગ્રેસ છોડી કેસરિયો ધારણ કર્યો હતો. ત્યારે આ વખતે કથળતી સ્થિતિ વચ્ચે મહતમ બેઠકો હાંસલ કરવાના લક્ષ્ય સાથે કોંગ્રેસે જીતી શકે તેવા ઉમેદવારોને પ્રાથમિકતા આપી શકે છે.
માહિતી મુજબ ઉત્તર ગુજરાતના 12 જેટલા ધારાસભ્યો રિપીટ થવાની શકયતા છે. જેમાં સી જે ચાવડા ગાંધીનગર ઉત્તરના બદલે વિજાપુર બેઠકથી લડી શકે છે. તો ધાનેરા, પાલનપુર, દિયોદર, બેચરાજી, માણસા અને બાયડ માં સીટીંગના બદલે અન્યને પણ ચાન્સ મળવાની શક્યતાઓ સેવાઈ રહી છે. તો કાંકરેજ બેઠક પરથી જગદીશ ઠાકોરના ભાઈ અમરતજી ઠાકોરને ટિકિટ મળે તેવી સંભાવના છે.
ઉત્તર ગુજરાતમાં કોંગ્રેસની પકડ મજબૂત છે, જો કે આ વખતે પાટીદાર આંદોલન નથી, તો હાર્દિક પટેલ સહિતના દિગ્ગજ પાટીદાર નેતાઓએ હાથનો સાથ છોડી કેસરિયા કર્યા છે, ત્યારે આ વિધાનસભા ચૂંટણીમાં કોંગ્રેસનો પંજો ઉત્તર ગુજરાતની કેટલી બેઠકો પર લહેરાશે તે તો ચૂંટણીના પરિણામો જ બતાવશે.