અમેરિકાની એક પ્રતિષ્ઠિત યુનિવર્સિટીએ શીખોને લઈને મોટી જાહેરાત કરી છે. યુનિવર્સિટીએ કહ્યું છે કે, તે શીખ ધર્મના વિદ્યાર્થીઓને તેમના ધર્મની પવિત્ર વસ્તુ એટલે કે કિરપાણ કેમ્પસમાં લાવવાની મંજૂરી આપશે. વાસ્તવમાં, બે મહિના પહેલા એક વીડિયો વાયરલ થયો હતો. જેમાં ચાર્લોટ ખાતે યુનિવર્સિટી ઓફ નોર્થ કેરોલિનાના એક વિદ્યાર્થીને કિરપાણ રાખવા બદલ અટકાયત કરી હતી. જ્યારથી આ વીડિયો સામે આવ્યો છે, ત્યારથી તેમાં ફેરફારની માંગ કરવામાં આવી રહી છે. તે જ સમયે, હવે University of North Carolinaએ પરિવર્તન શરૂ કર્યું છે.
યુનિવર્સિટી ઓફ નોર્થ કેરોલિના દ્વારા જાહેર કરાયેલા નિવેદન અનુસાર, વિદ્યાર્થીઓને કેમ્પસમાં કિરપાણ લઈને જવાની છૂટ છે, પરંતુ બ્લેડની લંબાઈ 3 ઈંચથી ઓછી હોવી જોઈએ અને તેને હંમેશા મ્યાનમાં રાખવી જોઈએ અને શરીરની નજીક પહેરવી જોઈએ. ચાન્સેલર શેરોન એલ. ગેર્બર અને ચીફ ડાયવર્સિટી ઓફિસર બ્રાન્ડોન એલ. વોલ્ફે દ્વારા બહાર પાડવામાં આવેલા નિવેદન અનુસાર આ નિર્ણય તરત જ લાગૂ કરી દીધો છે.
યુનિવર્સિટીએ એક નિવેદનમાં જણાવ્યું હતું કે, ‘ઓફિસ ઓફ ડાયવર્સિટી એન્ડ ઇન્ક્લુઝનએ આ અઠવાડિયે સંસ્થાકીય અખંડિતતાની મદદથી અમારા પોલીસ વિભાગ સાથે જાગૃતિ તાલીમ પણ યોજી હતી. આ અમારા તમામ કેમ્પસ માટે અમારા સાંસ્કૃતિક શિક્ષણ અને પ્રશિક્ષણની તકોને વિસ્તરણ કરવાનું ચાલુ રાખશે.’ તેમાં ઉમેર્યું હતું કે, ‘અન્ય ધાર્મિક વસ્તુઓ લાવવાની પરવાનગી, જેમ કે મોટી કિરપાણ, Office of Civil Rights and Title IX પાસેથી માંગવામાં આવી શકે છે. દરેક કેસનું એક પછી એક મૂલ્યાંકન કરવામાં આવે છે.
યુનિવર્સિટી દ્વારા લેવામાં આવેલા આ નિર્ણયને નફાકારક સંગઠનો ધ શીખ ગઠબંધન અને ગ્લોબલ શીખ કાઉન્સિલ સહિત ઘણી સંસ્થાઓ દ્વારા વાજબી અને આવકારવામાં આવ્યો હતો.
I wasn’t going to post this, but I don’t think I will receive any support from @unccharlotte . I was told someone called 911 and reported me, and I got cuffed for “resisting” because I refused to let the officer take my kirpan out of the miyaan. @CLTNinerNews pic.twitter.com/Vk9b0Tspvm
— امآن وڑائچ (@thatsamaan) September 23, 2022
હકીકતમાં, સપ્ટેમ્બરમાં, સોશિયલ મીડિયા પ્લેટફોર્મ ટ્વિટર પર એક વીડિયો વાયરલ થયો હતો, જેમાં એક છોકરો પોલીસ અધિકારી દ્વારા હાથકડી પહેરતો જોવા મળ્યો હતો. વીડિયો અનુસાર, પોલીસે છોકરાને હાથકડી લગાવી દીધી, કારણ કે તે અધિકારીને તેની કિરપાણ નહોતો આપી રહ્યો.
પીડિત વિદ્યાર્થીએ વીડિયો ટ્વીટ કરીને કહ્યું હતું કે, ‘હું તેને પોસ્ટ કરવાનો નહોતો, પરંતુ મને નથી લાગતું કે મને યુનિવર્સિટી તરફથી કોઈ મદદ મળશે. મને કહેવામાં આવ્યું કે કોઈએ 911 પર કોલ કરીને મારા વિશે રિપોર્ટ આપી દીધો. મને માત્ર એટલા માટે હાથકડી પહેરાવવામાં આવી છે, કારણ કે મેં અધિકારીને મારા મ્યાનમાંથી કિરપાણ કાઢવાની મંજૂરી આપી નહોતી.