Success Story: ખેડૂતે ટામેટા વેચીને 1.5 કરોડની લોન ચૂકવી, કમાણી જાણીને તમે ચોંકી જશો!
ઘણા ખેડૂતો લીલા શાકભાજી વેચીને સમૃદ્ધ બન્યા છે. તેમાં પણ ટામેટાની (Tomato Price) ખેતી કરતા ખેડૂતોની આવકમાં અનેકગણો વધારો થયો છે. દેશના ઘણા ખેડૂતો ટામેટા વેચીને લખપતિ અને કરોડપતિ બન્યા છે.
દેશની સામાન્ય જનતા મોંઘવારીથી પરેશાન છે ત્યારે શાકભાજીની ખેતી કરતા ખેડૂતોને (Farmers) ફાયદો થઈ રહ્યો છે. ઘણા ખેડૂતો લીલા શાકભાજી વેચીને સમૃદ્ધ બન્યા છે. તેમાં પણ ટામેટાની (Tomato Price) ખેતી કરતા ખેડૂતોની આવકમાં અનેકગણો વધારો થયો છે. દેશના ઘણા ખેડૂતો ટામેટા વેચીને લખપતિ અને કરોડપતિ બન્યા છે. 48 વર્ષના ખેડૂત મુરલી પણ તેમાના એક છે. તેમણે ટામેટા વેચીને 4 કરોડ રૂપિયાની કમાણી કરી છે.
ટામેટા વેચીને 4 કરોડ રૂપિયાની કમાણી કરી
ખેડૂત મુરલી આંધ્રપ્રદેશના ચિત્તૂર જિલ્લાનો રહેવાસી છે. તે લાંબા સમયથી ટામેટાની ખેતી કરે છે. પરંતુ આ પહેલા તેણે ક્યારેય આટલો નફો કર્યો ન હતો. ગયા વર્ષે ભાવ ઘટવાને કારણે તેમને 1.5 કરોડ રૂપિયાનું નુકસાન થયું હતું. તે લોન લઈને ખેતી કરતો હતો. આવી સ્થિતિમાં તે 1.5 કરોડ રૂપિયાના દેવાદાર બની ગયો હતો. પરંતુ આ વર્ષે તે ટામેટા વેચીને અમીર બની ગયો છે. ઉંચી કિંમતને કારણે તેણે થોડા જ દિવસોમાં ટામેટા વેચીને 4 કરોડ રૂપિયાની કમાણી કરી હતી.
45 દિવસમાં કરી 2 કરોડ રૂપિયાની કમાણી
આટલી મોટી રકમ કમાવવા માટે મુરલીને પણ ઘણી મહેનત કરવી પડી હતી. તેને ટામેટા વેચવા માટે દરરોજ 130 કિલોમીટરથી વધુનું અંતર કાપવું પડતું હતું. તે ટામેટા વેચવા કોલાર જતો હતો, જેથી તેને સારા ભાવ મળી શકે. ખાસ વાત એ છે કે 1.5 કરોડ રૂપિયાની લોન ચૂકવ્યા બાદ મુરલી માત્ર 45 દિવસમાં 2 કરોડ રૂપિયા કમાયો હતો.
જમીન ખરીદવાની યોજના
મુરલી આ નફાથી ઘણો ખુશ છે. હવે તે વધુ વિસ્તારમાં ટામેટાની ખેતી કરવાનું વિચારી રહ્યો છે. હવે તે વૈજ્ઞાનિક પદ્ધતિ અપનાવીને ટામેટાની ખેતી કરવા માંગે છે, જેથી સારી ઉપજ મળી શકે. ખાસ વાત એ છે કે મુરલી વધુ વિસ્તારમાં ખેતી કરવા માટે ગામમાં વધુ જમીન ખરીદવાનું વિચારી રહ્યો છે.
આ પણ વાંચો : Agriculture: ખેડૂતોએ ઓગસ્ટ માસમાં મગફળી અને તુવેરના પાકમાં કરવાના થતા ખેતી કાર્યોની માહિતી
ટામેટા વેચીને 2.8 કરોડ રૂપિયાની કમાણી કરી
આ પહેલા મહારાષ્ટ્રના પુણે જિલ્લાના ખેડૂત ઈશ્વર ગાયકરે ટામેટા વેચીને 2.8 કરોડ રૂપિયાની કમાણી કરી હતી. ઈશ્વર ગાયકર પણ છેલ્લા 7 વર્ષથી 12 એકરમાં ટામેટાની ખેતી કરે છે. પરંતુ તેણે ક્યારેય આટલી કમાણી કરી નથી. તેમને ઘણી વખત ટામેટાની ખેતીમાં ભારે નુકસાનનો સામનો કરવો પડ્યો હતો. વર્ષ 2021માં ઈશ્વર ગાયકરને ટામેટાની ખેતીમાં 18-20 લાખ રૂપિયાનું નુકસાન થયું હતું.
