આ ઘાસ ખવડાવવાથી પશુની દૂધ આપવાની ક્ષમતા 10 થી 15 ટકા વધી જશે, પશુપાલકો થઈ જશે માલામાલ

ભારત એક કૃષિપ્રધાન દેશ છે. અહીં 75 ટકા વસ્તી હજુ પણ ગામડામાં રહે છે, જે ખેતી અને પશુપાલન સાથે સંકળાયેલ છે. તેમની આજીવિકા પણ ખેતી અને પશુપાલન પર નિર્ભર છે. ત્યારે ગામમાં ઘણા એવા ખેડૂતો છે જેમની પાસે જમીન નથી. આવી સ્થિતિમાં તેઓ પશુપાલન કરીને પોતાના ઘરનો ખર્ચો કાઢે છે. આ માટે તેઓ દૂધની સાથે માખણ અને ઘી પણ વેચે છે, જેમાંથી તેઓ સારી કમાણી કરે છે.

આ પણ વાંચો: Mandi : ગાંધીનગરના દહેગામ APMCમાં ચોખાના મહત્તમ ભાવ રૂપિયા 1950 રહ્યા, જાણો જુદા-જુદા પાકના ભાવ

ખાસ વાત એ છે કે પશુપાલન સાથે જોડાયેલા ખેડૂતો ત્યારે જ સારી કમાણી કરી શકે છે જ્યારે તેમના પશુઓ વધુ દૂધ આપે. આ માટે, પશુઓ વધુ દૂધ આપે તે માટે, તેમને સારો અને પૌષ્ટિક ખોરાક આપવો પડશે. આવી સ્થિતિમાં લીલા ઘાસ પશુઓના સ્વાસ્થ્ય અને દૂધ વધારવામાં કારગર સાબિત થશે. વાસ્તવમાં લીલું ઘાસ ખાવાથી પશુઓની દૂધ આપવાની ક્ષમતા વધે છે. તેથી જ પશુઓને બરસીમ, જીરકા, ગીની અને પેરા જેવા ઘાસ ખવડાવવું સારું રહેશે. પરંતુ આ બધા ઘાસમાં નેપિયર ગ્રાસ શ્રેષ્ઠ માનવામાં આવે છે.

સતત પાંચ વર્ષ સુધી ઘાસની કરી શકાય છે લણણી

નિષ્ણાતોના મતે નેપિયર ઘાસની ખેતી તમામ પ્રકારની જમીનમાં કરી શકાય છે. આ માટે વધારે મહેનત કરવાની જરૂર નથી. ખાસ વાત એ છે કે તેની સિંચાઈ પણ ઘણી ઓછી કરવી પડે છે. આ કારણે તેની ખેતીનો ખર્ચ ઘણો ઓછો છે. નેપિયરની સૌથી મોટી વિશેષતા એ છે કે એકવાર વાવેતર કર્યા પછી તમે પાંચ વર્ષ સુધી લીલો ચારો લણી શકો છો. તેની પ્રથમ લણણી ખેતી શરૂ કર્યાના 65 દિવસ પછી થાય છે. આ પછી તમે 35-40 દિવસના અંતરાલથી પાંચ વર્ષ સુધી સતત લણણી કરી શકો છો.

તમે દૂધ વેચીને સારો નફો મેળવી શકો છો

આ ઘાસ ઉજ્જડ જમીન પર પણ ઉગાડી શકાય છે. આ સાથે તેને ખેતરના પાળા પર પણ લગાવી શકાય છે. આપને જણાવી દઈએ કે નેપિયરનું વાવેતર ફેબ્રુઆરીથી જુલાઈ મહિનાની વચ્ચે કરવામાં આવે છે. ત્યારે ખેતરમાં ડ્રેનેજની સારી વ્યવસ્થા હોવી જોઈએ. મીડિયા રિપોર્ટ્સ અનુસાર, આ ઘાસમાં 10 ટકા પ્રોટીન હોય છે. તેમજ ફાઈબર 30 ટકા છે, જ્યારે કેલ્શિયમ 0.5 ટકા છે. તેને કઠોળના ચારા સાથે ભેળવીને ઢોરને ખવડાવવો જોઈએ. તેને પશુઓને ખવડાવતા જ પશુની દૂધ આપવાની ક્ષમતા 10 થી 15 ટકા વધી જાય છે. આવી સ્થિતિમાં પશુપાલકો વધુ દૂધ વેચીને સારો નફો મેળવી શકે છે.