પાક અને જમીન માટે સમુદ્રના શેવાળમાંથી બનેલું આ જૈવિક ખાતર છે ફાયદાકારક, ખેડૂતોને મળશે ગુણવત્તાયુક્ત ઉત્પાદન

કેન્દ્ર અને રાજ્ય સરકાર ખેતીને વધારે નફાકારક બનાવવા માટે અને ખર્ચને ઘટાડવા માટે અનેક પ્રયત્નો કરે છે. આ ક્રમમાં IFFCO એ સમુદ્રના સેવાળમાંથી બનેલું જૈવિક ખાતર સાગરિકા લોન્ચ કર્યું છે. આ ખાતર પાક ઉત્પાદન અને જમીનની ગુણવત્તા બંને માટે લાભદાયી છે. IFFCO સાગરિકા એક બાયોસ્ટીમ્યુલન્ટ છે, જે પ્રતિકૂળ પરિસ્થિતિઓમાં પાકનું રક્ષણ કરે છે. આ ખાતરનો ઉપયોગ બધા જ પ્રકારના પાકમાં કરી શકાય છે.

ઈફ્કો સાગરિકા જૈવિક ખાતર શું છે?

IFFCO એ સમુદ્રના સેવાળમાંથી સાગરિકા ખાતર તૈયાર કર્યું છે, જે પાક ઉત્પાદનમાં વધારો કરે છે. આ ખાતર સમુદ્રના પાણીમાં ઉગતી લાલ અને ભૂરા રંગના શેવાળમાંથી બનાવવામાં આવે છે. એટલા માટે તેનું નામ સાગરિકા રાખવામાં આવ્યું છે. તેમાં કુલ દ્રાવ્ય પદાર્થોમાં 28 ટકા શેવાળનો રસ, પ્રોટીન, કાર્બોહાઈડ્રેટ્સ, અકાર્બનિક ક્ષાર, વિટામિન્સ, મેનીટોલ અને અન્ય પોષક તત્વો હોય છે.

કયા પાકમાં ઉપયોગ કરી શકાય

IFFCO ની વેબસાઈટ પર આપવામાં આવેલી માહિતી અનુસાર, IFFCO સાગરિકા તમામ પ્રકારના પાક જેવા કે, કઠોળ, તેલીબિયાં, નારિયેળ, કોફી, રબર, ચા, કોકો, શણ, શેરડી વગેરે જેવા પાકોમાં કરી શકાય છે. આ ઉપરાંત બાગાયતી પાકો જેવા કે, કેળા, સફરજન, જામફળ, કેરી, પપૈયા વગેરેમાં પણ કરી શકાય છે.

इफको सागरिका (तरल) एक जैव उत्तेजक है जो आपकी फसल को विपरीत परिस्थितियों में सुरक्षित रखता है। इसका इस्तेमाल सभी तरह की फसल पर कर सकते हैं। आज ही https://t.co/9M6U9Gk23Z पर जाकर ऑर्डर करें।#IFFCO #Sagarika #Farmers #Farming #Fertilisers #Crops #Agriculture pic.twitter.com/2kg2GwLG30

— IFFCO (@IFFCO_PR) October 9, 2023

આ પણ વાંચો : ખેડૂતો 31 ડિસેમ્બર સુધી રવિ પાકનો વીમો લઈ શકશે, બહાર પાડવામાં આવ્યું જાહેરનામું

એક લિટરનો ભાવ 560 રૂપિયા

IFFCO સાગરિકા 100 ટકા ઓર્ગેનિક ખાતર છે. સાગરિકા બજારમાં પ્રવાહી અને ઘન એમ બંને સ્વરૂપમાં લોન્ચ કરવામાં આવી છે. 1 લિટર લિક્વિડ બોટલની કિંમત 560 રૂપિયા છે, જ્યારે ઘન સ્વરૂપમાં આ ખાતરની 10 કિલોની કિંમત 450 રૂપિયા છે. IFFCO સાગરિકા ખાતર પાકની ગુણવત્તા સુધારવા માટે યોગ્ય છે. IFFCO સાગરિકા ખરીદવા માટે http://iffcobazar.in પર જાઓ.

કૃષિના તમામ સમાચાર વાંચવા માટે અહીં ક્લિક કરો