Nutmeg cultivation: કુદરતી પદ્ધતિથી જાયફળની ખેતી કરવાથી મળી શકે છે બમણી આવક
આજકાલ રોકડિયા પાકની ખેતીમાંથી ખેડૂતો નફો મેળવીને સમૃદ્ધ બની રહ્યા છે. જાયફળ એ સદાબહાર છોડ છે. કુદરતી પદ્ધતિથી જાયફળની ખેતી કરવાથી ઘણા ફાયદા થાય છે. આજે આ સમગ્ર પદ્ધતિ અને કઈ રીતે ખેતી કરવી તેની તરફ એક નજર કરીયે.
ભારતમાં તમામ પ્રકારના પાકની ખેતી કરવામાં આવે છે. ખેતીના આ બદલાતા યુગમાં ખેડૂતો હવે રોકડિયા પાકની ખેતી તરફ વધુ ઝુકાવ રાખી રહ્યા છે. આ રોકડિયા પાકની ખેતીમાંથી ખેડૂતો નફો મેળવીને સમૃદ્ધ બની રહ્યા છે. આજે અમે તમને એવા જ એક પાક, જાયફળની ખેતી વિશે જણાવવા જઈ રહ્યા છીએ. તે માત્ર રોકડિયા પાક તરીકે ઉગાડવામાં આવે છે. હાલના સમયમાં ખેડૂતો કુદરતી રીતે ખેતી કરીને સારો નફો કમાઈ રહ્યા છે.
ખેતી પદ્ધતિ
માટી
નિષ્ણાતોના મતે , રેતાળ લોમ અને લાલ લેટેરાઇટ માટી જાયફળ માટે સૌથી યોગ્ય છે. તેનું pH મૂલ્ય 5 થી 6 ની વચ્ચે હોવું જોઈએ. તેના બીજ વાવવા પહેલા ઊંડી ખેડાણ કરવી જરૂરી છે.
વાતાવરણ
જાયફળ એ સદાબહાર છોડ છે. તેની વાવણી માટે, 22 થી 25 ડિગ્રી તાપમાન જરૂરી છે. ભારે ગરમી ધરાવતા વિસ્તારોમાં તેની ખેતી કરી શકાતી નથી. જાયફળના બીજ અંકુરિત થવામાં અસમર્થ હોય છે.
વાવણી વિસ્તાર ને કરો તૈયાર
બીજ વાવ્યા પછી ખેતરમાં સારી રીતે પિયત આપવું. આ માટે ખેતરમાં ખાડાઓ તૈયાર કરવામાં આવે છે. ખેતરની માટી ફેરવવા માટે હળ વડે ઊંડી ખેડાણ કરવી. 4 થી 6 દિવસ પછી, ખેતરમાં 3 થી 4 વખત ખેડાણ કરો.
જૈવિક ખાતરોનો ઉપયોગ
જાયફળના છોડની વાવણી કર્યા પછી, નિયમિત અંતરે ખેતરોમાં ખાતર નાખવું જોઈએ. ગૌમૂત્ર અને બાવિસ્ટીનનું મિશ્રણ ખેતરમાં નાખવું જોઈએ. જાયફળના રોપાઓ તૈયાર કરવા માટે ઓર્ગેનિક ખાતર , ગાયના છાણ અને સડેલા શાકભાજીનો ઉપયોગ કરવો જોઈએ .
આ પણ વાંચો : આ છે દુનિયાનું સૌથી મોંઘું તરબૂચ, કિંમત એટલી કે એક તરબૂચમાં 7 તોલા સોનું આવી જાય
ઉપજ
જાયફળનું ઉત્પાદન 4 થી 6 વર્ષ પછી શરૂ થાય છે. તેનો સાચો ફાયદો 15 થી 18 વર્ષ પછી મળવા લાગે છે. તેના છોડ જૂન અને ઓગસ્ટ વચ્ચે ફળ આપે છે. પાક્યા પછી તેનો રંગ પીળો થઈ જાય છે. આ પછી જાયફળનું બહારનું આવરણ ફાટીને બહાર આવે છે. હવે તમારે તેની લણણી કરવાની રહેશે.
