Potato New Varieties : ઘઉં, ડાંગરની કાપણીના સમયગાળા વચ્ચે ખેડૂતો બટાટા ઉગાડી શકશે, CPRI શિમલાએ ત્રણ જાતોની કરી શોધ
સેન્ટ્રલ પોટેટો રિસર્ચ સેન્ટર (CPRI), શિમલાએ બટાકાની ત્રણ જાતો, કુફરી સૂર્યા, કુફરી ખ્યાતી અને કુફરી સુખ્યાતી વિકસાવી છે, જે 90 દિવસમાં ઉગાડી શકાય છે. મેદાનોમાં ઊંચા તાપમાનને કારણે આ જાતો ઓછા સમયમાં તૈયાર થઈ રહી છે.
ગંગા નદીને અડીને આવેલા દેશના મેદાની વિસ્તારના ખેડૂતો (Farmers)હવે ઘઉં અને ડાંગર પાકના સમયગાળા વચ્ચેના સમય દરમિયાન બટાટા (Potato)ની લણણી કરી શકશે. સેન્ટ્રલ પોટેટો રિસર્ચ સેન્ટર (CPRI),શિમલાએ બટાકાની ત્રણ જાતો, કુફરી સૂર્યા, કુફરી ખ્યાતી અને કુફરી સુખ્યાતી વિકસાવી છે, જે 90 દિવસમાં ઉગાડી શકાય છે. મેદાનોમાં ઊંચા તાપમાનને કારણે આ જાતો ઓછા સમયમાં તૈયાર થઈ રહી છે.
આ જાતોથી ખેડૂતો પ્રતિ હેક્ટર 40 ક્વિન્ટલ સુધીની ઉપજ મેળવી શકશે. અત્યારે ખેડૂતો ઘઉં અને ડાંગરની કાપણીના સમયગાળા વચ્ચે કોઈ પાક ઉગાડતા નથી. સામાન્ય રીતે પહાડી વિસ્તારોમાં બટાકાનો પાક 100 થી 120 દિવસમાં તૈયાર થાય છે. સીપીઆરઆઈના વૈજ્ઞાનિકોના પ્રયાસોથી હવે ખેડૂતો ત્રણ જાતોમાંથી ઓછા સમયમાં બટાકાનું ઉત્પાદન લઈ શકશે. બટાકાની આ જાતોના બીજ ઉગાડીને ખેડૂતો પ્રમાણમાં ટૂંકા ગાળામાં પાક તૈયાર કરી શકે છે અને નફો કમાઈ શકે છે.
કુફરી પુખરાજ સીડ્સ માપદંડ પર ખરા ઉતર્યા નથી
સંસ્થાના વૈજ્ઞાનિક ડો. વિનય ભારદ્વાજે જણાવ્યું કે આ જાતો પહેલા કુફરી પુખરાજ બટાકાના બીજનો ઉપયોગ કરીને તેને ઉગાડવામાં અને તેને ટૂંકા ગાળામાં તૈયાર કરવામાં આવતો હતો. તેના બટાકા ઓછા સમયમાં તૈયાર થઈ ગયા હતા, પરંતુ તેનો સંગ્રહ સમયગાળો ઓછો હતો. બટાકાની છાલ પાતળી હોવાના કારણે સમસ્યા આવી રહી હતી. ત્રણ વેરાયટી વચ્ચે બટાટા ટુંક સમયમાં તૈયાર થઈ રહ્યા છે. ઉત્પાદન પણ પ્રતિ હેક્ટર 40 ક્વિન્ટલ સુધી રહે છે.
શું કહે છે CPRI ના ડાયરેક્ટર
સીપીઆરઆઈના ડિરેક્ટર એનકે પાંડે કહે છે કે ગંગા નદીને અડીને આવેલા મેદાનોમાં ખેડૂતો ત્રીજા પાક તરીકે ઘઉં અને ડાંગરની વચ્ચેના સમયગાળામાં બટાટા ઉગાડી શકે છે. તેનાથી ખેડૂતોને આર્થિક ફાયદો પણ થશે અને દેશની બટાકાની જરૂરિયાત પણ પૂરી થશે. મેદાની વિસ્તારોમાં દેશના 70 ટકા બટાકાનું ઉત્પાદન થાય છે.