Rajasthan Crime News: લો બોલો, આ મહિલા રોજ તેના પતિની કરે છે સર્વિસ, ક્યારેક બેટથી તો ક્યારેક તવાથી, ઘટના CCTCમાં થઈ કેદ

Wife Beat His Husband Video :  મહિલાઓ વિરુધ્ધ થતા ઘરેલૂ હિંસાના કિસ્સા સામે આવતા રહે છે. પણ રાજસ્થાન (Rajasthan)ના અલવરમાં બનેલો કિસ્સો આનાથી વિપરીત છે. રાજસ્થાનના અલવર સ્થિત ભિવાડીમાં પત્ની (Wife) દ્વારા પતિ (Husband) ને મારવાનો કિસ્સો સામે આવ્યો છે. પત્ની પોતાના પતિને એટલી બેરહેમીથી મારે છે કે પતિ આખા ઘરમાં ભાગમભાગ કરી રહ્યો છે. કયારેક તવાથી તો કયારેક ક્રિકેટ બેટથી પત્ની રોજ પોતાના પતિની ધુલાઈ કરી રહી છે. એક દિવસ પતિ પોતાની પત્નીથી એટલો હેરાન થઇને જાય છે કે તે પોતાના ઘરમાં સીસીટીવી લગાવી દે છે, જેથી તેની સાથે થનાર ઘરેલૂ હિંસા સીસીટીવીમાં કેદ થઈ જાય.

દીકરાની સામે જ કરતી હતી મારમારી

આ મહિલાને પોતાના દીકરાનો પણ ખ્યાલ નહોતો રહેતો. દીકરાની સામે જ તેના પિતાને મારતી હતીએ મહિલા. તમને જાણીને નવાઈ લાગશે કે પીડિત પતિ અજીત એક સ્કૂલમાં પ્રિન્સિપલ છે. તે તેની પત્ની સામે હાથ જોડી રહ્યો છે છતા તેની પત્નીને તેના પર દયા નથી આવતી. સીસીટીવી ફુટેજમાં પતિ-પત્ની સિવાય તેમનો દીકરો પણ દેખાઈ રહ્યો છે. પોતાના પિતાની ધુલાઈ થતા જોઈ દીકરો ખુબ ડરી ગયો હતો. સીસીટીવીના આધારે પીડિત પતિએ ભિવાડી પોલીસ સ્ટેશનમાં ફરિયાદ નોંધાવી છે.

કોર્ટે પતિને આપી સુરક્ષા

પીડિત પતિએ પોતાનો જીવ બચાવવા સીસીટીવી ફુટેજ પોલીસને બતાવીને પત્ની વિરુધ્ધ ફરિયાદ નોંધાવી છે. પીડિત પતિનો આરોપ છે કે લગ્ન પછીથી પત્ની તેને મારી રહી છે. આ  મામલે કોર્ટે પતિને સુરક્ષા આપવાનો આદેશ કર્યો છે. સીસીટીવીમાં દેખાય રહ્યું છે કે કઈ રીતે પત્ની પોતાના પતિને ઢોર માર મારી રહી છે.

લગ્નના 9 વર્ષ પછી પણ ત્રાસ યથાવત્

પીડિત પતિએ પોલીસને જણાવ્યું કે તેના 9 વર્ષ પહેલા તેમના લવ મેરેજ થયા હતા. પણ પત્નીનો ત્રાસ યથાવત્ છે. હજુ પત્નીનું નિવેદન સામે નથી આવ્યું. તેના નિવેદન બાદ આગળની કાર્યવાહી કરવામાં આવશે. એડિશનલ એસપી વિપિન શર્માએ જણાવ્યું કે – આ મામલે હાઈકોર્ટે પીડિત પતિને  સુરક્ષા આપવાનો આદેશ કર્યો છે. એએસઆઈ નરેશ કુમાર આ મામલે તપાસ કરી રહ્યાં છે. 7 જૂને ફરીથી હાઈકોર્ટને આ મામલે રિપોર્ટ આપવાનો રહેશે.