Kumbh Mela Covid Test Scam: કુંભ કોવિડ ટેસ્ટ કૌભાંડમાં પ્રથમ ધરપકડ, હરિયાણાનો એક શખ્સ પોલીસના સકંજામાં

Kumbh Mela Covid Test Scam: વિશેષ તપાસ ટીમે ઉત્તરાખંડના કુંભ મેળા કોરોના પરીક્ષણ કૌભાંડમાં પ્રથમ ધરપકડ કરી છે. હરિદ્વાર સર્કલ ઓફિસર અભય પ્રતાપસિંહે જણાવ્યું હતું કે આ કેસમાં આરોપી આશિષ નલવા, હરિયાણાનો રહેવાસી છે. તેમણે ન્યૂઝ એજન્સીને કહ્યું કે આરોપી નલવા લેબોરેટરીઓમાં માનવ સંસાધન અને અન્ય જરૂરી ચીજો પૂરો પાડતો હતો.

અભય પ્રતાપસિંહે જણાવ્યું કે આરોપી હરિયાણાના ઝજ્જર જિલ્લાના બદના ગામનો રહેવાસી છે. તેને સ્થાનિક અદાલતમાં રજૂ કરવામાં આવ્યો, જેણે તેને 14 દિવસના ન્યાયિક રિમાન્ડ પર મોકલી આપ્યો. તેમણે કહ્યું કે કુંભ કોવિડ ટેસ્ટ કૌભાંડ મામલે આ પહેલી ધરપકડ છે.

પોલીસે કોવિડ તપાસ દરમિયાન ઉપયોગમાં લેવાતા રજિસ્ટર અને લેપટોપને રિકવર કરવા માટે 23 જુલાઇથી ત્રણ દિવસના પોલીસ કસ્ટડીમાં રહેલા આરોપીને રિમાન્ડ પર લેવાની કોર્ટને વિનંતી કરી હતી, જે સ્વીકારવામાં આવી છે.

નલવા લેબોરેટરીઝ કૌભાંડનો આરોપીએ બે ખાનગી લેબ્સમાંથી એક છે, જેમની સામે નકલી કોવિડ ટેસ્ટ લેવા માટે એપીડેમિક એક્ટ, ડિઝાસ્ટર મેનેજમેન્ટ એક્ટ અને ભારતીય દંડ સંહિતા (IPC) ની કલમ 120 બી અને 420 હેઠળ કેસ નોંધવામાં આવ્યો છે. આ કેસમાં આરોપી બનેલી બીજી લેબ છે લાલચંદની લેબ.

ચીફ મેડિકલ ઓફિસર, હરિદ્વારની ફરિયાદ પર ગયા મહિને મેક્સ કોર્પોરેટ સર્વિસીસ અને બે ખાનગી લેબ સામે કેસ નોંધવામાં આવ્યો હતો. આ ફરિયાદ પછી જ આ કૌભાંડની તપાસ માટે હરિદ્વારના વરિષ્ઠ પોલીસ અધિક્ષક સેન્થિલ અબુદાઇ કૃષ્ણરાજ એસ દ્વારા વિશેષ તપાસ ટીમ (SIT) ની રચના કરવામાં આવી હતી.

આ પણ વાંચો: Akash-NG surface-to-air missile: DRDOએ જમીનથી હવામાં લક્ષ્ય સાધી શકતી મિસાઇલ આકાશ-NGનું કર્યું સફળ પરીક્ષણ