Google પર નોકરાણી સર્ચ કરવું પડ્યું ભારે, ઠગ ટોળકીએ અશ્લીલ વીડિયો મોકલી બેંક મેનેજર પાસેથી પડાવ્યા 52 લાખ

Google પર નોકરાણી સર્ચ કરવું પડ્યું ભારે, ઠગ ટોળકીએ અશ્લીલ વીડિયો મોકલી બેંક મેનેજર પાસેથી પડાવ્યા 52 લાખ
Symbolic Image
Image Credit source: File Photo

Crime: મળતી માહિતી મુજબ પીડિત બેંક ઓફિસર અજય સિંહ મેડ સર્વિસ એજન્સીનો નંબર શોધવા માટે ઈન્ટરનેટ પર સર્ચ કરી રહ્યા હતા અને તે પછી તેને એક અજાણ્યા નંબર પરથી કોલ આવ્યો.

TV9 GUJARATI

| Edited By: Pankaj Tamboliya

May 21, 2022 | 12:10 PM

ઉત્તર પ્રદેશની રાજધાની લખનઉ (Lucknow)માં એક બેંક ઓફિસરને ગૂગલ(Google)પર નોકરાણીને સર્ચ કરવું મોંઘુ પડ્યું. કારણ કે તેના દ્વારા તે સેક્સટોર્શન ગેંગના ચુંગાલમાં ફસાઈ ગયો હતો અને ત્યારબાદ ગેંગે તેની પાસેથી 52 લાખ રૂપિયા પડાવી લીધા હતા. પરંતુ બાદમાં પૈસાની માગ વધી જતાં તે પોલીસ પાસે પહોંચ્યો હતો અને ફરિયાદ નોંધાવી હતી. પોલીસે ઝડપી કાર્યવાહી કરીને ગેંગને પણ શોધી કાઢી અને બેંક અધિકારીના રૂપિયા 50 લાખ પાછા મેળવ્યા. ઉત્તર પ્રદેશ પોલીસનું કહેવું છે કે ફ્રોડ ગેંગ કોલકાતા(Kolkata)માં સક્રિય છે.

મળતી માહિતી મુજબ એક બેંક મેનેજર ઈન્ટરનેટ પર નોકરાણીને શોધી રહ્યો હતો અને ઠગની ટોળકીએ તેને અશ્લીલ વીડિયો મોકલીને પોતાની જાળમાં ફસાવ્યો હતો. આ પછી બેંક મેનેજરે લોકલાજના ડરથી ગેંગને 52 લાખ રૂપિયા આપ્યા. પરંતુ તે પછી પણ આ ટોળકીએ બ્લેકમેઈલિંગ કરવાનું બંધ ન કર્યું એટલે તેઓ પરેશાન થઈ ગયા અને ફરિયાદ નોંધાવી. પોલીસના જણાવ્યા અનુસાર તાલકટોરા અને સાયબર ક્રાઈમની ટીમે કોલકાતામાંથી જ સેક્સટોર્શન ગેંગમાં સામેલ એક આરોપીની ધરપકડ કરી છે અને તેની પાસેથી બેંક મેનેજરના 50 લાખ રૂપિયા રિકવર કરવામાં આવ્યા છે. પોલીસનું કહેવું છે કે ગુંડાઓની ગેંગ પશ્ચિમ બંગાળથી સક્રિય છે. ACP બજારખાલા અનિલ યાદવના જણાવ્યા અનુસાર પશ્ચિમ બંગાળ 24 પરગણાના રહેવાસી સંદીપ મંડલને પકડવામાં આવ્યો છે.

અશ્લીલ વીડિયો મોકલીને બનાવો છે શિકાર

પોલીસનું કહેવું છે કે ગેંગના સભ્યો અશ્લીલ વીડિયો કોલ રેકોર્ડ કરીને બ્લેકમેલિંગ કરે છે અને મોટાભાગની ઘટનાઓ પશ્ચિમ બંગાળની ગેંગ દ્વારા કરવામાં આવી રહી છે. પોલીસનું કહેવું છે કે 28 એપ્રિલે બેંક ઓફિસર અજય પ્રતાપ સિંહે કેસ દાખલ કર્યો હતો અને તેણે કેટલાક એકાઉન્ટ અને મોબાઈલ નંબર પણ આપ્યા હતા. જે બાદ પોલીસે કાર્યવાહી કરી અને કોલકાતા પોલીસનો સંપર્ક કર્યો. આરોપીએ પોલીસને જણાવ્યું કે તેની ગેંગમાં વધુ પાંચ લોકો સામેલ છે અને પોલીસ આ લોકોની શોધમાં લાગેલી છે.

ગૂગલ પર બેંક મેનેજર સર્ચ કરી રહ્યા હતા નોકરાણી

મળતી માહિતી મુજબ પીડિત બેંક ઓફિસર અજય સિંહ મેડ સર્વિસ એજન્સીનો નંબર શોધવા માટે ઈન્ટરનેટ પર સર્ચ કરી રહ્યા હતા અને તે પછી તેને એક અજાણ્યા નંબર પરથી કોલ આવ્યો અને જે યુવતીને ફોન કર્યો તેણે તેનું નામ નેહા જણાવ્યું. યુવતીના કહેવા પર અજયે અગાઉ આઠસો રૂપિયા એકાઉન્ટમાં મોકલ્યા હતા અને આગળની પ્રક્રિયા માટે નેહાએ સોનાલી રાયનો નંબર આપ્યો હતો. આ પછી અજયે સોનાલીના નંબર પર કોલ કર્યો, ત્યારબાદ તેણે અશ્લીલ વીડિયો કોલ કર્યો. આ પછી સોનાલીએ વીડિયો વાયરલ કરવાની ધમકી આપતાં બેંક મેનેજર અજય સિંહને 52 લાખ રૂપિયા જમા કરાવવા કહ્યું અને ત્યારપછી તેની માગ વધતી જતી હોવાથી મેનેજર પરેશાન થઈ પોલીસને જાણ કરી.

Follow us on

Related Stories

Most Read Stories

Click on your DTH Provider to Add TV9 Gujarati