ભૂતપૂર્વ મેનેજરે બેંકમાં આવી કરી મહિલા અધિકારીની હત્યા, એક કરોડની લોન ભરવા કરી લૂંટ, જાણો સમગ્ર ઘટના
બેંકના પૂર્વ મેનેજર દ્વારા ખાનગી બેંકની મહિલા અધિકારીની છરીના ઘા મારી હત્યા કરવામાં આવી હતી. તેણે 1 કરોડની લોન લીધી હતી અને તે જ ચુકવવા તેણે બેંકને લૂંટવાનો કાવતરું રચ્યું હતું.
Mumbai: વિરારમાં એક ખાનગી બેંકની મહિલા અધિકારીની છરીના ઘા મારી હત્યા કરવામાં આવી હતી. જ્યારે તેની એક મહિલા સહયોગી ઘાયલ થઈ ગઈ હતી. આ હુમલો બે લોકો દ્વારા કરવામાં આવ્યો હતો, જેમાંથી એક બેંકનો પૂર્વ મેનેજર પોતે જ હતો. પોલીસ દ્વારા આ તમામ માહિતી આપવામાં આવી હતી.
આ ઘટના ગુરુવારે રાત્રે લગભગ 8.30 વાગ્યે ICICI બેંકની વિરાર શાખામાં બની હતી. પોલીસના જણાવ્યા મુજબ, આ ઘટના બની ત્યારે ફક્ત બેંકમાં કામ કરતી આ બંને મહિલાઓ હાજર હતી. વરિષ્ઠ નિરીક્ષક પોલીસે જણાવ્યું હતું કે, આ કેસમાં બે આરોપીઓ માંથી એક અનિલ દુબેની ધરપકડ કરવામાં આવી છે. તે આ બેંકનો પૂર્વ મેનેજર છે.
તેમણે કહ્યું કે બંને આરોપીઓ બેંકમાં ઘુસી ગયા અને ત્યાં કામ કરતા બેંકના આસિસ્ટન્ટ મેનેજર યોગિતા વર્તક અને કેશિયર શ્રદ્ધાને ધમકી આપી હતી. આ ઘટના ગુરુવારે રાત્રે વિરારની આઈસીઆઈસીઆઈ બેંકની શાખામાં રાત્રે 8.30 વાગ્યે બની હતી. તેમણે કહ્યું કે, તે સમયે બેંકમાં કામ કરતા માત્ર બે જ વ્યક્તિઓ હાજર હતા.
આરોપીએ બંને મહિલાઓને દાગીના અને રોકડ સોંપવા કહ્યું. આ પછી, જ્યારે તેઓ ભાગવાનો પ્રયાસ કરવા લાગ્યા, ત્યારે બંનેએ અવાજ કરીને લૂંટારાઓને રોકવાનો પ્રયાસ કર્યો હતો. આ પછી આરોપીએ બંનેને છરી વડે હુમલો કરી ઘા માર્યા હતા. બાદમાં લોકોએ પીછો કર્યો અને અનિલ દુબેને પકડી લીધો હતો.
જોકે તેનો સાથી સ્થળ પરથી ભાગી ગયો હતો. લોકોએ યોગિતા વર્તાકને ગંભીર રીતે ઈજાગ્રસ્ત હાલતમાં પડેલા જોયા જ્યારે તેની સાથી પણ ખરાબ રીતે ઘાયલ હતી. પોલીસે જણાવ્યું કે, બંનેને હોસ્પિટલ લઈ જવામાં આવ્યા જ્યાં યોગિતા નામની મહિલાને મૃત જાહેર કરવામાં આવી હતી.
વિરાર પોલીસ સ્ટેશનના અધિકારીએ જણાવ્યું હતું કે, આ કેસમાં પકડાયેલ એક અનિલ દુબે બેંકની તે જ શાખાનો ભૂતપૂર્વ મેનેજર છે જ્યાં આ ઘટના બની હતી. તેણે 1 કરોડની લોન લીધી હતી અને તે જ ચુકવવા તેણે બેંકને લૂંટવાનો કાવતરું રચ્યું હતું. હાલમાં તે અન્ય બેંકમાં કામ કરે છે.
Published On - 5:11 pm, Fri, 30 July 21