Ahmedabad: ચાંદખેડામાં 15 વર્ષીય સગીરા પર સામૂહિક દુષ્કર્મ, 3 આરોપીઓ પોલીસ સકંજામાં

Ahmedabad: શહેરના ચાંદખેડા (chandkheda) વિસ્તારમાં 15 વર્ષીય સગીરા પર 2 યુવકોએ સામૂહિક દુષ્કર્મ (Gangrap) કરતા ખળભળાટ મચી ગયો છે. સગીરાને અડાલજ (Adalaj) ની હોટેલમાં લઈ જઈને 2 મિત્રોએ સગીરાની ઇજ્જત લૂંટી હતી. સગીરાને પીંખી નાંખી હોસ્પિટલમાં મૂકી બે બળાત્કારી તથા એક મદદગારી કરનાર આરોપી ફરાર થઈ ગયા હતા. જે અંગે ચાંદખેડા પોલીસે ગેંગરેપનો ગુનો નોંધી તપાસ હાથ ધરી 3 આરોપીની ધરપકડ કરી છે.

ચાંદખેડાના જગતપુરમાં રહેતી 15 વર્ષિય સગીરાને બે યુવકો મિત્રતા કેળવી અને સગીરાને મળવાના બહાને બહાર બોલાવી કારમાં અપહરણ કરી અડાલજની એક હોટેલમાં લઈ જવામાં આવી. જ્યાં 2 મિત્રો શૈલેશ ભરવાડ અને વિજય ભરવાડે સગીરાને હોટલના રૂમમાં પીંખી નાખી હતી. જેથી સગીરાને ગુપ્તાંગમાંથી અસહ્ય લોહી નીકળતા તે બેભાન થઈ ગઈ. અને બાદમા અન્ય આરોપી વિજય ભરવાડની મદદથી સગીરાને હોસ્પિટલમાં મૂકી ત્રણેય નરાધમો ભાગી ગયા હતા. આ અંગે ચાંદખેડા પોલીસે ત્રણેય યુવાનો વિરુદ્ધ ગેંગરેપનો ગુનો નોંધી ધરપકડ કરી છે.

ટોલનાકાના સીસીટીવીના આધારે આરોપીની ધરપકડ કરી

આરોપીની પૂછપરછમાં સામે આવ્યું કે સગીરાને જગતપુરમાં જ રહેતા 23 વર્ષીય વિજય ભરવાડ નામના યુવાનના પરિચયમાં આવી હતી. ત્યારબાદ આરોપી વિજય ભરવાડના મિત્ર મકરબામાં રહેતો 19 વર્ષીય વિજય ભરવાડને સગીરાનો મોબાઇલ નંબર આપ્યો હતો. જે બાદ 10 જુલાઈએ મકરબા રહેતો વિજયનો મિત્ર શૈલેષે સગીરાને ફોન કરીને ગોદરેજ ગાર્ડન સિટી મળવા બોલાવી હતી.

આરોપી વિજય સાથે ફોન કરનાર મિત્ર શૈલેષ સાથે કારમાં ત્યાં ઊભો હતો. સગીરાને કારમાં બેસાડીને તેઓ અડાલજ ખાતેની એક હોટલના રૂમમાં લઈ ગયા હતા. પહેલા શૈલેશે નિર્ભયા સાથે દુષ્કર્મ કર્યું હતું. એ પછી 19 વર્ષીય વિજય ભરવાડે દુષ્કર્મ કર્યું અને બંને મિત્રોએ વારાફરથી બળાત્કાર ગુજાર્યો હતો. સગીરાને દુષ્કર્મ કરવાના ઇરાદે હોટલમાં લઇ જતા સીસીટીવી ફૂટેજ સામે આવ્યાં છે.

જેથી પોલીસે જગતપુર જઈ હોટલના સીસીટીવી તથા રેકોર્ડ અને સાયોંગીક પુરાવા એકઠા કર્યા છે. ત્યારે સગીરાના અપહરણ કરવા વપરાયેલી કાર 23 વર્ષીય વિજય ભરવાડની હોવાનું સામે આવ્યું છે. જેમાં આરોપી વિજય ભરવાડની ચ્હાની કીટલી ચલાવે છે. ત્યારે અન્ય બે બળાત્કારી આરોપી કોઈ કામ ધંધો ન કરતા હોવાનું સામે આવ્યું છે.

ચાંદખેડા પોલીસે 19 વર્ષીય શૈલેશ ભરવાડ, 19 વર્ષીય વિજય ભરવાડ અને 23 વર્ષીય વિજય ભરવાડ આ ત્રણેય મિત્રોનાં ઘરે-સગાં- સંબંધીને ત્યાં તપાસ કરી હતી, પરંતુ તેઓ મળ્યા નહોતા, જેથી પોલીસે ત્રણેયના મોબાઈલ નંબર ટ્રેસિંગમાં મૂક્યા હતા.

આ ઉપરાંત ગુનામાં વપરાયેલી કાર લઈને ત્રણેય નરાધમો ભાગ્યા હોવાથી રોડ પરના સીસીટીવી તેમજ ટોલનાકાના સીસીટીવીના આધારે આરોપીની ધરપકડ કરી છે. જોકે આ ગુનામા પોલીસ તપાસમા શું નવા ખુલાસા થશે છે તે જોવુ મહત્વનુ છે.

આ પણ વાંચો: Surat : ખેડૂતો માટે ખુશખબર, ઓલપાડ-ચોર્યાસી તાલુકા ખરીદ-વેચાણ સંઘના સભાસદ ખેડૂતોને 15 ટકા ડિવિડન્ડ મળશે