અમદાવાદ ગ્રામ્યમાં પણ હવે ડ્રગ્સના દૂષણે પગપેસારો કર્યો છે. જી હા, અમદાવાદ ગ્રામ્ય એસઓજીએ શાંતીપુરા નજીકથી બે આરોપીની એમડી ડ્રગ્સની હેરાફેરી કરે તે પૂર્વે જ ધરપકડ કરી છે. પોલીસ પકડમાં રહેલા બન્ને આરોપી મહોમદ એજાજ અને શાહનવાઝ ગાગી સરખેજ-જુહાપુરા વિસ્તારના રહેવાસી છે. પોલીસે બન્ને આરોપી પાસેથી 1.70 લાખનો 17. 50 ગ્રામ MD ડ્રગ્સનો જથ્થો કબજે કર્યો છે. હાલ ગ્રામ્ય એસઓજીએ ડ્રગ્સ મામલે બન્ને આરોપીને કોર્ટ સમક્ષ રજુ કરી 3 દિવસના રિમાન્ડ મેળવ્યા છે. અને ઝડપાયેલા આરોપીની પુછપરછ બાદ મુખ્ય આરોપીઓ સુધી પહોંચવા માટે પોલીસે તપાસ શરૂ કરી છે. પોલીસે બાતમીના આધારે બંને આરોપીને પકડવામાં સફળતા મેળવી હતી.
ત્યારે આ મામલે ઇન્ચાર્જ પીઆઇ જી.એમ પાવરાએ કહ્યું કે બંને આરોપી અમદાવાદ જુહાપુરાના રહેવાસી છે. ત્યારે ડ્રગ્સનો જથ્થો વેજલપુરના વ્યક્તિ આદીલ પાસેથી લાવ્યા હોવાનું તેમણે જણાવ્યું છે. અને બંને વ્યક્તિએ એમ પણ કહ્યુ છે કે તેઓ ડ્રગ્સના વ્યાસની છે. અને આ જથ્થો પોતાના માટે લાવ્યા છે. પરંતુ બંને આરોપીના રિમાન્ડ મેળવીને આગળની તપાસ હાથ ધરવામાં આવી છે.
આ પણ વાંચો: Gujarat: રાજ્યમાં આજે નોંધાયા કોરોના આટલા કેસ, જાણો અન્ય મહત્વના સમાચાર માત્ર એક જ ક્લિકમાં
Published On - 11:27 pm, Tue, 9 November 21