Gujarati NewsCrimeAdd chief secy of hm reviewed sabarmati jails security prior transferring up don atique ahmed atique ahmad ne gujarat lavvanu countdown shru
150થી વધારે કેસ જેમની પર છે તે કુખ્યાત ગુંડા અતિક અહમદને ઉત્તરપ્રદેશથી ગુજરાતની આ જેલમાં લાવવામાં આવશે, ગૃહ વિભાગના અધિક સચિવે લીધી જેલની મુલાકાત
ઉત્તરપ્રદેશ ના કુખ્યાત ગુંડા અને રાજકારણી અતિક અહમદને ઉત્તરપ્રદેશની જેલમાંથી સાબરમતી જેલમાં લાવવા માટેનું કાઉન્ટ ડાઉન શરૂ થઈ ચૂક્યું છે. રાજ્યના ગૃહવિભાગના અધિક મુખ્ય સચિવ એ એમ તિવારી અને જેલોના ડિજી મોહન ઝા સહિતના અધિકારીઓએ સાબરમતી જેલની મુલાકાત લઈ સાબરમતી જેલની સુરક્ષાની સમીક્ષા કરી હતી. ગૃહ વિભાગનો હવાલો સાંભળ્યા બાદ અધિક મુખ્ય સચીવએ એમ તિવારીએ […]
Follow us on
ઉત્તરપ્રદેશ ના કુખ્યાત ગુંડા અને રાજકારણી અતિક અહમદને ઉત્તરપ્રદેશની જેલમાંથી સાબરમતી જેલમાં લાવવા માટેનું કાઉન્ટ ડાઉન શરૂ થઈ ચૂક્યું છે. રાજ્યના ગૃહવિભાગના અધિક મુખ્ય સચિવ એ એમ તિવારી અને જેલોના ડિજી મોહન ઝા સહિતના અધિકારીઓએ સાબરમતી જેલની મુલાકાત લઈ સાબરમતી જેલની સુરક્ષાની સમીક્ષા કરી હતી.
ગૃહ વિભાગનો હવાલો સાંભળ્યા બાદ અધિક મુખ્ય સચીવએ એમ તિવારીએ પહેલી વાર સાબરમતી જેલની મુલાકાત લીધી પરંતુ આ મુલાકાત સામાન્ય નહોતી. ઉત્તર પ્રદેશના કુખ્યાત ગુનેગાર અને પૂર્વ સાંસદ અતિક અહમદને ઉત્તર પ્રદેશની જેલમાંથી ગુજરાતની જેલમાં ખસેડવા કરેલ હુકમને પગલે સાબરમતી જેલની સુરક્ષા વ્યવસ્થાની સમીક્ષા માટે અધિક મુખ્ય સચિવ એ એમ તિવારી સાબરમતી જેલ પહોંચ્યા હતા.
રોચક VIDEO જોવા માટે TV9Gujartiના YOUTUBE પેજને SUBSCRIBE કરો
જોકે જેલ વિભાગના અધિકારીઓ આ બાબતે મૌન સેવી રહ્યા છે અને ગૃહ સચિવ એ એમ તિવારીની મુલાકાતને સામાન્ય મુલાકાત ગણાવવા સાથે જેલના કેદીઓની સ્થિતિ અને સુરક્ષા બાબતોની ચર્ચા સાથે મુલાકાત લીધી હોવાનું કહી રહ્યા છે. સાબરમતી જેલના સુપ્રિટેનડન્ટ ડ્રો મહેશ નાયકે ટીવી નાઇનને જણાવ્યું કે જેલની સુરક્ષાની સમીક્ષા સાથે જેલમાં કેદીઓના સુધારણા કાર્યક્રમ સહિતના મુદ્દાઓની ચર્ચા કરવામાં આવી હતી, આ એક સામાન્ય મુલાકાત હતી.
અંદાજે ત્રણ કલાક સુધી રોકાયેલા એ એમ તિવારીએ જેલની અંદર તમામ વિસ્તારોની મુલાકાત લીધી હતી અને હાર્ડકોર ક્રિમિનલને રાખવામાં આવતી બેરેકનું નિરીક્ષણ અને જેલના વિવિધ વિસ્તારોની મુલાકાત ઉપરાંત જેલની બહારની દીવાલો અને ત્યાં ગોઠવવામાં આવેલ ફિઝિકલ અને ઇલેક્ટ્રોનિક સિક્યુરિટી સર્વેલન્સ અંગેની જાત માહિતી મેળવી હતી.એ એમ તિવારી સાથે ગૃહ વિભાગ ના સેક્રેટરી સુભાષ સોની, જેલોના ડિજી મોહન ઝા, ડીઆઈજી એસકે ગઢવી,સાબરમતી જેલના સુપ્રીટેન્ડનટ ડ્રો મહેશ નાયક સહિતના અધિકારીઓ આજની મિટિંગમાં જોડાયા હતા.
ગૃહ વિભાગ કે સાબરમતી જેલના અધિકારીઓ આજની લંબાણપૂર્વકની મિટિંગો અને મુલાકાતને સામાન્ય ગણાવી રહ્યા છે પરંતુ સુપ્રિમકોર્ટના આદેશ બાદ ઉત્તરપ્રદેશ સરકાર તરફથી રાજ્ય સરકારને એક પત્ર મળ્યો છે અને આ પત્ર મળ્યા બાદ રાજ્ય સરકારના આદેશથી જ ખુદ ગૃહ વિભાગના સર્વોચય અધિકારીએ સાબરમતી જેલની મુલાકાત લીધી છે. શકયતા છે આગામી સપ્તાહમાં સુપ્રીમ કોર્ટની ગાઈડલાઈન મુજબ અતિક અહમદને સાબરમતી જેલમાં લાવવામાં આવી શકે છે.