Omicron Variant: અત્યાર સુધીનો સૌથી ઝડપથી ફેલાતો વેરિઅન્ટ ઓમિક્રોન છે, દર્દીઓ અને મૃત્યુઆંક વધવાની ધારણા – WHO
WHO એ કોરોના વાયરસના નવા અને ઝડપથી ફેલાતા ઓમિક્રોન વેરિઅન્ટને લઈને ચેતવણી જાહેર કરી છે. તેણે કહ્યું કે આ અત્યાર સુધીનો સૌથી ઝડપથી ફેલાતો વેરિઅન્ટ છે.
WHO on Omicron Variant: વર્લ્ડ હેલ્થ ઓર્ગેનાઈઝેશને (World Health Organization) કોરોના વાયરસના નવા ઓમિક્રોન વેરિઅન્ટને લઈને ચેતવણી જાહેર કરી છે. WHOએ કહ્યું છે કે તે વધુ ઝડપથી ફેલાઈ રહ્યો છે. અત્યાર સુધીમાં 77 દેશોમાં તેના કેસ નોંધાયા છે. WHOના ડાયરેક્ટર-જનરલ ટેડ્રોસ અધાનમ ઘેબ્રેયસસે એક પ્રેસ કોન્ફરન્સમાં જણાવ્યું છે કે તેઓ ચિંતિત છે કે વેરિઅન્ટ પર લગામ લગાવવા માટે પૂરતા પગલાં લેવામાં આવ્યા નથી.
ટેડ્રોસે કહ્યું, ‘ચોક્કસપણે આપણે અત્યાર સુધીમાં જે શીખ્યા છીએ તે એ છે કે આપણે આપણા પોતાના જોખમે આ વાયરસને ઓછો આંકવાનું ચાલુ રાખીએ છીએ. ભલે ઓમિક્રોન ઓછા ગંભીર રોગનું કારણ બને છે. પણ ઝડપથી વધી રહેલા કેસો ફરી એકવાર આરોગ્ય પ્રણાલીને અસર કરી શકે છે.’ ઓમિક્રોન વેરિઅન્ટ સૌપ્રથમ નવેમ્બરમાં દક્ષિણ આફ્રિકામાં મળી આવ્યો હતો. ત્યારથી આ દેશમાં કેસોમાં વધારો થયો છે. રાષ્ટ્રપતિ સિરિલ રામાપોસા પણ કોવિડ-19થી સંક્રમિત જોવા મળ્યા છે. તેને ચેપના હળવા લક્ષણો છે અને તે હાલમાં આઈસોલેશનમાં છે.
સૌથી ઝડપથી ફેલાય છે WHO ના ડાયરેક્ટર જનરલે કહ્યું કે ઓમિક્રોનના ફેલાવાનો દર એટલો ઊંચો છે,. જે અગાઉના કોઈપણ વેરિઅન્ટમાં જોવા મળ્યો ન હતો. તેમણે ચેતવણી આપી હતી કે વાયરસને હળવાશથી ન લેવો જોઈએ. બૂસ્ટર ડોઝ પર બોલતા, ટેડ્રોસે કહ્યું હતું કે ઓમિક્રોન પછી કેટલાક દેશોએ તેમની સંપૂર્ણ પુખ્ત વસ્તીને બૂસ્ટર ડોઝ આપવાનું શરૂ કર્યું છે.
જ્યારે અમારી પાસે પુરાવા પણ નથી કે બૂસ્ટર ડોઝ આ વેરિઅન્ટ સામે અસરકારક રહેશે. તેમણે કહ્યું કે WHO બૂસ્ટર ડોઝની વિરુદ્ધ નથી પરંતુ રસીના વિતરણમાં અસમાનતા વિરુદ્ધ છે. તેનો હેતુ માત્ર અમુક દેશોમાં જ નહીં પણ દરેક જગ્યાએ લોકોના જીવ બચાવવાનો છે.
મૃત્યુઆંક વધી શકે છે એક નિવેદનમાં, યુનાઇટેડ નેશન્સ એજન્સીએ કહ્યું, “જેમ કે વિશ્વભરમાં ઓમિક્રોનના કેસ ઝડપથી વધી રહ્યા છે. અમને લાગે છે કે હોસ્પિટલમાં દાખલ થવાની અને મૃત્યુમાં પણ વધારો થશે.” એજન્સીએ કહ્યું કે નવા વેરિઅન્ટ મહામારી પર મોટી અસર કરી શકે છે.
Latest News Updates
