કોરોનાવાયરસના નવા પ્રકાર અને તેના નામ પાછળનું કારણ ચીનના રાષ્ટ્રપતિ શી જિનપિંગ ! જાણો WHO એ કઈ રીતે પસંદ કર્યું નામ
વર્લ્ડ હેલ્થ ઓર્ગેનાઈઝેશન (WHO) એ કહ્યું કે નવું વેરિઅન્ટ ઓમિક્રોન વેરિઅન્ટ તરીકે ઓળખાશે. આ રીતે, WHO એ Nu અને Xi અક્ષરોનો ઉપયોગ કર્યો નથી.
World Emergency: વર્લ્ડ હેલ્થ ઓર્ગેનાઈઝેશન (WHO) એ શુક્રવારે દક્ષિણ આફ્રિકા(South Africa)માં પ્રથમ વખત દેખાતા કોરોનાવાયરસ(Coronavirus)ના નવા પ્રકારને ઓમિક્રોન નામ આપ્યું છે. SARS-CoV-2 ના ચલોનું નામ ગ્રીક મૂળાક્ષરો પરથી રાખવામાં આવ્યું છે. પરંતુ ઓમિક્રોન નામ આપવા માટે, નિષ્ણાતોએ બે અક્ષરો Nu અને Xi છોડી દીધા અને તેના બદલે Omicron પસંદ કર્યો.
વેરિયન્ટ્સના નામ માટે ગ્રીક મૂળાક્ષરોની પસંદ
નવા વેરિઅન્ટના સમાચાર સામે આવતાની સાથે જ નુ સોશિયલ મીડિયા પર ટ્રેન્ડ થવા લાગી. Nuને આ નવા વેરિઅન્ટ માટે સંભવિત નામ તરીકે જોવામાં આવી રહ્યું હતું. વાસ્તવમાં, વેરિયન્ટ્સના નામ માટે ગ્રીક મૂળાક્ષરો પસંદ કરવામાં આવી રહ્યા છે, આ રીતે પછીનો શબ્દ Nu આવતો હતો. જો કે તેને લેવામાં ન આવ્યો
‘વેરિઅન્ટ્સ ઓફ કન્સર્ન’ તરીકે જાહેર
જો કે, WHO પેનલે શુક્રવારે બેઠક કરી અને દક્ષિણ આફ્રિકા અને બોત્સ્વાનામાં જોવા મળતા વેરિએન્ટ્સને ‘વેરિઅન્ટ્સ ઓફ કન્સર્ન’ તરીકે જાહેર કર્યો અને કહ્યું કે તે હવે ઓમિક્રોન વેરિઅન્ટ તરીકે ઓળખાશે. આ રીતે WHOએ Nu અને Xi અક્ષરોનો ઉપયોગ ન કર્યો.
જો કે તમે જાણો છો કે આ કેમ કરવામાં આવ્યું? હાર્વર્ડ મેડિકલ સ્કૂલના મેડિસિનના પ્રોફેસર માર્ટિન કુલડોર્ફે આ માટે સંભવિત કારણ આપ્યું છે. તેમણે કહ્યું કે, WHO એ બે અક્ષરો કાઢી નાખ્યા અને નવા વેરિઅન્ટનું નામ Omicron રાખ્યું જેથી કોરોના વેરિઅન્ટને ‘શી’ વેરિઅન્ટ ન કહેવું પડે.
Omicron નામ રાખવા પાછળનું કારણ
નિષ્ણાતોના મતે, Nu (નુ) અક્ષરનો ઉપયોગ કરવામાં આવ્યો ન હતો કારણ કે તે અંગ્રેજી મૂળાક્ષરોના ‘નવા'(New) શબ્દ જેવો લાગે છે. આનાથી ગૂંચવણ ઊભી થવાનું જોખમ હતું. તે જ સમયે, નવા પ્રકારનું નામ Xi (શી) રાખવામાં એટલા માટે ન આવ્યું કારણ કે આ નામને ચીનના રાષ્ટ્રપતિ શી જિનપિંગના સંદર્ભ તરીકે ન જોવાય. જો વેરિઅન્ટનું નામ Xi હોત, તો ચીન વાંધો ઉઠાવી શક્યું હોત, કારણ કે જિનપિંગના નામ અને વેરિઅન્ટના નામ વચ્ચે સમાનતા હશે. નોંધનીય છે કે ચીન પહેલાથી જ કોરોના વાયરસની ઉત્પત્તિને લઈને વિશ્વભરમાં વિવાદોમાં ઘેરાયેલું છે.
WHOના સૂત્ર પાસેથી મળી માહિતી
ટેલિગ્રાફના વરિષ્ઠ સંપાદક પૌલ નુચીએ WHOના સૂત્રને ટાંકીને જણાવ્યું હતું કે Nu અને Xi અક્ષરોનો ઉપયોગ ઈરાદાપૂર્વક કરવામાં આવ્યો નથી. તેણે કહ્યું, ‘New (જેનો અર્થ નવુ એવો થાય છે) શબ્દ સાથે મૂંઝવણ ટાળવા માટે Nu અક્ષર ટાળવામાં આવ્યો હતો. એક ક્ષેત્ર કલંકિત ન થાય તે માટે Xi નો ઉપયોગ કાઢી નાખવામાં આવ્યો હતો. જોકે, તેણે વિસ્તારનું નામ આપ્યું ન હતું. જો કે, તેમના ટ્વીટ દ્વારા સ્પષ્ટ થઈ ગયું કે તેઓ ચીન તરફ ઈશારો કરી રહ્યા છે.
A WHO source confirmed the letters Nu and Xi of the Greek alphabet had been deliberately avoided. Nu had been skipped to avoid confusion with the word “new” and Xi had been skipped to “avoid stigmatising a region”, they said.
All pandemics inherently political!
— Paul Nuki (@PaulNuki) November 26, 2021
આ પણ વાંચો: IBPS Clerk 2021 : CRP ક્લાર્ક-XI પ્રિલિમ પરીક્ષાનું એડમિટ કાર્ડ થયુ જાહેર, આ રીતે કરો ડાઉનલોડ
આ પણ વાંચો: IIT Delhi Placement 2021: IIT દિલ્હી વર્ચ્યુઅલ મોડ પ્લેસમેન્ટ ડ્રાઇવ 1 ડિસેમ્બરથી થશે શરૂ, જાણો સમગ્ર વિગતો
Published On - 6:34 pm, Sat, 27 November 21