International Women’s Day: આરોગ્ય પ્રધાન મનસુખ માંડવિયાએ 72 શ્રેષ્ઠ મહિલાઓનું સન્માન કર્યું, કોવિડ સમયગાળામાં ભજવી હતી મહત્વપૂર્ણ ભૂમિકા
આરોગ્ય મંત્રીએ જણાવ્યું હતું કે, આરોગ્ય ક્ષેત્રનો વિકાસ મહિલાઓના યોગદાન વિના અધૂરો છે. અમારા આશા અને ANM કાર્યકરો આરોગ્ય ક્ષેત્રના વિકાસના આધારસ્તંભ છે. અમારા આશા કાર્યકરો રાષ્ટ્રની સેવા માટે અથાક મહેનત કરી રહ્યા છે.
આંતરરાષ્ટ્રીય મહિલા દિવસે (International Women’s Day) સ્વાસ્થ્ય મંત્રી મનસુખ માંડવિયાએ (Mansukh Mandaviya) 72 શ્રેષ્ઠ મહિલાઓનું સન્માન કર્યું, કોવિડ સમયગાળામાં મહત્વની ભૂમિકા ભજવી હતી. કેન્દ્રીય મંત્રીએ દેશભરમાંથી 72 શ્રેષ્ઠ મહિલા કોવિડ વેક્સિનેટરનું સન્માન કર્યું. આંતરરાષ્ટ્રીય મહિલા દિવસના અવસરે, તેમણે કહ્યું કે ભારતે તમામ મહિલાઓની નિઃસ્વાર્થ સેવાને કારણે જ આ રોગચાળાનું સફળતાપૂર્વક સંચાલન કર્યું છે. આરોગ્ય મંત્રીએ જણાવ્યું હતું કે, આરોગ્ય ક્ષેત્રનો વિકાસ મહિલાઓના યોગદાન વિના અધૂરો છે. અમારા આશા અને ANM કાર્યકરો આરોગ્ય ક્ષેત્રના વિકાસના આધારસ્તંભ છે. અમારા આશા કાર્યકરો રાષ્ટ્રની સેવા માટે અથાક મહેનત કરી રહ્યા છે.
તેમણે કહ્યું કે, આ મહિલાઓ છેવાડાના વિસ્તારો સુધી પહોંચી રહી છે, મુશ્કેલ પ્રદેશને પાર કરી રહી છે, દરેક ઘરે જઈને ખાતરી કરી રહી છે કે દરેકને રસી આપવામાં આવે. હર ઘર દસ્તક ઝુંબેશ હેઠળ, આરોગ્ય પ્રધાને કહ્યું કે માન્યતા પ્રાપ્ત સામાજિક આરોગ્ય કાર્યકરો દરેક ઘરે પહોંચી અને રસીનો પ્રચાર કર્યો. તે જ સમયે, તેમણે કહ્યું કે જો આજે ભારત કોવિડ રસીકરણમાં વિશ્વમાં અગ્રેસર છે, તો તેનો શ્રેય દેશભરની અમારી મહિલા કાર્યકરોને જાય છે.
Delhi | Union Health Minister Mansukh Mandaviya felicitated the best women COVID-19 vaccinators from across the country on the occasion of International Women’s Day pic.twitter.com/rCLAhacQCr
— ANI (@ANI) March 8, 2022
આંતરરાષ્ટ્રીય મહિલા દિવસ પર, IAFની પ્રથમ મહિલા રાફેલ ફાઇટર પાઇલટ ફ્લાઇટ લેફ્ટનન્ટ શિવાંગી સિંહે પોતાનો અનુભવ શેર કર્યો છે. તેમણે કહ્યું કે સખત મહેનતનો પૂરો લાભ મળે છે. ફાઈટર પાઈલટ બનવાનો અનુભવ રોમાંચક અને સંતોષજનક રહ્યો છે. તેમણે સમજાવ્યું કે લડાઇ તાલીમ અઘરી હતી. મને મારા પુરૂષ સાથીદારોની જેમ જ તાલીમ આપવામાં આવી છે.
શિવાંગી સિંહે ભારતીય વાયુસેનાની રાફેલ સ્ક્વોડ્રનની પ્રથમ મહિલા ફાઈટર પાઈલટ બનવાનું ગૌરવ પ્રાપ્ત કર્યું છે. પ્રજાસત્તાક દિવસની પરેડમાં વાયુસેનાની ઝાંખીનો ભાગ બનનાર તે બીજી મહિલા ફાઈટર પાઈલટ છે.
Experience of becoming a fighter pilot has been thrilling & satisfying. The fighter training was tough. High-end technology absorption required that I work hard. I’ve been trained exactly like my male colleagues:IAF’s first female Rafale fighter pilot Flt Lt Shivangi Singh to ANI pic.twitter.com/1a38kPTBXa
— ANI (@ANI) March 8, 2022
આ પણ વાંચો : Budget Session: બજેટ સત્રનો બીજો તબક્કો 14 માર્ચથી શરૂ થશે, સવારે 11 વાગ્યાથી શરૂ થશે સંસદના બંને ગૃહોની કાર્યવાહી
