Corona In Bollywood: સિંગર બપ્પી લહેરી થયા કોરોના પોઝિટિવ, હોસ્પિટલમાં કરાયા દાખલ

Corona In Bollywood: આમીર ખાણ, કાર્તિક આર્યન, રણબીર કપૂર બાદ હવે બપ્પી લહેરી પણ કોરોના પોઝિટિવ હોવાનું જાણવા મળ્યું છે.

  • tv9 webdesk37
  • Published On - 12:24 PM, 1 Apr 2021
Corona In Bollywood: સિંગર બપ્પી લહેરી થયા કોરોના પોઝિટિવ, હોસ્પિટલમાં કરાયા દાખલ
બપ્પી લહેરી

બોલિવૂડ સિંગર અને કમ્પોઝર બપ્પી લહેરી કોરોના પોઝિટિવ હોવાનું જાણવા મળ્યું છે. તેમને મુંબઈની એક હોસ્પિટલમાં દાખલ કરવામાં આવ્યા છે. બપ્પીની પુત્રી રીમા લહેરીએ એક નિવેદન બહાર પાડીને આ માહિતી આપી હતી. કે સિંગર બપ્પી લહેરી કોરોના સંક્રમિત છે.

બપ્પી લહેરી હોસ્પિટલમાં દાખલ

બહાર પડાયેલા નિવેદનમાં લખ્યું હતું- બપ્પી દા ભારે સાવચેતી રાખે છે પરંતુ તેનામાં હળવા કોવિડ લક્ષણો જોવા મળ્યા છે. તેમની ઉંમરને કારણે સાવચેતી તરીકે ડો.ઉડવાડિયાની દેખરેખ હેઠળ તેમને બ્રીચ કેન્ડી હોસ્પિટલમાં દાખલ કરવામાં આવ્યા છે. તેઓ ટૂંક સમયમાં સ્વસ્થ થઈને ઘરે જશે. તેમના માટે હંમેશા પ્રાર્થના કરવા બદલ આભાર.

બપ્પી લહેરીએ બોલિવૂડમાં ખૂબ લાંબી ઇનિંગ્સ રમી છે. તેમણે 500 થી વધુ ગીતોની રચના કરી છે. બપ્પી લહેરીનાં ગીતો ચાહકોમાં ખૂબ જ પ્રખ્યાત છે. પોપ મ્યુઝિકને બોલિવૂડનો મહત્વપૂર્ણ ભાગ બનાવવાનો શ્રેય બપ્પી લાહિરીને પણ જાય છે. પરંતુ બપ્પી લહેરી માત્ર ગીત ગાવાના કારણે જ નહીં, સાથે સાથે ઘણું સોનું પહેરવાના કારણે પણ ચર્ચામાં હોય છે.

ઘણા સ્ટાર્સ આવ્યા છે કોરોનાની ઝપેટમાં

ચાલો તમને જણાવી દઈએ કે કોરોના વાયરસના કેસો દિવસેને દિવસે વધી રહ્યા છે. બોલિવૂડ ઇન્ડસ્ટ્રીના ઘણા સ્ટાર્સ પણ કોરોનાનો ભોગ બની ગયા છે. કાર્તિક આર્યન, આમિર ખાન, સતિષ કૌશિક, રણબીર કપૂર, સંજય લીલા ભણસાલી, અમિતાભ બચ્ચન જેવા ઘણા સ્ટાર્સ કોરોનાની પકડમાં આવી ગયા છે.

આ કારણોસર તેની અસર શૂટિંગ પર પણ જોવા મળી રહી છે. કાર્તિક આર્યનની ફિલ્મ ‘ભુલ ભુલૈયા 2’ નું શૂટિંગ હજી યથાવત્ છે. તે જ સમયે, રિયાલિટી શો ડાન્સ દિવાના 18 ક્રૂ મેમ્બર્સ પણ કોરોના પોઝિટિવ હોવાનું જાણવા મળ્યું હતું. ફિલ્મ ચેહરેની રજૂઆત પણ મોકૂફ રાખવામાં આવી છે.