Corona case update: ભારતમાં એક જ દિવસમાં કોરોનાના નવા 18257 કેસ નોંધાયા, એક્ટિવ કેસમાં ચિંતાજનક વધારો, આંકડો 128690 પર પહોંચ્યો
Corona Update: ભારતમાં કોરોના વાયરસની ઝડપમાં સતત વધારો થઈ રહ્યો છે. છેલ્લા 24 કલાકમાં કોરોનાના 18257 નવા કેસ નોંધાયા છે. સારી વાત એ છે કે આ સમયગાળા દરમિયાન 14553 લોકોએ આ બીમારીને હરાવવામાં સફળતા મેળવી છે.
ભારતમાં કોરોના વાયરસના (Corona Virus) કેસમા ઝડપથી વધારો થઈ રહ્યો છે. છેલ્લા 24 કલાકમાં કોરોનાના 18257 નવા કેસ નોંધાયા છે. સારી વાત એ છે કે આ સમયગાળા દરમિયાન 14553 લોકોએ આ બીમારીને હરાવવામાં સફળતા મેળવી છે. માહિતી અનુસાર, દેશમાં સક્રિય દર્દીઓની સંખ્યા (Corona Active Cases) હવે વધીને 1,28,690 થઈ ગઈ છે, કોરોનાના સક્રીય કેસની સંખ્યાને કારણે ચોક્કસપણે ચિંતામાં વધારો કર્યો છે. દેશમાં એક દિવસમાં કોવિડ-19ના 18,257 નવા કેસ સામે આવતાં,સંક્રમણના કુલ કેસોની સંખ્યા વધીને 4,36,22,651 થઈ ગઈ છે, જ્યારે વધુ 42 સંક્રમિતોના મૃત્યુ થવાને કારણે દેશમાં કોરોનાનો કુલ મૃત્યુઆંક 5,25,428 પર પહોંચી ગયો છે.
કેન્દ્રીય સ્વાસ્થ્ય મંત્રાલયના આંકડા અનુસાર, સારવાર લઈ રહેલા દર્દીઓની સંખ્યામાં 3,662 કેસ નોંધાયા છે. સારવાર લઈ રહેલા દર્દીઓની સંખ્યા ચેપના કુલ કેસના 0.30 ટકા છે, જ્યારે કોવિડ-19માંથી સાજા થવાનો રાષ્ટ્રીય દર 98.50 ટકા છે. આરોગ્ય મંત્રાલયના ડેટા અનુસાર, ચેપનો દૈનિક દર 4.22 ટકા નોંધાયો છે જ્યારે સાપ્તાહિક ચેપ દર 4.08 ટકા છે.
દેશમાં અત્યાર સુધીમાં 198.76 કરોડ ડોઝ આપવામાં આવ્યા
આ રોગમાંથી સાજા થનારા લોકોની સંખ્યા વધીને 4,29,68,533 થઈ ગઈ છે, જ્યારે મૃત્યુ દર 1.20 ટકા છે. દેશવ્યાપી કોવિડ-19 વિરોધી રસીકરણ અભિયાન હેઠળ, અત્યાર સુધીમાં 198.76 કરોડ ડોઝ આપવામાં આવ્યા છે. નોંધપાત્ર રીતે, 7 ઓગસ્ટ 2020ના રોજ દેશમાં સંક્રમિત લોકોની સંખ્યા 20 લાખ હતી, 23 ઓગસ્ટ 2020ના રોજ 30 લાખ અને 5 સપ્ટેમ્બર 2020ના રોજ 40 લાખથી વધુ થઈ ગઈ હતી.
દેશમાં કોરોનાના કેસ આ રીતે વધી રહ્યા છે
કોરોના સંક્રમણના કુલ કેસ 16 સપ્ટેમ્બર 2020ના રોજ 50 લાખ, 28 સપ્ટેમ્બર 2020ના રોજ 60 લાખ, 11 ઓક્ટોબર 2020ના રોજ 70 લાખ, 29 ઓક્ટોબર 2020ના રોજ 80 લાખ અને 20 નવેમ્બરના રોજ 90 લાખને વટાવી ગયા હતા. 19 ડિસેમ્બર 2020 ના રોજ, દેશમાં આ કેસ એક કરોડને વટાવી ગયા હતા. ગયા વર્ષે, 4 મેના રોજ, સંક્રમિતોની સંખ્યા 20 મિલિયનને વટાવી ગઈ હતી અને 23 જૂન, 2021 ના રોજ, તે 30 મિલિયનને વટાવી ગઈ હતી. આ વર્ષે 25 જાન્યુઆરીએ કેસ ચાર કરોડને વટાવી ગયો હતો.
Latest News Updates
