નેશનલ ટેસ્ટિંગ એજન્સી (National Testing Agency, NTA) એ ડિસેમ્બર 2020 અને જૂન 2021 સાયકલ માટે UGC NET પરીક્ષાની તારીખો બદલી છે. NTAએ સત્તાવાર વેબસાઇટ ugcnet.nta.nic.in પર પરીક્ષાનું સુધારેલું સમયપત્રક જાહેર કર્યું છે. UGC NETની પરીક્ષા હવે 6 થી 8 અને 17 થી 19 ઓક્ટોબર દરમિયાન લેવામાં આવશે. અગાઉ આ પરીક્ષા 6 થી 11 ઓક્ટોબર દરમિયાન યોજાવાની હતી.
NTAએ તેની એક નોટિસમાં જણાવ્યું હતું કે, “એજન્સીને વિદ્યાર્થી સમુદાય તરફથી જાણવા મળ્યું છે કે, 10 ઓક્ટોબરની પરીક્ષાની તારીખ કેટલીક મોટી પરીક્ષાઓ સાથે ટકરાઈ રહી છે. સહભાગીતા સુનિશ્ચિત કરવા અને તેમને પડતી મુશ્કેલીઓ દૂર કરવા માટે યુજીસી-નેટ ડિસેમ્બર 2020 અને જૂન 2021 સાયકલની અમુક તારીખોને ફરીથી સુનિશ્ચિત કરવાનો નિર્ણય લેવામાં આવ્યો છે.
UGC NET 2021 પરીક્ષા માટે નોંધણી પ્રક્રિયા ટૂંક સમયમાં પૂર્ણ થવા જઈ રહિ છે. નેશનલ ટેસ્ટિંગ એજન્સી (NTA) 5 સપ્ટેમ્બર, 2021ના રોજ UGC NET માટે અરજી પ્રક્રિયા બંધ કરશે. જે ઉમેદવારોએ હજુ સુધી આ પરીક્ષા માટે નોંધણી કરાવી નથી તેમણે 5 સપ્ટેમ્બર સુધી સત્તાવાર વેબસાઇટ ugcnet.nta.nic.in પર જઈને નોંધણી કરાવી લેવી જોઈએ.
પરીક્ષા ફી જમા કરવાની છેલ્લી તારીખ 6 સપ્ટેમ્બર છે. તે જ સમયે, એપ્લિકેશનમાં સુધારા કરવા માટે 7 થી 12 સપ્ટેમ્બર સુધી વિન્ડો ખોલવામાં આવશે. આ દરમિયાન તમામ ઉમેદવારો તેમના અરજી ફોર્મમાં થયેલી કોઈપણ ભૂલોને સુધારી શકશે. ઉમેદવારો નીચે આપેલા આ સરળ સ્ટેપની મદદથી UGC NET પરીક્ષા માટે નોંધણી કરાવી શકે છે.
UGC NET 2021 Registration: આ સ્ટેપ્સ દ્વારા કરો રજિસ્ટ્રેશન
અરજી ફી
અરજી કરવા માટે જનરલ કેટેગરીના ઉમેદવારોને 1000 રૂપિયા અને ઓબીસી, ઇડબલ્યુએસ જેવા અનામત કેટેગરીના ઉમેદવારોને 500 રૂપિયા ચૂકવવા પડશે. આ સિવાય એસસી, એસટી અને ટ્રાન્સજેન્ડર કેટેગરીના ઉમેદવારોએ 250 રૂપિયાની અરજી ફી ચૂકવવી પડશે.
Published On - 3:40 pm, Fri, 3 September 21