UGC NET 2021 result: UGC નેટ પરિણામ આજે થશે જાહેર! જાણો ક્યારે અને કેવી રીતે તપાસવું પરિણામ

UGC NET result 2021-22: UGC NET પરિણામ આજે, ગુરુવાર ફેબ્રુઆરી 17, 2022 ના રોજ જાહેર થઈ શકે છે. યુનિવર્સિટી ગ્રાન્ટ્સ કમિશન (UGC) દ્વારા 16 ફેબ્રુઆરીએ જાહેર કરાયેલ નોટિસ અનુસાર, યુજીસી નેટ પરિણામની તારીખ 17 અથવા 18 ફેબ્રુઆરી આપવામાં આવી છે. NTA NET પરિણામની તારીખની સૂચના UGC ના ટ્વિટર હેન્ડલ @ugc_india પર શેર કરવામાં આવી હતી. જેમાં યુજીસીના ચેરમેન પ્રોફેસર એમ જગદેશ કુમારને ટાંકીને કહેવામાં આવ્યું છે કે, આગામી એકથી બે દિવસમાં UGC નેટનું પરિણામ જાહેર કરવાના તમામ પ્રયાસો કરવામાં આવશે. ડિસેમ્બર 2021માં લેવાયેલી નેશનલ એલિજિબિલિટી ટેસ્ટના બે ચક્રના પરિણામો એકસાથે જાહેર કરવામાં આવશે.

UGC NET ડિસેમ્બર 2020 પરિણામ અને UGC NET જૂન 2021 પરિણામ (UGC NET december 2020 result) નેશનલ ટેસ્ટિંગ એજન્સી એટલે કે, NTA દ્વારા એકસાથે જાહેર કરવામાં આવશે. પરિણામ જાહેર થયા પછી, પરિણામ તપાસવા માટેની લિંક NTA NET (NTA) ugcnet.nta.nic.in ની વેબસાઇટ પર સક્રિય થશે.

આ વેબસાઇટ્સ પર પરિણામ ચકાસો

UGC NET પરિણામ NTA અને NET બંનેની વેબસાઇટ પર જાહેર કરવામાં આવશે. પરિણામ યુજીસીની વેબસાઈટ પર પણ જાહેર કરવામાં આવશે. તમે આ વેબસાઇટ્સ પર UGC NET પરિણામ અપડેટ્સ શોધી શકો છો.

nta.ac.in ugc.ac.in ugcnet.nta.nic.in (પરિણામ તપાસવા માટેની લિંક આ વેબસાઇટ પર સક્રિય રહેશે)

યુજીસી નેટ પરિણામ કેવી રીતે તપાસવું

UGC NET ની વેબસાઇટ ugcnet.nta.nic.in ની મુલાકાત લો. હોમ પેજ પર તમને UGC NET પરિણામ ડિસેમ્બર 2020 અને UGC NET પરિણામ જૂન 2021ની અલગ અલગ લિંક્સ મળશે. તમે જે પરીક્ષાનું પરિણામ જોવા માંગો છો તેના પર ક્લિક કરો. નવું પેજ ખુલશે. તમારો UGC NET રોલ નંબર, પાસવર્ડ અને સુરક્ષા કોડ દાખલ કરીને અહીં લોગ ઇન કરો. તમારું સ્કોરકાર્ડ સ્ક્રીન પર હશે. તેને ડાઉનલોડ કરો અને પ્રિન્ટ લો અને તેને સુરક્ષિત રાખો.

પરીક્ષા ક્યારે લેવામાં આવી હતી?

કોવિડ રોગચાળાને કારણે, UGC NET ડિસેમ્બર 2020 અને UGC NET જૂન 2021 બંને પરીક્ષાઓ તેમના પૂર્વ નિર્ધારિત સમય પર યોજાઈ શકી નથી. નવેમ્બર 2021થી જાન્યુઆરી 2022 દરમિયાન બંને ચક્ર માટેની પરીક્ષાઓ એકસાથે લેવામાં આવી હતી. NTA એ 20 નવેમ્બર 2021 થી 05 જાન્યુઆરી 2022 સુધી પરીક્ષાઓનું આયોજન કર્યું હતું. યુજીસી નેટ પરીક્ષા દેશના 239 શહેરોમાં કુલ 81 વિષયો માટે 837 કેન્દ્રો પર લેવામાં આવી હતી.

યુજીસી નેટ પરીક્ષા માટે 12 લાખથી વધુ ઉમેદવારોએ નોંધણી કરાવી હતી. પરીક્ષામાં હાજર રહેલા ઉમેદવારો પરિણામ જાહેર થયા પછી ugcnet.nta.nic.in પર જઈને તેમનું પરિણામ જોઈ શકશે.

આ પણ વાંચો: Infosys મોટી સંખ્યામાં ભરતી કરશે, 55 હજારથી વધુ ફ્રેશર્સને રોજગાર આપવાની તૈયારી

આ પણ વાંચો: JEE Mains 2022: આ વર્ષે ચાર વખત નહીં લેવાય JEE મેઈન્સ પરીક્ષા, માત્ર બે જ પ્રયાસ મળશે? વાંચો નવીનતમ અપડેટ