NEET PG 2021 માટે રજિસ્ટ્રેશન અને સુધારણા માટેની છેલ્લી તારીખ લંબાવવામાં આવી, આ રીતે કરો અરજી
નેશનલ બોર્ડ ઓફ એક્ઝામિનેશન્સએ NEET PG 2021 રજિસ્ટ્રેશન અને કરેક્શન વિન્ડોને 25 ઓગસ્ટ, 2021 સુધી લંબાવ્યું છે.
નેશનલ બોર્ડ ઓફ એક્ઝામિનેશન્સ, NBE(National Board of Examinations)એ NEET PG 2021 રજિસ્ટ્રેશન અને કરેક્શન વિન્ડોને 25 ઓગસ્ટ, 2021 સુધી લંબાવ્યું છે. જે ઉમેદવારોએ હજુ સુધી રાષ્ટ્રીય લાયકાત કમ એન્ટ્રન્સ ટેસ્ટ માટે નોંધણી કરાવી નથી તેઓ NBEની સત્તાવાર સાઇટ natboard.edu.in પર ઓનલાઇન અરજી કરી શકે છે.
નોંધણી લિંક 16મી ઓગસ્ટના રોજ સક્રિય કરવામાં આવી હતી. સત્તાવાર નોટિસમાં લખવામાં આવ્યું છે કે, “NEET PG 2021 માટે રજિસ્ટ્રેશન વિન્ડો અને એડિટ વિન્ડો 25.08.2021 (11:55 PM) સુધી લંબાવવામાં આવી છે.”
NEET-PG 2021 પરીક્ષા માટે પહેલેથી જ નોંધાયેલા ઉમેદવારો દ્વારા એડિટ વિન્ડોનો ઉપયોગ કરી શકાય છે. જો તેઓ આવું કરવા ઈચ્છે તો આ વિન્ડો દરમિયાન તેઓ તેમની કેટેગરી અને EWS સ્ટેટસ બદલી શકે છે. વિન્ડો અરજી ફોર્મમાં પહેલેથી જ આપવામાં આવેલી અન્ય માહિતીમાં ફેરફાર કરવાની મંજૂરી આપશે નહીં. રજિસ્ટ્રેશન વિન્ડો અને કરેક્શન વિન્ડો ફરી ખોલવાનો નિર્ણય ઘણા ઉમેદવારોની માંગને ધ્યાનમાં રાખીને લેવામાં આવ્યો છે. જેથી કેન્દ્ર સરકારે નક્કી કરેલા નવા આરક્ષણ નિયમો હેઠળ ફેરફાર કરી શકાય.
NEET PG 2021 પરીક્ષા માટે કેવી રીતે નોંધણી કરવી:
રસ ધરાવતા અને લાયક વિદ્યાર્થીઓ નીચે આપેલા સ્ટેપથી રજિસ્ટ્રેશન કરાવી શકે છે.
સ્ટેપ 1: સત્તાવાર વેબસાઇટ nbe.edu.inની મુલાકાત લો.
સ્ટેપ 2: વેબસાઇટ પર આપવામાં આવેલી રજિસ્ટ્રેશન માટેની લિંક પર ક્લિક કરો.
સ્ટેપ 3: તેના પર ક્લિક કરીને, નવા રજિસ્ટ્રેશનના વિકલ્પ પર જાઓ. આમાં તમારા મોબાઇલ નંબર અથવા ઇમેઇલની મદદથી રજીસ્ટર કરો.
સ્ટેપ 4: હવે તમને મેસેજ દ્વારા રજિસ્ટ્રેશન નંબર અને પાસવર્ડ મળશે.
સ્ટેપ 5: હવે રજિસ્ટ્રેશન નંબર અને પાસવર્ડથી લોગઈન કરો.
સ્ટેપ 6: બધી વિનંતી કરેલી માહિતી સબમિટ કરો.
સ્ટેપ 7: ફોટો અપલોડ કરો અને સહી અપલોડ કરો.
સ્ટેપ 8: હવે અરજી ફી ચૂકવો.
સ્ટેપ 9: બધી પ્રક્રિયા પૂર્ણ કર્યા પછી અરજીની પ્રિન્ટ લેવાનું ભુલશો નહીં.
NEET MDS કાઉન્સેલિંગ આજથી શરૂ
NEET-MDS પ્રવેશ માટે કાઉન્સેલિંગ આજથી શરૂ થશે. કાઉન્સેલિંગ 20 ઓગસ્ટથી 10 ઓક્ટોબર 2021 દરમિયાન હાથ ધરવામાં આવશે. સત્તાવાર વેબસાઇટ- mcc.nic.in પર જઈને NEET-MDS કાઉન્સેલિંગ માટે ઓનલાઈન રજીસ્ટ્રેશન કરી શકાય છે. એમસીસી દ્વારા જારી કરવામાં આવેલા શેડ્યૂલ મુજબ, રાઉન્ડ 1 નોંધણી પ્રક્રિયા 24 ઓગસ્ટ 2021ના રોજ સમાપ્ત થશે.
21 ઓગસ્ટથી 24 ઓગસ્ટ સુધી રજીસ્ટ્રેશન પ્રક્રિયાની ચોઈસ ફિલિંગ અથવા લોક કરવાનું રહેશે. સીટ ફાળવણીની પ્રક્રિયા 25 ઓગસ્ટથી 26 ઓગસ્ટ સુધી ચાલશે. પરિણામ 27 ઓગસ્ટ 2021ના રોજ જાહેર કરવામાં આવશે. ઉમેદવારોએ 28 ઓગસ્ટથી 1 સપ્ટેમ્બર વચ્ચે ફાળવેલ કોલેજમાં જાણ કરવી જરૂરી રહેશે.