સ્ટીલ ઓથોરિટી ઓફ ઇન્ડિયા(Steel Authority of India -SAIL )એ ટ્રેઇની પોસ્ટ(SAIL Trainee Recruitment 2022) માટે અરજીઓ આમંત્રિત કરી છે. આ જગ્યાઓ ભરવા માટે જોબ નોટિફિકેશન બહાર પાડવામાં આવ્યું છે. આ જગ્યાઓ માટે અરજી કરવાની પાત્રતા ધરાવતા તમામ ઉમેદવારો અરજી કરી શકે છે. અરજી ફોર્મ ભરવાની પ્રક્રિયા 5 ઓગસ્ટથી શરૂ થશે. અરજી કરવાની છેલ્લી તારીખ 20 ઓગસ્ટ છે. SAIL ની ભરતી માટે રજીસ્ટ્રેશન ઓનલાઈન કરવામાં આવશે. અરજી કરવા માટે, ઉમેદવારોએ igh.sailrsp.co.in ની મુલાકાત લેવાની રહેશે. જ્યાં અરજી ફોર્મ ભરવાની તમામ માહિતી આપવામાં આવી છે. આ ભરતી અભિયાન હેઠળ કુલ 200 જગ્યાઓ ભરવામાં આવશે.
SAIL ટ્રેઈનીની પોસ્ટ માટે અરજી કરનારા ઉમેદવારો સંબંધિત વિષયમાં ડિગ્રી અથવા ડિપ્લોમા ધરાવતા હોવા જોઈએ. શૈક્ષણિક લાયકાત સંબંધિત વધુ માહિતી માટે કૃપા કરીને ભરતી નોટિફિકેશન વાંચવું જોઈએ. અરજી કરતા પહેલા કૃપા કરીને તમારી યોગ્યતા તપાસો અન્યથા અરજીપત્રકો સ્વીકારવામાં આવશે નહીં. 5 ઓગસ્ટથી ભરતી માટે અરજી કરવાની પ્રક્રિયા શરૂ થઈ રહી છે ઉમેદવારો પાસે હજુ ઘણો સમય છે.
તાલીમાર્થીની જગ્યા પર ભરતી માટે ઉમેદવારોની પસંદગી ઇન્ટરવ્યુના આધારે કરવામાં આવશે. પાત્ર ઉમેદવારોએ નિર્ધારિત તારીખે ઇન્ટરવ્યુ માટે હાજર રહેવું પડશે. ઇન્ટરવ્યુના સ્થળ, સમય અને તારીખ સંબંધિત માહિતી ઉમેદવારોને તેમના રજિસ્ટર્ડ મોબાઇલ નંબર પર મોકલવામાં આવશે. આ સાથે, ઇન્ટરવ્યુ શેડ્યૂલ પણ કંપનીની વેબસાઇટ પર જાહર થશે.
Published On - 8:41 am, Wed, 3 August 22