RRB, Railway Jobs: 10 પાસ માટે અઢળક નોકરીની તકો, પરીક્ષા વિના નોકરી મળશે, આવતીકાલે અરજી કરવાની છેલ્લી તારીખ છે

સરકારી નોકરી (Sarkari Naukri 2021)ની શોધતા લોકો માટે રેલ્વેમાં ઘણી જગ્યાઓ માટે નોકરીની તકો. ઉત્તર મધ્ય રેલ્વે (North Central Railway, NRC)દ્વારા જાહેરકરેલ ટ્રેડ એપ્રેન્ટિસની 480 જગ્યાઓની ભરતી માટે અરજી કરવાની કાલે છેલ્લી તારીખ છે. આ જગ્યાઓ ફિટર (ગેસ અને ઇલેક્ટ્રિક), મિકેનિક (DSL),સુથાર ઇલેક્ટ્રિક માટે રહેશે. આ ખાલી જગ્યાની વિશેષ બાબત એ છે કે આ માટે કોઈ પરીક્ષા અથવા ઇન્ટરવ્યૂ નહીં હોય. આ ભરતી દસમા ધોરણ અને આઈટીઆઈના ગુણના આધારે થશે. આ ગુણના આધારે મેરીટલીસ્ટ બનાવવામાં આવશે. આ મેરીટલીસ્ટના આધારે ઉમેદવારોની પસંદગી કરવામાં આવશે. રસ ધરાવતા ઉમેદવારો Mponline.gov.in ની મુલાકાત લઈને ઓનલાઇન અરજી કરો. અરજી કરતા પહેલા ઉમેદવારએ apprenticeshipindia.org પર રજીસ્ટર હોવુ જોઈએ

પોસ્ટ્સની કુલ સંખ્યા
480 પોસ્ટ્સ

લાયકાત
ટ્રેડ એપ્રેન્ટિસની જગ્યાઓ માટે અરજી કરવા માટે ઉમેદવારોએ કોઈપણ માન્ય બોર્ડ અથવા ઇન્સ્ટિટ્યૂટમાંથી 50% માર્કસ સાથે 10 માં પાસ થવું જરૂરી છે. આ સાથે, આઈટીઆઈ (ITI)નું પ્રમાણપત્ર હોવું જોઈએ.

વય મર્યાદા
આ પોસ્ટ્સ પર અરજી કરતા ઉમેદવારોની વય 15 વર્ષથી વધુ અને વય 24 વર્ષથી ઓછી હોવી જોઈએ. વયની ગણતરી 5 માર્ચ 2021 થી નક્કી કરવામાં આવશે. જણાવી દઈએ કે મહત્તમ વયમર્યાદામાં ઓબીસી કેટેગરી માટે 3 વર્ષ, એસસી / એસટી વર્ગના ઉમેદવારો માટે 5 વર્ષ અને દિવ્યાંગ લોકોને ૧૦ વર્ષ છૂટ આપવામાં આવશે.

કેવી રીતે અરજી કરવી
ઉત્તર મધ્ય રેલ્વે (North Central Railway, NRC) દ્વારા જારી કરાયેલ ટ્રેડ એપ્રેન્ટિસ(Trade Apprentice)ની 480 જગ્યાઓ માટે અરજી કરવા માટે સૌ પ્રથમ સત્તાવાર વેબસાઇટ mponline.gov.in ની મુલાકાત લો આ પછી હોમ પેજ પર નોંધણી માટેની લિંક પર ક્લિક કરો. નોંધણી પછી આવેદનપત્ર ભરી શકાય છે. એપ્લિકેશન સૂચના કાળજીપૂર્વક વાંચો. આવેદનપત્રમાં કોઈ ભૂલ થાય તો ફોર્મ નામંજૂર કરવામાં આવશે.