કંપની કેવી રીતે પકડે છે કે તેના કર્મચારીઓને બીજી જગ્યાએ ચોરીથી પાર્ટટાઇમ નોકરીનું કામ કરતા ?

એવું લાગે છે કે મૂનલાઇટિંગની(Moonlighting ) ચર્ચા ટૂંક સમયમાં સમાપ્ત થવાની નથી. ભારતની ટોચની IT કંપનીઓને ચિંતા છે કે તેમના કર્મચારીઓ અન્યત્ર (job) પણ કામ કરી રહ્યા છે. તાજેતરમાં જ વિપ્રોએ 300 કર્મચારીઓને મૂનલાઇટિંગના કારણે કાઢી મૂક્યા છે. વિપ્રોમાં કામ કરવા ઉપરાંત આ તમામ કર્મચારીઓ અન્ય સ્થળોએ પણ તેમની સેવાઓ આપી રહ્યા હતા. પરંતુ આવી સ્થિતિમાં સવાલ એ થાય છે કે કંપનીઓને કેવી રીતે ખબર પડી કે તેમના કર્મચારીઓ અન્ય જગ્યાએ કામ કરી રહ્યા છે ?

જોકે, આ પ્રશ્નનો જવાબ એટલો મુશ્કેલ નથી. મીડિયા રિપોર્ટ્સ અનુસાર, વિપ્રોએ એમ્પ્લોઇઝ પ્રોવિડન્ટ ફંડ (EPF)ના એમ્પ્લોયર્સ પોર્ટલ પરથી યુનિવર્સલ એકાઉન્ટ નંબર (UAN) દ્વારા તેમના કર્મચારીઓમાંથી ક્યા કર્મચારીઓને ચોરી છુપીથી નોકરી કરી રહ્યા છે તે જાણ્યું. જોકે, હજુ સુધી આ મામલે વિપ્રો તરફથી કોઈ સત્તાવાર નિવેદન આવ્યું નથી.

તે જ સમયે, રાજીવ મહેતા નામના ટ્વિટર યુઝરે સંભવિત રીતો વિશે જણાવ્યું છે જેના દ્વારા વિપ્રોએ મૂનલાઇટિંગ કરી રહેલા કર્મચારીઓને શોધી કાઢ્યા હશે. મહેતા, જે સામાન્ય રીતે શેરબજાર પર ટિપ્સ આપે છે, તેણે સરળ શબ્દોમાં સમજાવ્યું છે કે કેવી રીતે વિપ્રોને શ્રેણીબદ્ધ ટ્વીટ્સમાં 300 કર્મચારીઓની મૂનલાઇટિંગ વિશે જાણવા મળ્યું. રાજીવ મહેતાના ટ્વીટ વાયરલ થયા છે અને લોકોએ તેમના પર વિવિધ કોમેન્ટ્સ કરી છે.

તમને મૂનલાઇટિંગ વિશે કેવી રીતે ખબર પડી?

મહેતાએ ટ્વીટ કર્યું, ‘300 વિપ્રોના કર્મચારીઓને નોકરીમાંથી કાઢી મૂકવામાં આવ્યા. કારણ કે તેઓ એક સાથે બીજી કંપનીમાં કામ કરી રહ્યા હતા અને ઘરેથી કામનો ફાયદો ઉઠાવી રહ્યા હતા. ડિજિટલ ઈન્ડિયાએ આ લોકોને કેવી રીતે સચોટ રીતે શોધી કાઢ્યા તે ખૂબ જ આશ્ચર્યજનક છે. ભારતમાં આ માટે એક સરસ વ્યવસ્થા છે.’ તેમણે જણાવ્યું કે મૂનલાઇટિંગ શું છે અને પીએફ એકાઉન્ટ કેવી રીતે ફરજિયાત છે. મહેતાએ એ પણ જણાવ્યું કે કેવી રીતે બે અલગ-અલગ પીએફ એકાઉન્ટ બનાવવું શક્ય નથી.

તેમણે વધુમાં કહ્યું કે, ‘સરકારે PF યોગદાન સતત જમા કરાવવું ફરજિયાત બનાવ્યું છે અને તેના ઉલ્લંઘનને ગંભીર અપરાધ ગણવામાં આવે છે. પગાર ખાતું ખોલવા માટે આધાર નંબર અને પાન નંબર જરૂરી છે. આ બંનેનો ઉપયોગ પીએફ ડિપોઝીટ માટે પણ થાય છે. કંપનીઓ તેનો ઉપયોગ પૃષ્ઠભૂમિ તપાસ માટે પણ કરે છે.