NEET UG 2021 Counselling: નેશનલ મેડિકલ કમિશન (National Medical Commission, NMC) એ રાજ્ય ક્વોટાની બેઠકો માટે સંબંધિત રાજ્ય કાઉન્સેલિંગ અધિકારિઓ દ્વારા હાથ ધરવામાં આવનાર NEET UG 2021 માટે કાઉન્સેલિંગ શેડ્યૂલ બહાર પાડ્યું છે. જણાવી દઈએ કે, મેડિકલ કાઉન્સેલિંગ કમિટી (MCC) દ્વારા ગ્રેજ્યુએશન મેડિકલ કોર્સમાં પ્રવેશ માટે 15% ઓલ ઈન્ડિયા ક્વોટા સીટો માટે ઓનલાઈન કાઉન્સેલિંગ કરવામાં આવશે. NEET UG 2021 કાઉન્સેલિંગ અંગે NMC દ્વારા બહાર પાડવામાં આવેલા શેડ્યૂલ મુજબ, કેન્દ્રીય સંસ્થાઓ અને AIQ બેઠકો માટે કાઉન્સિલિંગનો પ્રથમ તબક્કો MCC દ્વારા 19 જાન્યુઆરીથી 28 જાન્યુઆરી દરમિયાન હાથ ધરવામાં આવનાર છે. રાજ્યોમાં UG કાઉન્સેલિંગ 27 જાન્યુઆરીથી 31 જાન્યુઆરી, 2022 સુધી પૂર્ણ કરવાનું રહેશે.
આ પછી કેન્દ્રીય બેઠકો માટે 4 ફેબ્રુઆરી સુધી અને રાજ્યની બેઠકો માટે 7 ફેબ્રુઆરી સુધી જોડાવાનું રહેશે. NMC દ્વારા બહાર પાડવામાં આવેલ NEET UG કાઉન્સિલિંગ 2021-22 મુજબ, MCC દ્વારા 9 ફેબ્રુઆરીથી 18 ફેબ્રુઆરી દરમિયાન બીજા તબક્કાનું કાઉન્સિલિંગ પૂર્ણ કરવું પડશે.
કાઉન્સેલિંગના બીજા રાઉન્ડ પછી ઉમેદવારોએ 26 ફેબ્રુઆરી સુધીમાં જોઈન કરવાનું રહેશે. તે જ સમયે, રાજ્ય ક્વોટાની બેઠકો માટે બીજા તબક્કાનું કાઉન્સેલિંગ 15 થી 18 ફેબ્રુઆરી, 2022 દરમિયાન યોજાશે અને ઉમેદવારોએ 24 ફેબ્રુઆરી સુધીમાં તેમાં જોડાવવાનું રહેશે.
NMC દ્વારા બહાર પાડવામાં આવેલ સમયપત્રક જોવા માટે આ લિંક પર ક્લિક કરો.
મેડિકલ કાઉન્સેલિંગ કમિટી (MCC) આજે, 17 જાન્યુઆરી, 2022 ના રોજ NEET PG કાઉન્સેલિંગ 2021 ના રાઉન્ડ 1 માટે નોંધણી પ્રક્રિયા બંધ કરશે. લાયક ઉમેદવારો સત્તાવાર વેબસાઇટ mcc.nic પર NEET PG કાઉન્સેલિંગ 2021 રાઉન્ડ 1 માટે પોતાને નોંધણી કરાવી શકે છે.