Career Success Story : માતા-પુત્રની જોડીને સલામ ! એ જ એકેડેમીમાંથી લીધી તાલીમ, માતા મેજર તો પુત્ર લેફ્ટનન્ટ

સંરક્ષણ મંત્રાલયના (Ministry of Defence) પબ્લિક રિલેશન્સ ડિરેક્ટોરેટ હેઠળના પબ્લિક રિલેશન્સ, ચેન્નાઈના સત્તાવાર એકાઉન્ટ દ્વારા એક ટ્વિટ શેર કરવામાં આવી છે. આ ટ્વિટની ચર્ચા એક ખાસ કારણથી થઈ રહી છે.

Career Success Story :  માતા-પુત્રની જોડીને સલામ ! એ જ એકેડેમીમાંથી લીધી તાલીમ, માતા મેજર તો પુત્ર લેફ્ટનન્ટ
Major Smita Chaturvedi
TV9 GUJARATI

| Edited By: Meera Kansagara

Aug 01, 2022 | 3:49 PM

કેડેટ્સ તાજેતરમાં ચેન્નાઈમાં ભારતીય સેનામાં કમિશનિંગ થયા છે. કમિશનિંગ ચેન્નાઈમાં ઓફિસર્સ ટ્રેનિંગ એકેડમીમાં થયું હતું અને આ દરમિયાન માલદીવના ચીફ ઑફ ડિફેન્સ સ્ટાફ મેજર જનરલ અબ્દુલ્લા શમાલ પણ હાજર હતા. ભારતીય સેનામાં જોડાનારા સૈનિકોમાં એક પુત્ર પણ હતો, જે 27 વર્ષ પહેલાં તેની માતાની જેમ જ Chennai Officers Training Academyમાંથી કમિશન થયો હતો. હવે આ સ્ટોરીની સોશિયલ મીડિયા (Social Media) પર ચારેબાજુ ચર્ચા થઈ રહી છે અને લોકો દ્વારા તેના પર અલગ-અલગ પ્રકારના રિસ્પોન્સ મળી રહ્યા છે.

વાસ્તવમાં, સંરક્ષણ મંત્રાલયના જનસંપર્ક નિર્દેશાલય હેઠળ ચેન્નાઈના પબ્લિક રિલેશન્સના સત્તાવાર એકાઉન્ટ દ્વારા એક ટ્વીટ શેર કરવામાં આવી હતી. આ ટ્વીટ ખાસ હતી. કારણ કે તે માતા-પુત્રની જોડીની પ્રેરણાદાયી વાત બતાવે છે. આ પોસ્ટમાં મેજર સ્મિતા ચતુર્વેદી તેમના પુત્ર સાથે જોવા મળી છે. તેમનો પુત્ર તાજેતરમાં ઓફિસર્સ ટ્રેનિંગ એકેડમી, ચેન્નાઈમાંથી પાસ થયો છે. આ જ એકેડમીમાંથી મેજર સ્મિતા ચતુર્વેદી પણ 27 વર્ષ પહેલા પાસ થઈને ઈન્ડિયન આર્મીમાં જોડાઈ હતી. પોસ્ટમાં મેજર સ્મિતાના ચહેરા પર ખુશી સ્પષ્ટ જોઈ શકાય છે.

યંગ મેજર સ્મિતાની તસવીર પણ શેર કરવામાં આવી હતી

સંરક્ષણ પીઆરઓ ચેન્નાઈએ ટ્વીટ કર્યું, ‘એક મહિલા અધિકારી માટે એક સુંદર ક્ષણ: મેજર સ્મિતા ચતુર્વેદી (નિવૃત્ત) 27 વર્ષ પહેલાં 1995માં ઓફિસર ટ્રેનિંગ એકેડેમિક, ચેન્નાઈમાંથી કમિશન્ડ થઈ હતી. આજે તેણે તેના પુત્રને આ જ રીતે એકેડેમીમાંથી કમિશન મેળવતા જોયો.’ આ ટ્વીટ થ્રેડ સાથે શેર કરવામાં આવી છે, જેમાં યુવાન મેજર સ્મિતા બીજી પોસ્ટમાં જોઈ શકાય છે. આ તસવીર તે સમયની છે જ્યારે મેજર સ્મિતા પોતે ચેન્નાઈની ઓફિસર ટ્રેનિંગ એકેડમીમાં ટ્રેનિંગ લઈ રહી હતી. આ તસવીરમાં પાતળી-પાતળી મેજર સ્મિતા જોઈ શકાય છે.

પુત્રની સિદ્ધિ પર મેજર સ્મિતાએ આવું કહ્યું

પીઆરઓ ચેન્નાઈએ મેજર સ્મિતાનો એક વીડિયો પણ શેર કર્યો છે. આમાં તે કહી રહી છે કે તે તેના પુત્રના આ અચિવમેન્ટથી કેટલી ખુશ છે. વીડિયોમાં તેણે પોતાના જૂના ટ્રેનિંગના દિવસોને યાદ કર્યા. બદલાતા સમય સાથે એકેડેમીમાં કેવી રીતે પરિવર્તનો જોઈ શકાય છે તે પણ જણાવ્યું. પીઆરઓ ચેન્નાઈએ વીડિયોને ટ્વીટ કરીને કેપ્શન આપ્યું, ‘મેજર સ્મિતા ચતુર્વેદી (નિવૃત્ત) આ અદ્ભુત એકેડમીમાં વિતાવેલા તેમના જૂના દિવસોને યાદ કરે છે અને તેમના પુત્રએ તેમની જેમ સેનામાં જોડાઈને એક અદ્ભુત સ્ક્રિપ્ટ લખી છે.’

લોકોએ આવી આપી પ્રતિક્રિયા

Follow us on

Related Stories

Most Read Stories

Click on your DTH Provider to Add TV9 Gujarati