ICG Recruitment 2021: ઇંડિયન કોસ્ટ ગાર્ડમાં Assistant Commandant ની જગ્યાઓ માટે ભરતી, જાણો વિગતો
ICG Recruitment 2021 માં અરજી પ્રક્રિયા 4 જુલાઈથી શરૂ થશે. અરજી કરવાની છેલ્લી તારીખ 14 જુલાઈ છે. જેમાં અરજી કરવા માટે માત્ર દસ દિવસનો સમય આપવામાં આવશે.
ICG Recruitment 2021: Indian Coast Guard માં નોકરી મેળવવા ઇચ્છતા યુવાનો માટે એક મોટી તક આવી છે. Indian Coast Guard (ICG) એ સહાયક કમાન્ડન્ટની (Assistant Commandant) પોસ્ટ્ પર ભરતી માટે જાહેરનામું બહાર પાડ્યું છે. 50 જગ્યાઓની ભરતી માટે જાહેરનામું બહાર પાડવામાં આવ્યું છે.
સહાયક કમાન્ડન્ટ (General Duty) ના પદ માટે અરજી કરવા માટે, ઉમેદવારોએ જોઇન્ટ ઇન્ડિયન કોસ્ટ ગાર્ડની ઑફિશિયલ વેબસાઇટ- joinindiancoastguard.gov.in ની મુલાકાત લેવી પડશે. આ (ICG Recruitment 2021) માં અરજી પ્રક્રિયા 4 જુલાઈથી શરૂ થશે.
અરજી કરવાની છેલ્લી તારીખ 14 જુલાઈ છે. જેમાં અરજી કરવા માટે માત્ર દસ દિવસનો સમય આપવામાં આવશે. આ સ્થિતિમાં, જે ઉમેદવારો આ પોસ્ટ્ માટે અરજી કરવા માંગે છે, તેઓ સત્તાવાર વેબસાઇટ પર ઉપલબ્ધ નોટિસને સંપૂર્ણ રીતે વાંચ્યા પછી જ અરજી ફોર્મ ભરો.
ખાલી જગ્યાની વિગતો
Indian Coast Guard દ્વારા જાહેર કરાયેલા નોટિફિકેશન મુજબ કુલ 50 જગ્યાઓ ખાલી રહેશે. જેમાં 40 જેટલી જગ્યાઓ General Duty માટે ભરવામાં આવશે. જનરલ ડ્યુટીમાં (Assistant Commandant General Duty) 11 બેઠકો બિનઅનામત વર્ગના ઉમેદવારો માટે છે. આર્થિક નબળા વિભાગ માટે 3 બેઠકો, OBC કેટેગરીના ઉમેદવારો માટે 7 બેઠકો, SC કેટેગરીના ઉમેદવારો માટે 6 અને ST ઉમેદવારો માટે 13 બેઠકો નક્કી કરવામાં આવી છે. Technical Engineer and Electrical Engineer ની 10 જગ્યાઓ પર ભરતી થશે.
લાયકાત
Indian Coast Guard માં જનરલ ડ્યુટીના પદ માટે અરજી કરનારા ઉમેદવારો પાસે કોઈપણ માન્ય યુનિવર્સિટી અથવા સંસ્થામાંથી ગ્રેજ્યુએશનની ડિગ્રી હોવી જોઈએ. ગ્રેજ્યુએશનના તમામ સેમેસ્ટરમાં ઓછામાં ઓછા 60% માર્કસ મેળવવા જરૂરી છે. ત્યારે ધોરણ 12 માં ગણિત, ભૌતિકશાસ્ત્ર વિષયવાળા ઉમેદવારો જ અરજી કરી શકશે.
બીજી તરફ, Technical Engineer અને Electrical Engineer ના પદ માટે, ઇલેક્ટ્રિકલ એન્જિનિયરિંગ ડિપ્લોમા અથવા ઇલેક્ટ્રોનિક્સ અને કોમ્યુનિકેશન અથવા પાવર ઇલેક્ટ્રોનિક્સ અથવા ઇંડસ્ટ્રી અને પ્રોડક્શન અથવા ઓટોમોટિવ અથવા મરીન અથવા નવલ આર્કિટેક્ચર વગેરેમાં સ્નાતક ધરાવતા ઉમેદવારો અરજી કરવા માટે પાત્ર રહેશે. તેમાં પણ અરજદારને ધોરણ 12 માં ફિજીકસ અને ગણિત વિષયમાં 60% પાસ કરવી ફરજિયાત છે. પાત્રતાની સંપૂર્ણ વિગતો માટે, તમે સત્તાવાર વેબસાઇટ પર ઉપલબ્ધ સૂચના જોઈ શકો છો.