ઇન્સ્ટિટ્યૂટ ઓફ બેન્કિંગ પર્સનલ સિલેક્શન દ્વારા પીઓ રિક્રુટમેન્ટ મેન્સ પરીક્ષા માટેનું એડમિટ કાર્ડ જાહેર કરવામાં આવ્યું છે. આ ખાલી જગ્યા માટે, પ્રિલિમ પરીક્ષા પાસ કરનાર ઉમેદવારો પ્રોબેશનરી ઓફિસર એટલે કે PO ભરતી પરીક્ષામાં બેસી શકે છે. જે ઉમેદવારોએ PO Mains પરીક્ષા માટે અરજી કરી છે તેઓ IBPS- ibps.in ની ઓફિશિયલ વેબસાઇટની મુલાકાત લઈને એડમિટ કાર્ડ ડાઉનલોડ કરી શકે છે. આ ખાલી જગ્યા દ્વારા કુલ 6,432 જગ્યાઓ પર ભરતી કરવામાં આવશે. ઉમેદવારો વેબસાઇટ પર પરીક્ષાની વિગતો ચકાસી શકે છે.
IBPS દ્વારા જાહેર કરાયેલી આ ખાલી જગ્યા માટેની અરજી પ્રક્રિયા 2 ઓગસ્ટ 2022ના રોજ શરૂ થઈ હતી. આમાં અરજી કરવા માટે ઉમેદવારોને 22 ઓગસ્ટ 2022 સુધીનો સમય આપવામાં આવ્યો હતો. આ ખાલી જગ્યા માટેની પ્રિલિમ પરીક્ષા ઓક્ટોબર 2022માં આયોજિત કરવામાં આવી હતી. તેનું પરિણામ 4 નવેમ્બરના રોજ બહાર પાડ્યું હતું.
PO ભરતીની પ્રિલિમ પરીક્ષામાં પસંદ કરાયેલા ઉમેદવારો માટે મુખ્ય પરીક્ષા લેવામાં આવશે. ઉમેદવારો નીચે આપેલા સ્ટેપ પરથી મેન્સ પરીક્ષા એડમિટ કાર્ડ ડાઉનલોડ કરી શકે છે-
ડાયરેક્ટ લિંક પરથી IBPS PO Mains Admit Card ડાઉનલોડ કરો.
IBPS PO Mains Exam 200 ગુણ માટે 155 MCQ પૂછાશે. આ સાથે, 25 ગુણ માટે 2 Descriptive test હશે. દરેક ખોટા જવાબ માટે 0.25 ગુણના MCQમાં નેગેટિવ માર્કિંગ હશે. પરીક્ષા 3 કલાક 30 મિનિટ માટે લેવામાં આવશે.
રિઝનિંગ અને કોમ્પ્યુટર એપ્ટિટ્યુડમાંથી 60 ગુણના 45 પ્રશ્નો પૂછવામાં આવશે. જનરલ/ઇકોનોમી/બેંકિંગ અવેરનેસમાંથી 40 માર્કસના 40 પ્રશ્નો પૂછવામાં આવશે. અંગ્રેજી ભાષામાંથી 40 ગુણના 35 પ્રશ્નો પૂછવામાં આવશે. જ્યારે ડેટા એનાલિસિસ અને ઇન્ટરપ્રિટેશનમાંથી 60 માર્કસના 35 પ્રશ્નો પૂછવામાં આવશે.