વિદેશી વિદ્યાર્થીઓ ભારતના આ રાજ્યોમાં ભણવાનું પસંદ કરે છે ! યુપી પણ ટોપ 5 માં, જુઓ સંપૂર્ણ યાદી
શું તમે જાણો છો, વિશ્વના 160 દેશોના વિદેશી વિદ્યાર્થીઓ દેશમાં અભ્યાસ કરી રહ્યા છે. તમને જણાવી દઈએ કે કયા રાજ્યમાં સૌથી વધુ વિદેશી વિદ્યાર્થીઓએ પ્રવેશ લીધો છે.
ભારતમાંથી વિદેશમાં ભણવા જતા લોકોની સંખ્યા લાખોમાં છે. દર વર્ષે દેશના વિવિધ રાજ્યોમાંથી વિદ્યાર્થીઓ અમેરિકા, બ્રિટન, ઓસ્ટ્રેલિયા, જર્મની જેવા દેશો તરફ વળે છે. જોકે, બહુ ઓછા લોકો એ વાતથી અજાણ છે કે વિદેશી વિદ્યાર્થીઓ પણ ભારતમાં અભ્યાસ કરવા આવે છે. દેશના અલગ-અલગ રાજ્યોમાં મોટી સંખ્યામાં વિદેશી વિદ્યાર્થીઓ અભ્યાસ કરી રહ્યા છે. તેમાંથી મોટાભાગની IIT, IIM અથવા દેશની એન્જિનિયરિંગ કૉલેજ જેવી પ્રતિષ્ઠિત કૉલેજોમાં છે, જ્યારે કેટલાક પ્રખ્યાત ખાનગી કૉલેજમાં ડિગ્રી મેળવી રહ્યાં છે. કેરિઅર ન્યુઝ અહીં વાંચો.
જો કે, શું તમે ક્યારેય વિચાર્યું છે કે કયા રાજ્યોમાં સૌથી વધુ વિદેશી વિદ્યાર્થીઓ અભ્યાસ કરવા આવે છે? હાલમાં જ બહાર પાડવામાં આવેલા ઓલ ઈન્ડિયા સર્વે ઓન હાયર એજ્યુકેશન (AISHE)ના રિપોર્ટમાં આ માહિતી આપવામાં આવી છે. રિપોર્ટમાં કહેવામાં આવ્યું છે કે અભ્યાસ માટે કર્ણાટક વિદેશી વિદ્યાર્થીઓની પહેલી પસંદ છે. ઉચ્ચ શિક્ષણના સંદર્ભમાં ટોચના 5 પસંદગીના સ્થળોમાં ઉત્તર પ્રદેશનો પણ સમાવેશ થાય છે. ચાલો એક ટેબલ દ્વારા સમજીએ કે કયા રાજ્યમાં કેટલા વિદેશી વિદ્યાર્થીઓ અભ્યાસ માટે આવે છે અને તેઓ કયા સ્થળે છે.
ક્રમાંક પ્રમાણે રાજયોમાં વિદેશી વિદ્યાર્થીઓની સંખ્યા
1. કર્ણાટક-8,137
2. પંજાબ-6,557
3. મહારાષ્ટ્ર-4,912
4. ઉત્તર પ્રદેશ-4,654
5. તમિલનાડુ-3,685
6. દિલ્હી-2,809
7. ગુજરાત-2,646
8. આંધ્ર પ્રદેશ-2,385
9. ઓડિશા-2,180
દેશમાં કેટલા વિદેશી વિદ્યાર્થીઓ છે?
ભારતમાં અભ્યાસ કરવા આવતા વિદેશી વિદ્યાર્થીઓ પાછળ સરકારનો ખાસ કાર્યક્રમ છે. વાસ્તવમાં, સ્ટડી ઇન ઇન્ડિયા પ્રોગ્રામ એ જ કારણ છે, જે વિદેશી વિદ્યાર્થીઓને ભારતમાં અભ્યાસ કરવા માટે આકર્ષિત કરી રહ્યું છે. આ પ્રોજેક્ટ કેન્દ્રીય શિક્ષણ મંત્રાલય દ્વારા શરૂ કરવામાં આવ્યો છે. દેશમાં ઉચ્ચ શિક્ષણ માટે નોંધાયેલા વિદેશી વિદ્યાર્થીઓની કુલ સંખ્યા 48,035 છે. અત્રે નોંધનીય બાબત એ છે કે વિશ્વના 163 દેશોમાંથી વિદ્યાર્થીઓ ભારતમાં અભ્યાસ માટે આવે છે.
દેશમાં અભ્યાસ કરતા વિદેશી વિદ્યાર્થીઓમાં સૌથી વધુ સંખ્યા નેપાળના છે. કુલ વિદેશી વિદ્યાર્થીઓમાં નેપાળનો હિસ્સો 28.26% છે. આ પછી અફઘાનિસ્તાન (8.49%), બાંગ્લાદેશ (5.72%), ભૂટાન (3.8%), સુદાન (3.33%) અને અમેરિકા (5.12%)નો નંબર આવે છે. ભારતમાં અભ્યાસ કરતા વિદેશી વિદ્યાર્થીઓમાંથી 67.48% ટોપ 10 દેશોમાંથી આવે છે.
(ઇનપુટ-ભાષાંતર)
