Career in Event Management: આ ક્ષેત્રમાં તક અને કમાણીની કોઈ મર્યાદા નથી, જાણો કોર્સ અને કારકિર્દીની સંપૂર્ણ વિગતો
જો તમે એવી નોકરી શોધી રહ્યા છો જે સર્જનાત્મકતા, વિવિધતા અને આકર્ષક તકોથી ભરપૂર હોય, તો તમે ઈવેન્ટ મેનેજમેન્ટને કારકિર્દીના વિકલ્પ તરીકે પસંદ કરી શકો છો.
જો તમે એવી નોકરી શોધી રહ્યા છો જે સર્જનાત્મકતા, વિવિધતા અને આકર્ષક તકોથી ભરપૂર હોય, તો તમે ઈવેન્ટ મેનેજમેન્ટને (Event Management) કારકિર્દીના વિકલ્પ તરીકે પસંદ કરી શકો છો. આ ક્ષેત્રમાં મુસાફરીની સાથે, ઘણો અનુભવ મેળવવા અને કારકિર્દીમાં સતત આગળ વધવાની ઉત્તમ તક છે. તે તમારા સામાજિક વર્તુળને પણ વિસ્તૃત કરે છે. વિવિધતા એટલી કે તમે એક દિવસ કોઈના લગ્નનું આયોજન કરો છો અને પછી બીજા દિવસે કોર્પોરેટ મીટિંગનું આયોજન કરો છો. જો તમે હંમેશા નવા લોકોને મળવાનું પસંદ કરો છો, સામાજિક જૂથો અને ભીડને કેવી રીતે હેન્ડલ કરવી તે જાણો છો, તો તમે આ ઉદ્યોગમાં કારકિર્દી શરૂ કરી શકો છો. તમે અહીં દરરોજ કંઈક નવું અનુભવશો.
આ લેખમાં તમે જાણી શકશો કે સફળ ઇવેન્ટ મેનેજર બનવા માટે તમારે કયા ગુણોની જરૂર છે, તમે આ ઉદ્યોગમાંથી કેટલી કમાણી કરી શકો છો તેમજ આ ક્ષેત્રમાં (Event Management Field) તમારો રસ્તો બનાવવા માટે કયો કોર્સ કરવો યોગ્ય રહેશે.
ઈવેન્ટ મેનેજમેન્ટ તમારા માટે કરિયર મેનેજમેન્ટ છે
ખાનગી અથવા કોર્પોરેટ ઇવેન્ટ મેનેજર તરીકે, તમે ચોક્કસ પ્રકારની ઇવેન્ટનું આયોજન કરવામાં નિષ્ણાત બની શકો છો અથવા વિવિધ ઇવેન્ટ્સનું આયોજન કરી શકો છો. કોઈપણ ઈવેન્ટને સફળ બનાવવી એ એક સારા અને કાર્યક્ષમ ઈવેન્ટ મેનેજરની ઓળખ છે. અગાઉ ઈવેન્ટ મેનેજરની માંગ માત્ર કોર્પોરેટ સેક્ટરની ઈવેન્ટ્સમાં જ હતી, પરંતુ ખાનગી પાર્ટીઓના આયોજનમાં પણ તેમની મદદ લેવામાં આવે છે. ખાસ વાત એ છે કે, હવે નાના શહેરોમાં પણ ઈવેન્ટ મેનેજમેન્ટની લોકપ્રિયતા બાદ આ ક્ષેત્રમાં અનુભવી લોકોની માંગ વધી છે.
આ ફિલ્ડની સૌથી મહત્વની વાત એ છે કે, તમે ઈવેન્ટ મેનેજર તરીકે જે કંઈ કરો છો તે બધાની સામે હોય છે અને સારા કામની તરત જ પ્રશંસા થાય છે. કોન્ફરન્સ, સાંસ્કૃતિક કાર્યક્રમો, વેપાર મેળાઓ, પ્રદર્શનો, ભંડોળ ઊભુ કરવા અને સામાજિક કાર્યક્રમો, થિયેટર પર્ફોર્મન્સ, મ્યુઝિકલ ફેસ્ટિવલ અને શો, પાર્ટીઓ અને લગ્નો, પ્રમોશન અને પ્રોડક્ટ લોન્ચ, એવોર્ડ સમારોહ, ડાન્સ શો, કોમેડી શો, બુક લોંચ, ચેરિટી ફંડ એકત્ર કરનારાઓનું આયોજન કરીને તમારી કારકિર્દીનું સંચાલન કરી શકો છો.
અભ્યાસક્રમ અને લાયકાત
ડિપ્લોમા ઇન ઇવેન્ટ મેનેજમેન્ટ (Diploma in Event Management) એ એક વર્ષનો કોર્સ છે. આ અભ્યાસક્રમમાં પ્રવેશ માટે, કોઈપણ માન્ય બોર્ડમાંથી કોઈપણ પ્રવાહમાં 12મું પાસ હોવું જરૂરી છે. પોસ્ટ ગ્રેજ્યુએટ ડિપ્લોમા ઇન ઇવેન્ટ મેનેજમેન્ટ (PGDEM) પણ એક વર્ષમાં પૂર્ણ કરી શકાય છે અને આ માટે કોઈપણ પ્રવાહમાં સ્નાતકની ડિગ્રી જરૂરી છે. આ ઉપરાંત સર્ટિફિકેટ અને ડિપ્લોમા કોર્સ પણ ચલાવવામાં આવે છે. પાર્ટ ટાઈમ કોર્સની સુવિધા ઘણી સંસ્થાઓમાં ઉપલબ્ધ છે.
કારકિર્દીનો સ્કોપ
કોઈપણ કુશળ અને અનુભવી ઉમેદવાર ઈવેન્ટ મેનેજમેન્ટ કંપનીમાં મેનેજર અથવા મોટા હોટેલ ગ્રુપમાં કન્સલ્ટન્ટની નોકરી કરી શકે છે. તમે યજમાન તરીકે આંતરરાષ્ટ્રીય કાર્યક્રમોમાં પણ ભાગ લઈ શકો છો. એડવર્ટાઇઝિંગ એજન્સી અને મીડિયા હાઉસમાં પબ્લિક રિલેશન એક્ઝિક્યુટિવ તરીકે કામ કરી શકે છે. જો તમે ઇચ્છો તો, તમે તમારી પોતાની ઇવેન્ટ કંપની ચલાવી શકો છો.
તમે કેટલી કમાણી કરશો?
ઈવેન્ટ મેનેજમેન્ટના ક્ષેત્રમાં કમાણી કરવાની કોઈ મર્યાદા નથી. લાયકાત અને અનુભવના સંપાદનથી તમે સફળતાના શિખરો સુધી પહોંચી શકો છો. જો કે, સર્ટિફિકેટ કોર્સ કર્યા પછી, કારકિર્દીની શરૂઆતમાં, દર મહિને 25 થી 30 હજાર રૂપિયા મળે છે. અનુભવી ઇવેન્ટ મેનેજર એક મહિનામાં 50 હજારથી 1 લાખ રૂપિયા કમાય છે. આ ક્ષેત્રમાં કમાણી કુશળતા અને નેટવર્કિંગ ક્ષમતા પર આધારિત છે. તમે તમારું કામ શરૂ કરી શકો છો અને એક મહિનામાં લાખો રૂપિયા કમાઈ શકો છો.
ટોચની સંસ્થાઓ
1. નેશનલ એકેડમી ઓફ ઈવેન્ટ મેનેજમેન્ટ એન્ડ ડેવલપમેન્ટ (NAEMD), મુંબઈ 2. નેશનલ ઇન્સ્ટિટ્યૂટ ઓફ ઇવેન્ટ મેનેજમેન્ટ (NIEM), નવી દિલ્હી 3. EMDI ઇન્સ્ટિટ્યૂટ ઓફ મીડિયા એન્ડ કોમ્યુનિકેશન, નવી દિલ્હી 4. ઈન્ડિયન સ્કૂલ ઓફ મીડિયા (ISM), મુંબઈ 5. નેશનલ એકેડમી ઓફ મીડિયા એન્ડ ઈવેન્ટ્સ (NAME), કોલકાતા 6. ઈન્સ્ટિટ્યૂટ ઓફ મીડિયા કોમ્યુનિકેશન, ફિલ્મ એન્ડ ટેલિવિઝન સ્ટડીઝ, કોલકાતા 7. નેશનલ ઇન્સ્ટિટ્યૂટ ફોર મીડિયા સ્ટડીઝ, અમદાવાદ 8. ઇન્ટરનેશનલ ઇન્સ્ટિટ્યુટ ઓફ ફેશન ટેકનોલોજી, નવી દિલ્હી 9. કોલેજ ઓફ ઈવેન્ટ એન્ડ મેનેજમેન્ટ, પુણે 10. ઈન્ટરનેશનલ ઈન્સ્ટીટ્યુટ ઓફ ઈવેન્ટ મેનેજમેન્ટ, મુંબઈ
આ પણ વાંચો: CA Syllabus: CAનો સિલેબસ બદલવાનો છે, ICAIએ જણાવ્યો પ્લાન, જાણો કેવો હશે નવો સિલેબસ
આ પણ વાંચો: UG admission 2022: કયા વિષયમાં પ્રવેશ માટે ધોરણ 12નો કયો કોર્સ જરૂરી છે, AICTEએ સંપૂર્ણ યાદી બહાર પાડી
