કર્ણાટક સરકારનો મોટો નિર્ણય, ટ્રાન્સજેન્ડર સમુદાયને પોલીસ વિભાગમાં તમામ પોસ્ટમાં મળશે 1 ટકા અનામત
કર્ણાટક સરકારે રાજ્યના પોલીસ વિભાગમાં ટ્રાન્સજેન્ડર સમુદાય (Transgender Community) માટે એક ટકા અનામતની જાહેરાત કરી છે. આ હેઠળ, કર્ણાટક પોલીસે પ્રથમ વખત 'સ્પેશિયલ રિઝર્વ સબ-ઇન્સ્પેક્ટર'ના પદ માટે ટ્રાન્સજેન્ડરો પાસેથી અરજીઓ મંગાવી છે.
કર્ણાટક સરકારે રાજ્યના પોલીસ વિભાગમાં ટ્રાન્સજેન્ડર સમુદાય (Transgender Community) માટે એક ટકા અનામતની જાહેરાત કરી છે. આ હેઠળ, કર્ણાટક પોલીસે પ્રથમ વખત ‘સ્પેશિયલ રિઝર્વ સબ-ઇન્સ્પેક્ટર’ના પદ માટે ટ્રાન્સજેન્ડરો પાસેથી અરજીઓ મંગાવી છે. કર્ણાટક રાજ્ય પોલીસ દ્વારા જાહેર કરાયેલ ભરતી-2021ની સૂચના અનુસાર, 70 પોસ્ટ માટે શૈક્ષણિક લાયકાત ગ્રેજ્યુએટ રાખવામાં આવી છે અને ઓનલાઈન અરજીઓ 20 ડિસેમ્બરથી ભરી શકાશે જ્યારે અરજી કરવાની છેલ્લી તારીખ 18 જાન્યુઆરી 2022 છે.
રાજ્યના પોલીસ મહાનિર્દેશક પ્રવીણ સૂદે મંગળવારે ન્યૂઝ એજન્સી ANIને જણાવ્યું કે, “અમે પોલીસ વિભાગની તમામ ભરતીમાં ટ્રાન્સજેન્ડર્સને એક ટકા અનામત આપવાનો નિર્ણય કર્યો છે. અત્યાર સુધી પોલીસ વિભાગમાં પુરૂષો અને મહિલાઓની ભરતી થતી હતી. 3-4 દાયકા પહેલા પોલીસ વિભાગમાં મહિલાઓ માટે અનામતની વાત થતી હતી. અમારું લક્ષ્ય પોલીસ વિભાગમાં મહિલાઓની સંખ્યાને 25 ટકા સુધી લઈ જવાનું છે.
સૂદે કહ્યું કે પોલીસ વિભાગે સમાજના પૂર્વગ્રહોને દૂર કરીને ટ્રાન્સજેન્ડર સમુદાયને મુખ્ય પ્રવાહમાં લાવવામાં મદદ કરવા માટે આ નિર્ણય લીધો છે. તેણે કહ્યું, “અમે વિચાર્યું કે, આપણે સમાન તકનું સંગઠન બનવું જોઈએ. એટલા માટે અમે તમામ રેન્કમાં ટ્રાન્સજેન્ડર માટે એક ટકા પોસ્ટ અનામત રાખી છે. મને લાગે છે કે, આ તેમને મુખ્ય પ્રવાહમાં લાવવામાં મદદ કરશે અને લાંબા ગાળે વિભાગને પણ મજબૂત કરશે.”
Yes. You read it right! Karnataka State Police is an equal opportunity organisation. We are recruiting men, women and even transgenders. pic.twitter.com/HhM3RtxpQv
— DGP KARNATAKA (@DgpKarnataka) December 21, 2021
તેમણે કહ્યું કે આપણે એવા પૂર્વગ્રહોને દૂર કરવા જોઈએ, જે માત્ર સમાજમાં જ નહીં પરંતુ આપણા બધામાં છે. તેણે કહ્યું, “એટલે જ અમે આ પગલું ભર્યું છે. ભરતી અંગે જાહેરનામું બહાર પાડવામાં આવ્યું છે. અમે અરજીઓની રાહ જોઈશું અને તેમની ભરતી કરીશું. તમામ ભરતીઓમાં ટ્રાન્સજેન્ડરો માટે એક ટકા અનામત હશે.
NGO ‘સંગમ’ની નિશા ગુલ્લારે કર્ણાટક પોલીસના આ નિર્ણયને આવકાર્યો છે. તેણે ન્યૂઝ એજન્સી પીટીઆઈને જણાવ્યું કે, તેણે ટ્રાન્સજેન્ડર સરકારી નોકરીઓ ઓફર કરવા માટે કર્ણાટક હાઈકોર્ટનો સંપર્ક કર્યો હતો. તેણે કહ્યું, “અમે જૂન 2020માં કોર્ટમાં ગયા હતા અને આ વર્ષે ચુકાદો અમારી તરફેણમાં આવ્યો હતો. અમને નિયુક્ત કરવાના કર્ણાટક પોલીસના નિર્ણયનું અમે સ્વાગત કરીએ છીએ.”
નિશા અનુસાર, કર્ણાટકમાં લગભગ એક લાખ ટ્રાન્સજેન્ડર છે, જેમાંથી લગભગ 13 હજાર તેની સંસ્થા સાથે જોડાયેલા છે. તેણે એમ પણ કહ્યું કે, હવે પછીનો પડકાર ટ્રાન્સજેન્ડરો માટે જે ઓફિસમાં કામ કરશે ત્યાં વધુ સારું વાતાવરણ ઊભું કરવાનો રહેશે.
આ પણ વાંચો: GATE Exam 2022: ગેટ 2022 પરીક્ષાનું સમયપત્રક આવી ગયું છે, આ તારીખે મળશે એડમિટ કાર્ડ
આ પણ વાંચો: આ શાળાઓમાં ભણાવવામાં આવશે ભગવત ગીતા, 25 ડિસેમ્બરથી શરૂ થશે વર્ગો
Published On - 11:41 am, Wed, 22 December 21