શું તમે Work From Homeની જોબ શોધી રહ્યા છો ? હવે સરકાર પણ કરી રહી મદદ.. અહીં કરો રજિસ્ટ્રેશન

ઘરેથી કામ કરવાનું કોને ન ગમે? દરરોજ તૈયાર થવાનો તણાવ નહીં કે સમયસર ઓફિસ પહોંચવાનું દબાણ નહીં. તમે ફક્ત તમારું લેપટોપ લો અને કામ કરવા માટે ઘરના કોઈ ખૂણામાં બેસી જાઓ. જો કે, આ સાંભળવામાં જેટલું સરળ લાગે છે તેટલું વાસ્તવમાં નથી. જ્યારે તમે આવી તકો શોધવાનું શરૂ કરો છો, ત્યારે પહેલો પ્રશ્ન એ થાય છે કે: કયા પ્લેટફોર્મ WFH નોકરીઓ આપે છે, અથવા તેના વિશે માહિતી ક્યાંથી મળી શકે?

હવે, સરકાર તમને આમાં મદદ કરવા માટે તૈયાર છે. સરકારી પોર્ટલ ‘નેશનલ કરિયર સર્વિસ’ (NCS) એ સોશિયલ મીડિયા પ્લેટફોર્મ ‘X’ પર એક પોસ્ટ દ્વારા યુવાનો સાથે માહિતી શેર કરી છે. ખાસ વાત એ છે કે, આ પ્લેટફોર્મ માત્ર ઘરેથી કામ કરવા માંગતા લોકોની જ નહીં, પરંતુ વિદ્યાર્થીઓ, મહિલાઓ, ફ્રેશર્સ (નવા ઉમેદવારો) અને અનુભવી વ્યાવસાયિકોને પણ રોજગાર શોધવામાં મદદ કરે છે.

નવી નોકરીઓ વિશે અપડેટ્સ મેળવો

‘નેશનલ કરિયર સર્વિસ’ પ્લેટફોર્મ એ ભારત સરકારના શ્રમ અને રોજગાર મંત્રાલયની એક પહેલ છે. જે યુવાનો લાંબા સમયથી નોકરી શોધી રહ્યા છે પરંતુ સફળ થયા નથી, તેમના માટે આ પ્લેટફોર્મ એક ઉપયોગી વિકલ્પ બની શકે છે. તે નોકરીની તકો વિશે નિયમિત અપડેટ્સ પ્રદાન કરે છે. ઉમેદવારો તેમની લાયકાત, કૌશલ્ય, અનુભવ અને અન્ય સંબંધિત વિગતોના આધારે આ નોકરીઓ માટે અરજી કરી શકે છે.

काम की तलाश अब सिर्फ ऑफिस तक सीमित नहीं।

NCS Portal पर Work From Home opportunities explore करें और अपनी skills व रुचि के अनुसार सही job role खोजें।

घर से काम करने के अवसरों से जुड़ें और अपने career को आगे बढ़ाएँ। https://t.co/nh2eqZkOuo

#WorkFromHome #WFHJobs https://t.co/XKeJK1bH0u

— National Career Service – India (@NCSIndia) October 7, 2026

ક

નોંધણી માટેની મુખ્ય આવશ્યકતાઓ

ભલે તમે ઘરેથી કામ કરવા માંગતા હોવ કે ઓફિસ-આધારિત નોકરીઓ શોધી રહ્યા હોવ, આ માહિતી મેળવવા માટે પ્લેટફોર્મ પર નોંધણી કરાવવી ફરજિયાત છે. સૌથી સારી વાત એ છે કે નોંધણી માટે કોઈ ફી નથી. જો કે, સફળતા માટે સૌથી મહત્વપૂર્ણ પરિબળો તમારી કુશળતા, ક્ષમતાઓ અને કારકિર્દીની આકાંક્ષાઓ હશે.

WFH નોકરીઓ કેવી રીતે શોધવી?

• તો, તમે આ પ્લેટફોર્મ પર નોકરી કેવી રીતે શોધી શકો? તેમાં બહુ મહેનતની જરૂર નથી.
• સૌ પ્રથમ, ‘નેશનલ કરિયર સર્વિસ’ની અધિકૃત વેબસાઇટ ncs.gov.in ની મુલાકાત લો.
• હોમપેજ પર જાઓ અને ‘Search Jobs’ (નોકરીઓ શોધો) પેજ પર ક્લિક કરો.

તમે જે પ્રકારની નોકરી શોધી રહ્યા છો તે દાખલ કરો અથવા તમારી લાયકાતના આધારે શોધ કરો. એકવાર ‘એડવાન્સ્ડ સર્ચ’ (Advanced Search) વિકલ્પ ખુલી જાય, પછી તમને ‘વર્ક નેચર’ (Work Nature) ફિલ્ટર હેઠળ ‘વર્ક ફ્રોમ હોમ’ (Work From Home) નો વિકલ્પ જોવા મળશે. જો કે, જો તે ચોક્કસ વિકલ્પ ત્યાં ન હોય, તો તમે ‘રિમોટ’ (Remote) અથવા ‘WFH’ જેવા શબ્દોનો ઉપયોગ કરીને પણ સર્ચ કરી શકો છો.

ત્યારબાદ, વિવિધ કંપનીઓના વિકલ્પો જોવા મળશે. કંપની, લાયકાત અને પગાર અંગેની સંપૂર્ણ વિગતો તપાસો અને પછી તમારી પસંદગીની જગ્યા (પોઝિશન) માટે અરજી કરો.

ભારતમાં લોકોને સારી નોકરીઓ મળી રહી છે કે માત્ર ગુજરાન ચલાવવા પૂરતું કામ ? જાણો રોજગારની હકીકત, આ સ્ટોરી વાંચવા અહીં ક્લિક કરો