AMD Recruitment 2021: એટોમિક મિનરલ્સ ડાયરેક્ટરેટમાં ઘણી જગ્યાઓ માટે થઈ રહી છે ભરતી, અરજી કરવાની છેલ્લી તારીખ નજીક

AMD Recruitment 2021: જો તમે સરકારી નોકરી શોધી રહ્યા છો, તો તમારા માટે એક મોટી તક સામે આવી છે. અણુ ખનિજ નિદેશાલય (એટોમિક મિનરલ્સ ડાયરેક્ટરેટ) વિવિધ જગ્યાઓ માટે ભરતી કરી રહ્યું છે. નોટિફિકેશન અનુસાર, તેમાં અપર ડિવિઝન ક્લાર્ક અને ડ્રાઈવર સહિતની ઘણી પોસ્ટનો સમાવેશ થાય છે. બહાર પાડવામાં આવેલી સૂચના અનુસાર, કુલ 124 પોસ્ટ્સની ભરતી કરવામાં આવશે. આ ભરતી માટે અરજી કરવાની છેલ્લી તારીખ નજીક છે.

અરજી કરવાની છેલ્લી તારીખ 24 ઓક્ટોબર છે. આવી સ્થિતિમાં રસ ધરાવતા ઉમેદવારોને શક્ય તેટલી વહેલી તકે અરજી કરવી જોઈએ. આ તારીખ પછી વેબસાઇટ પરથી અરજીની લિંક દૂર કરવામાં આવશે. આ ભરતી (AMD Recruitment 2021) માટે અરજી કરવા માટે ઉમેદવારોએ સત્તાવાર વેબસાઇટ- amd.gov.in ની મુલાકાત લેવી પડશે.

આ પોસ્ટ્સ માટે અરજી પ્રક્રિયા 9 ઓક્ટોબર 2021થી શરૂ થઈ છે. અરજી સાથે અરજી ફી જમા કરવાની છેલ્લી તારીખ પણ 24 ઓક્ટોબર છે. હાલમાં પરીક્ષાની તારીખો હજુ સુધી જાહેર કરવામાં આવી નથી. આ પોસ્ટ્સ પર અરજી કરતા પહેલા, ઉમેદવારોએ એટોમિક મિનરલ્સ ડાયરેક્ટર ફોર એક્સપ્લોરિંગની સત્તાવાર વેબસાઇટની મુલાકાત લઈને સત્તાવાર સૂચના તપાસવી જોઈએ.

ખાલી જગ્યાની વિગતો

એટોમિક મિનરલ્સ ડાયરેક્ટર ફોર એક્સપ્લોરિંગ દ્વારા બહાર પાડવામાં આવેલી આ ખાલી જગ્યા દ્વારા કુલ 124 પોસ્ટ્સની ભરતી કરવામાં આવશે.

1. સાયન્ટિફિક આસિસ્ટન્ટ -B – 36
2. ટેકનિશિયન-બી – 41
3. અપર ડિવીઝન ક્લાર્ક – 16
4. ડ્રાઈવર – 13
5. સીક્યોરિટટી ગાર્ડ – 18

પસંદગી પ્રક્રિયા

ઉમેદવારોની આ ખાલી જગ્યા (AMD Recruitment 2021) માટે લેખિત પરીક્ષા અને ઇન્ટરવ્યૂના આધારે પસંદગી કરવામાં આવશે. સ્ક્રિનિંગ ટેસ્ટ અને લેખિત ટેસ્ટ બાદ ઇન્ટરવ્યૂ થશે. જોકે પસંદગી પ્રક્રિયા પોસ્ટ પર નિર્ભર રહેશે. ઉમેદવારોને લેખિત પરીક્ષા અને ડ્રાઇવિંગ ટેસ્ટ માટેના સમય, તારીખ અને સ્થળ વિશે ઇમેઇલ અને એસએમએસ દ્વારા જાણ કરવામાં આવશે.

અરજી ફી

આ ખાલી જગ્યામાં સાયન્ટિફિક આસિસ્ટન્ટ પોસ્ટ્સ માટે અરજી ફી 200 છે. જ્યારે અન્ય પોસ્ટ માટે અરજી ફી 100 છે. અરજી ફી ઓનલાઈન જમા કરાવવાની રહેશે. જે ઉમેદવારો અરજી કરવા માગે છે તેઓ સત્તાવાર વેબસાઇટ પર બહાર પાડવામાં આવેલી સૂચનામાં આપવામાં આવેલી લાયકાત અનુસાર અરજી કરી શકે છે.

આ પણ વાંચો: રાજનાથ સિંહના નિવેદન પર રાજકીય ધમાસાણ, CM ઉદ્ધવ ઠાકરેએ ​​કહ્યુ ‘ભાજપ હજુ ગાંધી-સાવરકરને સમજી શક્યુ નથી’