PM Kisan Scheme : પીએમ કિસાન યોજનાનો હપ્તો મળશે કે નહીં, આ રીતે કરો ચેક
આ યોજના હેઠળ, પાત્ર ખેડૂતોને વર્ષમાં ત્રણ વખત 2,000 રૂપિયાનો હપ્તો આપવામાં આવે છે. આ રીતે એક વર્ષમાં ખેડૂતો (Farmers) ના ખાતામાં 6,000 રૂપિયા ટ્રાન્સફર થાય છે. તમને યોજનાનો આ હપ્તો મળશે કે નહીં, તમે લાભાર્થીઓની યાદીમાં તમારું નામ જોઈને જાણી શકો છો.
PM Kisan 11th installment: ખેડૂતોની આર્થિક સુરક્ષા માટે શરૂ કરવામાં આવેલી PM કિસાન સન્માન નિધિ યોજના (PM Kisan Samman Nidhi Scheme)ના 11મા હપ્તા (11th installment of PM Kisan)ના પાત્રતા ધરાવતા ખેડૂતો આતુરતાથી રાહ જોઈ રહ્યા છે. ટૂંક સમયમાં જ પીએમ કિસાનનો 11મો હપ્તો ખેડૂતોના બેંક ખાતામાં ટ્રાન્સફર કરવામાં આવશે. આ યોજના હેઠળ, પાત્ર ખેડૂતોને વર્ષમાં ત્રણ વખત 2,000 રૂપિયાનો હપ્તો આપવામાં આવે છે. આ રીતે એક વર્ષમાં ખેડૂતોના ખાતામાં 6,000 રૂપિયા ટ્રાન્સફર થાય છે. તમને યોજનાનો આ હપ્તો મળશે કે નહીં, તમે લાભાર્થીઓની યાદીમાં તમારું નામ જોઈને જાણી શકો છો. યોજનાના લાભાર્થીઓની યાદી પીએમ કિસાનના પોર્ટલ પર જઈને જોઈ શકાય છે.
આ રીતે લાભાર્થીઓની યાદીમાં તમારું નામ જુઓ
- સૌ પ્રથમ તમારે PM કિસાન પોર્ટલ pmkisan.gov.in પર જવું પડશે.
- પોર્ટલ પર, મેનૂ બારમાં, ‘Farmer Corner’ પર ક્લિક કરો.
- પછી લાભાર્થીની સૂચિ / ‘Beneficiary list’ ટેબ પર ક્લિક કરો.
- હવે તમારે તમારા રાજ્ય, જિલ્લા, તાલુકા, બ્લોક અને ગામની માહિતી અહીં દાખલ કરવાની રહેશે.
- આ પછી તમારે ‘Get Report’ પર ક્લિક કરવાનું રહેશે. આ સાથે તમને તમારા સ્ટેટસ વિશે પણ જાણકારી મળશે.
આ રીતે સ્કીમમાં નોંધણી કરાવો
ખેડૂતો પીએમ કિસાન યોજના હેઠળ ઓનલાઈન અને ઓફલાઈન બંને રીતે નોંધણી કરાવી શકે છે. ઓનલાઈન રજીસ્ટ્રેશન માટે તમારે https://pmkisan.gov.in/ ની મુલાકાત લેવાની રહેશે. તેની પ્રક્રિયા નીચે મુજબ છે.
- PM કિસાન પોર્ટલ https://pmkisan.gov.in/ ની મુલાકાત લો. અહીં ‘Farmer Corner’ પર ક્લિક કરો.
- આ પછી, ‘New Farmer Registration’ ટેબ પર ક્લિક કરો.
- આ પછી તમારે તમારો આધાર નંબર નાખવો પડશે.
- તે પછી કેપ્ચા કોડ ભરીને તમારું રાજ્ય પસંદ કરો.
- હવે તમે એક ફોર્મ જોશો. અહીં તમારે પૂછવામાં આવેલી માહિતી દાખલ કરવાની રહેશે.
- તમારે તમારું બેંક ખાતું અને ખેતી સંબંધિત માહિતી અહીં દાખલ કરવી પડશે.
- પછી સબમિટ પર ક્લિક કરો. આ સાથે તમારી અરજી રજીસ્ટર થઈ જશે.
જો તમે PM કિસાન યોજનામાં ઑફલાઇન માધ્યમથી નોંધણી કરાવવા માંગતા હોવ, તો તમારે કિસાન કોમન સર્વિસ સેન્ટર (PM Kisan Common Service Center)ની મુલાકાત લઈને નોંધણી કરાવવી પડશે.
આ પણ વાંચો: Tech News: સરકારની Paytm સાથે ભાગીદારી, યુઝર્સ લઈ શકશે આયુષ્માન ભારત યોજનાનો ફાયદો, જાણો કેવી રીતે?
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
