સરકારની તિજોરીમાં જબરદસ્ત વધારો થયો, ચાલુ નાણાકીય વર્ષમાં ડાયરેક્ટ ટેક્સ કલેક્શનમાં 31 ટકાનો વધારો નોંધાયો
ચાલુ નાણાકીય વર્ષમાં 10 નવેમ્બર સુધી ગ્રોસ ડાયરેક્ટ ટેક્સ કલેક્શન 31 ટકા વધીને 10.54 લાખ કરોડ રૂપિયા થઈ ગયું છે. નાણા મંત્રાલયે શુક્રવારે આ માહિતી આપી.
ચાલુ નાણાકીય વર્ષમાં ગ્રોસ ડાયરેક્ટ ટેક્સ કલેક્શન 10 નવેમ્બર સુધીમાં 31 ટકા વધીને રૂ. 10.54 લાખ કરોડ થયું છે. નાણા મંત્રાલયે શુક્રવારે આ માહિતી આપી. મંત્રાલયે એક નિવેદનમાં જણાવ્યું હતું કે આ વધારો ખાસ કરીને વ્યક્તિગત આવકવેરા સંગ્રહના વધુ સારા પ્રદર્શનને કારણે થયો છે. રિફંડ માટે એડજસ્ટમેન્ટ પછી નેટ ડાયરેક્ટ ટેક્સ કલેક્શન રૂ. 8.71 લાખ કરોડ રહ્યું હતું. આમાં વ્યક્તિગત અને કોર્પોરેટ કરનો સમાવેશ થાય છે. આ સામાન્ય બજેટમાં આખા વર્ષ માટે નિર્ધારિત લક્ષ્યાંકના 61.31 ટકા છે.
નિવેદનમાં કહેવામાં આવ્યું છે કે 1 એપ્રિલથી 10 નવેમ્બરની વચ્ચે 1.83 લાખ કરોડ રૂપિયાના રિફંડ જાહેર કરવામાં આવ્યા છે. મંત્રાલયે કહ્યું, 10 નવેમ્બર, 2022 સુધી ડાયરેક્ટ ટેક્સ કલેક્શન દર્શાવે છે કે ગ્રોસ કલેક્શન 10.54 લાખ કરોડ રૂપિયા છે. આ ગયા વર્ષના સમાન સમયગાળા માટેના ગ્રોસ ટેક્સ ડાયરેક્ટ ટેક્સ કલેક્શન કરતાં 30.69 ટકા વધુ છે. ગ્રોસ કોર્પોરેટ ટેક્સ અને પર્સનલ ઇન્કમ ટેક્સ (PIT) કલેક્શનમાં અનુક્રમે 22.03 ટકા અને 40.64 ટકાનો વધારો થયો છે.
Gross Direct Tax collections for FY 2022-23 upto 10th November, 2022 are at Rs.10.54 lakh crore, higher by 30.69% over gross collections for corresponding period of preceding yr.
Net collections at Rs.8.71 lakh crore are 25.71% higher than net collections for same period last yr pic.twitter.com/SpSsrKLIXJ
— Income Tax India (@IncomeTaxIndia) November 11, 2022
મંત્રાલયે વધુમાં જણાવ્યું હતું કે રિફંડના સમાયોજન બાદ કોર્પોરેટ આવકવેરામાં 24.51 ટકાનો વધારો નોંધાયો છે. તે જ સમયે, વ્યક્તિગત આવકવેરામાં 28.06 ટકા અને STT સાથે વ્યક્તિગત આવકવેરામાં 27 ટકાની વૃદ્ધિ નોંધાઈ છે. નિવેદનમાં વધુમાં કહેવામાં આવ્યું છે કે મંત્રાલયે ચાલુ નાણાકીય વર્ષમાં (1લી એપ્રિલથી 10મી નવેમ્બર 2022 સુધી) 1.83 લાખ કરોડ રૂપિયા પહેલાથી જ રિફંડ કરી દીધા છે, જે ગયા વર્ષના આ ત્રિમાસિક ગાળામાં કરવામાં આવેલા રિફંડ કરતાં લગભગ 61.07 ટકા વધુ છે.