આજે Advance Tax જમા કરવાની છેલ્લી તારીખ, જો ચુકી ગયા તો દંડ ભરવો પડશે, જાણો પ્રક્રિયા

આજે એટલે કે 15 માર્ચ 2021, નાણાકીય વર્ષ 2020-૨૧ (Financial year 2020-21) માટે એડવાન્સ ટેક્સ (advance tax instalments) જમા કરવાની છેલ્લી તારીખ છે. જો તમે આજે ચૂકી જાઓ છો, તો તમારે દર મહિને એક ટકા વ્યાજ સાથે હપ્તા ચૂકવવા પડશે.

વ્યક્તિ કે જેની અંદાજિત જવાબદારી નાણાકીય વર્ષમાં ૧૦ હજાર કે વધુ રકમ ની હોય છે તેમને એડવાન્સ ટેક્સ જમા કરવાનો રહે છે. જો કે, આ નિયમ 60 વર્ષ કે તેથી વધુ ઉંમરના વૃદ્ધ નાગરિકોને લાગુ પડતી નથી જેમની પાસે વ્યવસાય અથવા વ્યવસાયથી આવક નથી. આવકવેરાના કાયદા મુજબ કરદાતાઓએ 15 જૂન, સપ્ટેમ્બર 15, ડિસેમ્બર 15 અને 15 માર્ચ દરમ્યાન અથવા તે પહેલાં અનુક્રમે 15 ટકા, 45 ટકા, 75 ટકા અને 100 ટકાના હપ્તામાં અંદાજિત કર ચૂકવવાનો રહે છે.

સમયસર એડવાન્સ ટેક્સ ભરવામાં નિષ્ફળ જનારને આવકવેરા અધિનિયમની કલમ 234 B અને 234 C હેઠળ વેરા પર દંડ ભરવો પડી શકે છે. જો કરદાતા એડવાન્સ ટેક્સની સંપૂર્ણ રકમ ચૂકવશે નહીં અથવા ચૂકવેલ એડવાન્સ ટેક્સ કુલ કર જવાબદારીના 90 ટકાથી ઓછો હોય તો કલમ 234 B હેઠળ વ્યાજ વસૂલવામાં આવે છે. વેરાની ચુકવણીની તારીખ સુધીનો વ્યાજ દર મહિને 1 ટકા અથવા એપ્રિલથી ચુકવણીનો  એક ભાગ છે. જો ચૂકવેલ એડવાન્સ ટેક્સ હપતા રકમની નિર્ધારિત ટકાવારી કરતા ઓછો હોય તો, કલમ 234 C હેઠળ વ્યાજ વસૂલવામાં આવે છે.

એડવાન્સ ટેક્સ કંઈ રીતે જમા કરશો

પગલું 1: આવકવેરા વિભાગની સત્તાવાર વેબસાઇટ પર લોગ ઇન કરો અને e-payment facility પર ક્લિક કરો.

પગલું 2: વ્યક્તિગત એડવાન્સ ટેક્સની ચુકવણી માટે ITNS 280 ફોર્મ પસંદ કરો.

પગલું 3: એડવાન્સ ટેક્સ માટેનો કોડ પસંદ કરો અને ફોર્મમાં તમારું નામ, સરનામું, પાન, મોબાઈલ નંબર અને અન્ય વિગતો ભરો.

પગલું 4: proceed પર ક્લિક કરો.

પગલું 5: ચુકવણી ગેટવે અથવા બેંકિંગ પેજ દ્વારા ચુકવણી કરો.

પગલું 6: ચુકવણી પછી, ચલણ 280 ની રસીદ આપવામાં આવશે.

પગલું 7: રેફરન્સ માટે રસીદની કોપી સેવ કરો