આ રીતે તમારા જૂના બેંક ખાતાને JAN DHAN YOJANA માં ટ્રાન્સફર કરો, તમને આ 10 સુવિધાઓ નિઃશુલ્ક મળશે
જન ધન યોજનામાં ખોલવામાં આવેલા ખાતા પર 1 લાખનો અકસ્માત વીમો છે. આ માટે કોઈ ફી ચૂકવવાની નથી. આ વીમાનું પ્રીમિયમ નેશનલ પેમેન્ટ કોર્પોરેશન ઓફ ઈન્ડિયા એટલે કે NPCI દ્વારા જમા કરવામાં આવે છે.
જન ધન ખાતા યોજના(Jan dhan Yojana) એ સરકારની એક યોજના છે જેમાં દેશના દરેક પરિવારને બેંકિંગ સુવિધા આપવાનું લક્ષ્ય છે. જન ધન યોજના હેઠળ અનેક પ્રકારની સુવિધાઓ નિઃશુલ્ક ઉપલબ્ધ છે. આ એવી સુવિધાઓ છે જેના માટે તમારે બેંકને મોટી ફી ચૂકવવી પડે છે. આવી સ્થિતિમાં જો તમે તમારા કોઈપણ જૂના બેંક ખાતાને પ્રધાનમંત્રી જન ધન યોજનામાં ટ્રાન્સફર કરો છો તો તમને પણ આ સુવિધાઓ મળવાનું શરૂ થઈ જશે. ધારો કે તમારી પાસે પહેલાથી જ સેવિંગ્સ બેંક એકાઉન્ટ જેવું ડિપોઝિટ એકાઉન્ટ છે તો તમે તેને સરળતાથી જન ધન યોજનામાં ટ્રાન્સફર કરી શકો છો. જનધનમાં ટ્રાન્સફર કરવા માટેનું ડિપોઝિટ ખાતું તે બેંકનું રુપે કાર્ડ (Rupay Card)હોવું જોઈએ. જો ન હોય તો અરજી કરો અને મેળવો પછી જનધનમાં એકાઉન્ટ ટ્રાન્સફર કરો.
તમારી પાસે બચત ખાતું છે જે તમે ચલાવવામાં અસમર્થ હોવાનું અનુભવો છો. જો તેનું મિનિમમ બેલેન્સ ભારે પડી રહ્યું છે તો તમે તેને જન ધન યોજનામાં ટ્રાન્સફર કરી શકો છો. આની સાથે તમને ઘણી સુવિધાઓ મફતમાં મળવા લાગશે જેના માટે જૂની બેંકમાં ફી ચૂકવવી પડતી હતી. તમારી પાસે તે જૂની બેંકનું રુપે કાર્ડ હોવું જોઈએ. રુપે કાર્ડ રાખવાથી તમને પ્રધાનમંત્રી જન ધન યોજના હેઠળ લાઈફ કવર અને અકસ્માત વીમાનો લાભ સરળતાથી મળશે. એકાઉન્ટ ટ્રાન્સફર પર ઓવરડ્રાફ્ટ સુવિધા પણ ઉપલબ્ધ થશે, જો કે એકાઉન્ટ કાર્યરત છે અને તેના પર લોનનું કોઈ ડિફોલ્ટ ન હોવું જોઈએ. હવે જાણો જન ધનમાં એકાઉન્ટ ટ્રાન્સફર કરવા માટે કઈ કઈ ફ્રી સુવિધાઓ ઉપલબ્ધ છે.
- જનધન યોજનામાં પરિવારના બે સભ્યો ઝીરો બેલેન્સ ખાતું ખોલાવી શકે છે
- જન ધન ખાતામાં પૈસા જમા કરાવવા કે ઉપાડવા પર કોઈ ચાર્જ લાગશે નહીં.
- નિઃશુલ્ક બેલેન્સ ચેક કરી શકાય છે
- ફંડ ટ્રાન્સફર કોઈપણ શુલ્ક વગર થાય છે
- કોઈપણ શુલ્ક વિના મોબાઈલ બેંકિંગ સુવિધા ઉપલબ્ધ છે
- તમને ફ્રી માં મિની સ્ટેટમેન્ટ મળશે
- નાણાકીય સાક્ષરતા કાર્યક્રમ યોજના હેઠળ ચલાવવામાં આવે છે જેમાં વ્યક્તિ રોકાણ વિશે શીખી શકે છે
- જન ધન ખાતા સાથે 30,000 રૂપિયાનું મફત લાઈફ કવર મળે છે
- જન ધન ખાતા સાથે તમને 1 લાખ રૂપિયાનો મફત અકસ્માત વીમો મળે છે
- જન ધન ખોલ્યા પછી જો તમે પણ બચત ખાતું ખોલવા માંગો છો પરંતુ તેના માટે કોઈ દસ્તાવેજ નથી, તો પણ તમે બચત ખાતું ખોલી શકો છો.
મફત અકસ્માત વીમો
જન ધન યોજનામાં ખોલવામાં આવેલા ખાતા પર 1 લાખનો અકસ્માત વીમો છે. આ માટે કોઈ ફી ચૂકવવાની નથી. આ વીમાનું પ્રીમિયમ નેશનલ પેમેન્ટ કોર્પોરેશન ઓફ ઈન્ડિયા એટલે કે NPCI દ્વારા જમા કરવામાં આવે છે. હાલમાં RuPay કાર્ડ પર 0.47 પૈસાનું પ્રીમિયમ વસૂલવામાં આવે છે. ખાસ વાત એ છે કે જો પતિ-પત્નીએ સંયુક્ત રીતે જન ધન ખાતું ખોલાવ્યું હોય તો બંનેને 1 લાખના અકસ્માત વીમા અને 30 હજાર રૂપિયાના જીવન વીમાનો લાભ મળે છે. બંનેને અલગ-અલગ રકમ મળે છે. જો કે, સંયુક્ત ખાતામાં ઓવરડ્રાફ્ટની સુવિધા માત્ર એક સભ્યને આપવામાં આવે છે. આ સુવિધા રૂ.5,000 સુધી ઉપલબ્ધ છે.
આ પણ વાંચો : Petrol Diesel Price Today : સતત 23મા દિવસે પેટ્રોલ અને ડીઝલના ભાવમાં વધારો ન કરાયો, જાણો તમારા શહેરના ઇંધણના ભાવ
આ પણ વાંચો : HULની આવકમાં 10 ટકાનો વધારો, Q4નો નફો 9 ટકા વધીને 2,327 કરોડ રૂપિયા થયો
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
