Tax on Mutual Funds: આ મ્યુચ્યુઅલ ફંડ સ્કીમ્સ પર FDની જેમ ટેક્સ લાગશે, બદલાશે નિયમ

મ્યુચ્યુઅલ ફંડમાં રોકાણ કરનારાઓ માટે આ સમાચાર ખૂબ જ મહત્વપૂર્ણ છે. જો તમે પણ મ્યુચ્યુઅલ ફંડમાં પૈસા રોકો છો, તો ટૂંક સમયમાં તમને મોટો ઝટકો લાગી શકે છે. તેનું કારણ એ છે કે સરકાર કેટલીક મ્યુચ્યુઅલ ફંડ યોજનાઓમાં ઉપલબ્ધ ટેક્સ બેનિફિટને સમાપ્ત કરી શકે છે. સરકારની દરખાસ્ત શું છે તે જાણવા માગો છો…

નાણા મંત્રાલય ફાઇનાન્સ બિલમાં સુધારો કરવાની યોજના છે

મીડિયા રિપોર્ટ્સ અનુસાર, નાણા મંત્રાલય ફાઇનાન્સ બિલમાં સુધારો કરવાની યોજના ધરાવે છે. આમ કરવાથી, સરકાર ડેટ મ્યુચ્યુઅલ ફંડમાં લાંબા ગાળાના રોકાણ પર ઉપલબ્ધ કેપિટલ ગેઈન ટેક્સ (LTCG) લાભને દૂર કરી શકે છે. તેના બદલે, આ યોજનાઓને શોર્ટ ટર્મ કેપિટલ ગેઈન ટેક્સ (STCG)ના દાયરામાં લાવી શકાય છે.

ડેટ ફંડ પર એફડીની જેમ ટેક્સ લાગશે

પ્રસ્તાવિત સુધારા મુજબ, જે ડેટ ફંડ્સનું ઈક્વિટી શેરમાં રોકાણ 35 ટકાથી વધુ નથી તેમના પર હવે ઈન્કમ ટેક્સ સ્લેબ અનુસાર ટેક્સ લગાવવો પડશે.આવા રોકાણ પરના નફાને ટૂંકા ગાળાના મૂડી લાભ તરીકે ગણવામાં આવશે. બેંકની ફિક્સ્ડ ડિપોઝિટ પર જે ટેક્સ લાગે છે તેટલો જ આ ટેક્સ પણ હશે.નાણાં પ્રધાન નિર્મલા સીતારમણે આ વર્ષે બજેટ ભાષણમાં જાહેરાત કરી હતી કે લોકો ડેટ મ્યુચ્યુઅલ ફંડમાં માત્ર 35 ટકા રકમ ઇક્વિટી શેરમાં રોકાણ કરી શકે છે.

સોનામાં રોકાણ પણ કરવેરાના દાયરામાં આવશે

પ્રસ્તાવિત સુધારો શુક્રવારે સંસદમાં રજૂ કરવામાં આવી શકે છે. આ નિયમ 1 એપ્રિલ 2023થી જ લાગુ થશે. આમાં બીજી જોગવાઈ એ છે કે નવો નિયમ માત્ર ડેટ મ્યુચ્યુઅલ ફંડને જ નહીં પરંતુ ગોલ્ડ, ઈન્ટરનેશનલ ઈક્વિટી અને ડોમેસ્ટિક ઈક્વિટી ફંડ ઓફ ફંડ્સમાં રોકાણ પર પણ લાગુ થશે.

આ સમાચાર આવ્યા બાદથી ઘણી મ્યુચ્યુઅલ ફંડ કંપનીઓના શેરના ભાવમાં ઘટાડો જોવા મળી રહ્યો છે. HDFC AMCનો સ્ટોક 4 ટકા, નિપ્પોન AMC 1.75 ટકા અને UTI AMCનો 2 ટકા ઘટ્યો હતો.

આ પણ વાંચો : રોકાણકારોને 68% સુધી નુકસાન કરાવનાર IPO ના આ મ્યુચ્યુઅલ ફંડે 30 લાખ શેર ખરીદ્યા, જાણો શું છે કંપનીનું તર્ક