Share Market : વૈશ્વિક ઘટાડાએ ભારતીય બજારની તેજી ઉપર લગાવી બ્રેક, આ શેર્સ 10 ટકા સુધી ગગડ્યા
મંગળવારે, FIIએ રૂ. 4166 કરોડની રોકડમાં ખરીદી કરી હતી જ્યારે DIIએ રૂ. 657 કરોડની ખરીદી કરી હતી.
આજે ગુરુવારે સપ્ટેમ્બર મહિનાના પહેલા દિવસે વૈશ્વિક બજારના નકારાત્મક સંકેતોને કારણે ભારતીય શેર બજાર(Share Market)ની શરૂઆત ભારે ઘટાડા સાથે થઈ હતી. સેન્સેક્સ 826 પોઈન્ટ ઘટીને 58,710 પોઈન્ટ પર ખુલ્યો હતો તો બીજી તરફ નિફ્ટી 244 પોઈન્ટ તૂટીને 17507ના સ્તરે ખુલ્યો હતો. શરૂઆતના વેપારમાં બેન્કિંગ, ફાઇનાન્શિયલ સર્વિસિસ, આઇટી, રિયલ્ટી, એફએમસીજી સહિતના તમામ ક્ષેત્રોમાં નબળાઇ જોવા મળી રહી છે. સેન્સેક્સના 30માંથી 25 શેરોમાં ઘટાડો છે. ભારતી એરટેલ ટોપ ગેનર છે. બાદમાં થોડી રિકવરી દેખાઈ પણ કારોબાર લાલ નિશાન નાચે જ રહ્યો હતો. મંગળવારે, FIIએ રૂ. 4166 કરોડની રોકડમાં ખરીદી કરી હતી જ્યારે DIIએ રૂ. 657 કરોડની ખરીદી કરી હતી.
શેરબજારની છેલ્લી સ્થિતિ(09:50 pm ) |
|
| SENSEX | 59,015.07 −522.00 (0.88%) |
| NIFTY | 17,606.15 −153.15 (0.86%) |
બંને મુખ્ય ઇન્ડેક્સમાં આજનો પ્રારંભિક કારોબાર
| SENSEX | NIFTY | ||
| Open | 58,710.53 | Open | 17,485.70 |
| High | 59,154.83 | High | 17,649.65 |
| Low | 58,638.46 | Low | 17,485.55 |
| Prev close | 59,537.07 | Prev close | 17,759.30 |
| 52-wk high | 62,245.43 | 52-wk high | 18,604.45 |
| 52-wk low | 50,921.22 | 52-wk low | 15,183.40 |
સતત બીજા મહિને LPG સિલિન્ડરની કિંમતમાં મોટો ઘટાડો થયો
દેશમાં મોંઘવારીથી ત્રસ્ત લોકોને મહિનાના પહેલા દિવસે મોટી રાહત મળી છે. 1લી સપ્ટેમ્બરે એલપીજી સિલિન્ડરના ભાવમાં ઘટાડો(Reduction in LPG cylinder prices) કરવામાં આવ્યો છે. એલપીજી સિલિન્ડર(LPG cylinders) ની કિંમતમાં 100 રૂપિયાનો મોટો ઘટાડો કરવામાં આવ્યો છે. જોકે, ભાવમાં આ ઘટાડો માત્ર કોમર્શિયલ સિલિન્ડર પર જ થયો છે જ્યારે 14.2 કિગ્રાનું ઘરેલું એલપીજી સિલિન્ડર(Domestic LPG cylinder) જૂના ભાવે જ ઉપલબ્ધ છે. 1 સપ્ટેમ્બરથી દિલ્હીમાં 1 ઇન્ડેનના 19 કિલોના કોમર્શિયલ સિલિન્ડરની કિંમત 91.50 રૂપિયા, કોલકાતામાં 100 રૂપિયા, મુંબઈમાં 92.50 રૂપિયા, ચેન્નાઈમાં 96 રૂપિયા સસ્તી થશે. કોમર્શિયલ સિલિન્ડરની કિંમતમાં ઘટાડાનો ફાયદો દેશના લગભગ દરેક ક્ષેત્રમાં મળશે.
આ શેર્સ 10% સુધી તૂટ્યા
| Company | Prev Close (Rs) | Current Price (Rs) | % Change |
| Ravileela Granites | 38.45 | 34.5 | -10.27 |
| Sri Lakshmi Sara | 53 | 47.6 | -10.19 |
| S M Gold | 50.05 | 45.05 | -9.99 |
| Citadel Realty & Dev | 16.75 | 15.3 | -8.66 |
| Raj Packaging In | 33.05 | 30.25 | -8.47 |
| Jupiter Infomedia Lt | 22.05 | 20.3 | -7.94 |
| Joonktollee Tea | 81.95 | 75.5 | -7.87 |
| Utique Enterprises | 8.3 | 7.74 | -6.75 |
| USG Tech Solutions | 7 | 6.54 | -6.57 |
| Saumya Consultants | 89.9 | 84.1 | -6.45 |
વૈશ્વિક બજારમાં નબળો કારોબાર
યુએસમાં ફેડરલ રિઝર્વે વ્યાજદરમાં વધારો કરવાના સંકેત આપ્યા બાદ બજારમાં વેચવાલી જોવા મળી રહી છે. રોકાણકારોને પણ મંદીનું જોખમ દેખાઈ રહ્યું છે જેના કારણે તેઓ બજારમાં નાણાંનું રોકાણ કરતા ખચકાય છે. છેલ્લા ટ્રેડિંગ સેશનમાં પણ અમેરિકાના મુખ્ય શેરબજારોમાં સમાવિષ્ટ NASDAQ પર 0.56 ટકાનો ઘટાડો જોવા મળ્યો હતો. ફ્રેન્ચ શેરબજાર 1.37 ટકાના નુકસાન સાથે બંધ થયું હતું જ્યારે લંડન સ્ટોક એક્સચેન્જને પણ છેલ્લા ટ્રેડિંગ સેશનમાં 1.05 ટકાનું નુકસાન થયું હતું.
એશિયન બજારો પણ તૂટ્યા
એશિયાના મોટાભાગના શેરબજારો આજે સવારે નુકસાન સાથે ખુલ્યા હતા અને લાલ નિશાન પર ટ્રેડ કરી રહ્યા છે. આજે સિંગાપોર સ્ટોક એક્સચેન્જમાં 0.26 ટકાનો ઘટાડો જોવા મળી રહ્યો છે જ્યારે જાપાનનો નિક્કી 1.63 ટકાના ઘટાડા સાથે કારોબાર કરી રહ્યો છે. આ સિવાય હોંગકોંગમાં 1.29 ટકા અને તાઈવાનમાં 1.74 ટકાનો મોટો ઘટાડો છે. દક્ષિણ કોરિયાનો કોસ્પી પણ 1.53 ટકાના નુકસાન સાથે કારોબાર કરી રહ્યો છે અને ચીનનો શાંઘાઈ કમ્પોઝિટ 0.18 ટકાના ઘટાડા સાથે કારોબાર કરી રહ્યો છે.
Published On - 10:00 am, Thu, 1 September 22