Stock Market : પ્રારંભિક તેજી સાથે SENSEX અને NIFTY એ કારોબાર શરૂ કર્યો, RIL નો શેર 2 ટકા તૂટ્યો

આજે સપ્તાહના છેલ્લા ટ્રેડિંગ દિવસે શેર બજાર(Stock Market)માં સારી શરૂઆત થઇ છે જોકે સવારે 10 વાગ્યાના અરસામાં બજારમાં નરમાશની શરૂઆત દેખાઈ હતી. પ્રારંભિક કારોબારમાં બંને મુખ ઇન્ડેક્સ SENSEX અને NIFTY લીલા નિશાન ઉપર કાળોબર કરતા નજરે પડી રહ્યા છે. આજે બીએસઈ સેન્સેક્સ 78 પોઇન્ટના ઉછાળા સાથે 52877 ઉપર ખુલ્યો હતો જયારે એનએસઈ નિફ્ટીએ 50 પોઇન્ટના વધારા સાથે 15839 ના સ્તરે કારોબાર શરૂ કર્યો હતો.

આજે પણ રિલાયન્સ ઇન્ડસ્ટ્રીઝના શેરમાં ઘટાડો દર્જ થયો છે.RIL નો શેરમાં બે ટકા કરતા વધુ તૂટ્યો છે. ગઈકાલે કંપનીની AGM યોજવામાં આવી હતી જેમાં મુકેશ અંબાણીએ ઘણા મહત્વપૂર્ણ નિર્ણયોની જાહેરાત કરી હતી.

પ્રારંભિક કારોબારમાં બજારમાં સારી ખરીદારી દેખાઈ રહી છે.સેન્સેક્સ અને નિફટીમ,આ 0.2 ટકા આસપાસ વધારો દેખાયો હતો. નિફ્ટીની મિડ કેપ અને સ્મોલ કેપમાં લગભગ અડધા ટકાનો ઉછાળો આવ્યોછે.

આ અગાઉના છેલ્લા સત્રમાં ગુરુવારે શેર બજારો મજબૂત સ્થિતિમાં બંધ થયા હતા. NSEનો 50 શેરો વાળો Nifty 103 અંક એટલે કે 0.66% વધીને 15,790 પોઇન્ટ પર બંધ થયો હતો. બીજી તરફ BSEના 30 શેરો વાળા ઇન્ડેક્સ Sensex 393 અંક મુજબ 0.75% ની મજબૂતી સાથે 52,699 ના સ્તર પર કારોબાર પૂર્ણ કર્યો હતો. ગઈકાલે RIL ની AGM હતી. કંપનીના શેરમાં લગભગ 3% ઘટાડો થયો હતો.

ગ્લોબલ સંકેત તેજી તરફ ઈશારો કરી રહયા છે.એશિયાના તમામ મુખ્ય શેર બજારો મજબૂત સ્થિતિમાં દેખાઈ રહયા છે. જાપાનનો નિક્કી ઇન્ડેક્સ લગભગ 0.70% વધ્યો છે. હોંગકોંગની હેંગ સેંગ લગભગ 1.20% ઉપર છે. ચીનના શાંઘાઈ કમ્પોઝિટ લગભગ 0.80% ની મજબૂતી સાથે કારોબાર કરી રહ્યા છે. યુએસ બજારોમાં ગુરુવારે જોરદાર તેજી જોવા મળી હતી. ડાઉ જોન્સ 0.95% ના ઉછાળા સાથે બંધ રહ્યો હતો. નાસ્ડેક 0.69% ની મજબૂતી સાથે બંધ રહ્યો અને એસ એન્ડ પી 500 માં 0.58% નો વધારો થયો છે.

NSE પર ઉપલબ્ધ પ્રોવિઝનલ ડેટા મુજબ વિદેશી સંસ્થાકીય રોકાણકારો (FII) એ કુલ રૂ 2890 કરોડના શેર વેચ્યા છે. તેમણે ખરીદેલા શેરોની રકમ કરતા ઘણા રૂપિયાના શેર વેચ્યા હતા. બીજી તરફ સ્થાનિક સંસ્થાકીય રોકાણકારો (DII) એ 1,138 કરોડ રૂપિયાના શેરની ખરીદી કરી હતી.